ফারাকগিবা খাৎথা 3:18 - Garo New Testament

¹⁸ উনি গিম্মিন আংআ নাং·না ইন্দাকে গি·য়েতিংজক- না·আ আংচানিখো ওয়া·আলো সো·এ খাকখেৎ দাকগিবা সোনাখো ব্রিএ রা·বো জেদাক্কে নকমা হং·না মা·ন্না। আংচানিখো গিব্বক বা·রাখো ব্রিএ গানবো জেদাক্কে নাং·নি খমলং হং·আনি খ্রাচা·আখো নিকনা নাংজা। আংচানিখো মিক্রোনও হন·গিবা মলমখো ব্রিএ রা·বো জেদাক্কে না·আ নিকনা মা·ন্না।

ফারাকগিবা খাৎথা 3:18 Iomraidhean Croise

মথিনি চকগিবা নাম্মা খাৎথা 13:44

‘‘সালগিনি সংনক হা·বাও ত্থুম্মুয়ে দনগিবা গাম গিত্তা হং·আ। জেখো মান্দি সাকসা নিক্কে দা·আবা থুুম্মুয়ে দনজক। জা·মানো বিয়া খুসি হং·এ রি·য়াংজক আরো আন·থাংনি দংগিবা গিম্মিকখো ফাল্লে উয়া হা·বাখো ব্রিজক।

মথিনি চকগিবা নাম্মা খাৎথা 25:9

উনোন উয়া বুদ্ধিগ্মাং মি·থ্রারাং আগানচাকজক, ‘হং·জা, তেল দংগিবা চিংনা আরো না·সংনা চু·ওংজানুয়া। না·সং ইনাবাত্তে ফালগিবারাংচা রি·য়াংএ আন·থাংথাংনা তেলখো ব্রিএবো।’

লূকনি চকগিবা নাম্মা খাৎথা 12:21

বন·খামাচাবাক্কা যীশু আগানজক, “জে মান্দি আন·থাংনি গিম্মিন গামজিনরাংখো চিম্মংএনবা ইসলনি মিক্রোনও মা·ন্নে চা·গিবা হং·জা, বিনি অবস্থা উগিত্তান হং·আ।”

2য় করিন্থীয়রাংনা 5:3

মুয়ানা ইয়া খাৎথা বিবি, উয়া বে·এনখো মান·জোকনো নিকনা মা·ন্নুয়া চিংআ খমলং হং·জা।

2য় করিন্থীয়রাংনা 8:9

না·সংদে আনচিংনি গিত্তেল যীশু খ্রীষ্টনি খা·সাচাক্কে হ·ন্নানিখো হা·আইয়া, বিয়া আন·থাং নকমা হং·এবা না·সংনা দিলজক, জেদাক্কে বিনি দিল্লাচা না·সং নকমা চানা মা·ন্না।

1 তীমথিয় 6:18

মা·ন্নে চা·গিবারাংনা গি·য়েৎবো জেদাক্কে বিসং গিপ্পিননি নাম্মাখো দাক্কা, খাকখেৎ কামও দংআ, জাকস্রামে হ·ন্না আরো বিসংনি গামরাংনি বাকখো গিপ্পিনরাংনাবা হ·ন্না।

যাকোব 2:5

খিন্নাবো, আংনি খা·সাগিবা জংআদারাং। ইয়া হা·গিলসাকনি মিক্রোনও দিল্লা-চন্না মান্দিরাংখো ইসল বিবিরা·আও মা·ন্নে চা·গিবা হং·না বাচ্ছিয়ে রা·জামা? জেরাং ইসলনা খা·বাকা উরাংখো বিয়া জে সংনকখো র·ন্নুয়া ইন্নে খু·রাচাক্কামিং, উয়া সংনকখো মান·রিকনাবা ইসল বিসংখোন বাচ্ছিয়ে রা·জামা?

পিতর 1:7

ইন্দাকা রুরাআ সকবা জেদাক্কে না·সংনি বিবিরা·আ খাকখেৎ ইখো নিকনা মা·ন্না, আরো উনি গিম্মিনো যীশু খ্রীষ্টনি ফারাকানি সালো না·সং মিৎথেলাখো, রাসংখো আরো মান্দিরা·আখো মা·ন্না। জে সোনা নাসিনুয়া উখোবা ওয়া·আলো সো·এ খাকখেৎ দাক্কে রা·আ; ইন্দিবা না·সংনি বিবিরা·আনি দামদে উয়া সোনানা বাত্তে আরোবা বাং·আ।

ফারাকগিবা খাৎথা 16:15

যীশু আগানা, “নিবো, আংআ চা·খক গিত্তা রি·বানুয়া। উয়া মান্দি ফাত্তিয়া মান·গিবা হং·আ, জেআন মিকরাকে দংআ আরো আন·থাংনি বা·রাখো গান্নে দংআ, জেদাক্কে বিখো খমলং হং·এ রোমনা নাংজা আরো মান্দিরাং বিনি খ্রা·চাখো নিকনা মান·জা।”

ফারাকগিবা খাৎথা 19:8

চিং·গিবা, চি·রংআ আরো সেন·চিপচিপা মদিনানি বা·রাখো বিনা গান্না হন·জক। উয়া বা·রা ইসলনি মান্দিরাংনি বাম্মানি হং·আ।”

ফারাকগিবা খাৎথা 2:9

নাং·নি দুক আরো দিল্লানি খাৎথাখো আংআ হা·আইয়া, ইন্দাকোবা না·আ নকমা হং·আ। আন·থাংথাংখো যিহূদী ইন্নে আগানোবা জেরাং যিহূদী হং·জা বাত্তেসা শয়তাননি দলনি মান্দি হং·আ, বিসং নাং·নি সাক্কাও জেখো আগানা উখো আংআ হা·আইয়া।

ফারাকগিবা খাৎথা 3:17

না·আ আগানিংআ, ‘আংআ নকমা; আংআ নকমা হং·জক, উনি গিম্মিন আংআ মামুংনান দিলজা।’ দে নাম্মান, ইন্দিবা না·আদে হা·আইজা, না·আ দুক মান·গিবা, খা·সাচাক্কানি মান্দি, দিল্লা, মিকগ্রি আরো খমলং হং·আ।

ফারাকগিবা খাৎথা 4:4

উয়া সিংহাসননি সামব্রিও আরোবা খলগ্রিকব্রি সিংহাসন দংআমিং, আরো উয়া সিংহাসনরাংও সাক খলগ্রিকব্রি মি·আফারাং আসংএ দংআমিং। বিসংনি চলা গিব্বকামিং আরো বিসংনি স্খুও সোনানি মুকুট দংআমিং।

ফারাকগিবা খাৎথা 7:13

উনো সাকসা মি·আফাআ আংনা আগানজক, “গিব্বক চলাখো চিনগিবা ইয়া মান্দিরাং সা? আরো বাচ্চানিবা ইরাং রি·বাজক?”