ফারাকগিবা খাৎথা 3:12 - Garo New Testament

¹² জেআন হামনুয়া বিখো আংআ আংনি ইসলনি নকনি গি·সা খ্রং দাকনুয়া; বিয়া মামুং সালোবা হা·ফালচা রি·য়াংজানুয়া। আংআ বিনি সাক্কাও আংনি ইসলনি বিমুংখো আরো আংনি ইসলনি সংজিলমানি বিমুংখো চকনুয়া। গিত্তাল যিরূশালেমআন উয়া সংজিলমা। সালগিওনি আংনি ইসলচানি ইয়া সংজিলমা হং·ওনবানুয়া। জেআন হামনুয়া আংআ বিনি সাক্কাও আংনি গিত্তাল বিমুংখোবা চকনুয়া।

ফারাকগিবা খাৎথা 3:12 Iomraidhean Croise

মার্ক 12:16

বিসং দীনার গং·সাখো রা·বাএ হ·ন্নানি জা·মানো যীশু বিসংখো সিং·জক, ‘‘ইনি সাক্কাও দংগিবা মিকখাং আরো বিমুং সানি?’’ বিসং আগানজক, ‘‘রোম রাজানি।’’

গালাতীয়রাংনা 2:9

উয়া দা·ল্লা-রাক্কা মান্দিরাং, আগানস্খাওদে যাকোব, পিতর আরো যোহন ইরাংখো নিক্কে হা·আইনা মা·ন্নামিং, ইসলচাখো আংআ মংসংগিবা খা·সাচাক্কাখো মা·ন্না। বিসংমুং চিংনি নাংরিমাখো ফিন্নিকনা ইন্নে বিসং আংমুং আরো বার্ণবামুং জাক্রা জাকখো মেলিগ্রিকেতজক। চিংআ গিপ্পিন জাতরাংচা রি·য়াংনুয়া আরো বিসং আন·থাং যিহূদীরাংচা রি·য়াংনুয়া ইন্নে বিসং গং·জক।

ইব্রীয়রাংনা 12:22

না·সংদে সিয়োন হা·ব্রি আরো থাংগিবা ইসলনি সংজিলমানি সেফাংও রি·বাজক। উয়া সংজিলমা হং·জক সালগিনি যিরূশালেম। না·সং হাজাল হাজাল সা·গ্রেরাংনি হান·সেংআওনা রি·বাজক;

ইব্রীয়রাংনা 13:14

মুয়ানা ইনো আনচিংনি দংখামগিবা সংজিলমা দংজা; ইন্দিবা জে সংজিলমা সকবানুয়া উনা আনচিং সেংসোএ দংআ।

1 যোহন 4:4

ইন্দিবা বি·সারাং, না·সং ইসলনি। না·সং উয়া বু·এ চা·গিবারাংনি সাক্কাও হামজক, মুয়ানা ইয়া হা·গিলসাকো জেআন দংআ, উনা বাত্তে জেআন না·সংনি খা·থংও দংআ বিয়া দাল·বাতা।

ফারাকগিবা খাৎথা 14:1

জা·মানো আংআ নিয়েতজক, উয়া মেষ বি·সা সিয়োন হা·ব্রিনি সাক্কাও চাদেংএ দংআ। বিমিং হাজাল রিৎচাসা সৎব্রিব্রি মান্দি দংআ। বিসংনি কপালও মেষ বি·সা আরো বিনি ফাগিবানি বিমুং লিক্ষিয়া দংআ।

ফারাকগিবা খাৎথা 17:14

ইরাং মেষ-বি·সানি সাক্কাও দাকগ্রিকনুয়া আরো মেষ-বি·সা বিসংখো হাম্মেতজানুয়া, মুয়ানা বিয়া গিত্তেলরাংনি গিত্তেল আরো রাজারাংনি রাজা হং·আ। জেরাংখো রিক্কামজক আরো বাচ্চিয়ে রা·জক আরো জেরাং বিবিগিবা হং·আ বিসংআন বিমিং দংনুয়া।”

ফারাকগিবা খাৎথা 2:11

জেনি খিন্নানা নাচিল দংআ বিয়া খিন্নাখানা, গিসিক রংথালগিবা মন্ডলীরাংনা মুয়াখো আগানিংআ। জেআন হামনুয়া গ্মিগিবা সিয়া মামুং দাক্কেবা বিনি নামগিজাখো দাকজানুয়া।

ফারাকগিবা খাৎথা 2:17

জেনি খিন্নানা নাচিল দংআ বিয়া খিন্নাখানা, গিসিক রংথালগিবা মন্ডলীরাংনা মুয়াখো আগানিংআ। জেআন হামনুয়া বিনা আংআ সিউল দনগিবা মান্নাওনি অকখিসা মান্না আরো খানসা গিব্বক রং·থিখো হ·ন্নুয়া। উয়া রং·থিনি সাক্কাও ইন্দাকগিবা মিংসা গিত্তাল বিমুং চক্কা দংনুয়া জেখো দারাংবা হা·আইজা; উখো জেআন মা·ন্নুয়া বিয়াসান উখো হা·আইনুয়া।

ফারাকগিবা খাৎথা 2:7

জেনি খিন্নানা নাচিল দংআ বিয়া খিন্নাখানা, গিসিক রংথালগিবা মন্ডলীরাংনা মুয়াখো আগানিংআ। জেআন হামনুয়া বিনা আংআ ইসলনি সংনকনি বলজাংগিনি বিথিখো চা·না হ·ন্নুয়া।

ফারাকগিবা খাৎথা 21:2

জা·মানো আংআ উয়া রংথালগিবা সংজিলমাখো, আগানস্খাওদে গিত্তাল যিরূশালেমখো সিলগাওনি আরো ইসলওনি হং·খাতে রি·বাখো নিকজক। মিচিকখো জেগিত্তা বিনি চাওয়ারিনা থারিয়ে দন্না, ইয়া সংজিলমাখোবা উগিত্তান থারিয়ামিং।

ফারাকগিবা খাৎথা 22:4

বিসং বিনি মিকখাংখো নিকনা মান·নুয়া আরো বিনি বিমিং বিনি কপালও লিক্ষিয়া দংনুয়া।

ফারাকগিবা খাৎথা 3:5

জেআন হামনুয়া বিয়া ইন্দাকা গিব্বক বা·রাখো গান্নুয়া। জাংগিনি-খি·তাপওনি বিনি বিমুংখো আংআ মামুং সালোবা রিপ্পাকে গালজানুয়া, বাত্তেসা আংনি ফাগিবানি আরো বিনি সা·গ্রেরাংনি মিকখাংও আংআ বিখো খু·রাচাকনুয়া।