ফারাকগিবা খাৎথা 3:1 - Garo New Testament

¹ “সার্দি সংজিলমানি মন্ডলীনি সা·গ্রেচা ইয়া খাৎথাখো চকবো- ইসলনি সাকস্নি গিসিকখো আরো আস্কি রংস্নিখো জেআন রি·ম্মে দংআ বিয়া ইয়া খাৎথাখো আগানিংজক: আংআ নাং·নি কামনি খাৎথাখো হা·আইয়া। থাংএ দংআ ইন্নে নাং·খো হা·আইয়া, ইন্দিবা আদতে না·আ সিজক।

ফারাকগিবা খাৎথা 3:1 Iomraidhean Croise

লূকনি চকগিবা নাম্মা খাৎথা 15:24

মুয়ানা আংনি ইয়া দেফান্থি সিজকমিং ইন্দিবা থাংচাফিলজক; গিম্মাজকমিং মান·ফিলজক।’ জা·মানো বিসং হান·সেংনা হা·বাচেংজক।

লূকনি চকগিবা নাম্মা খাৎথা 15:32

আনচিংনি খুসি হং·না নাংআ, মুয়ানা নাং·নি ইয়া জং সিজকমিং দা·আবা থাংচাজক; গিম্মাজকমিং দা·আবা বিখো মান·ফিলজক।’ ”

যোহননা 1:16

আনচিং দিমদাকান বিনি উয়া গাপসুয়াকাওনিখো খা·সাচাক্কানি সাক্কাও দা·আবা খা·সাচাক্কাখো মান·জক।

যোহননা 1:33

আংআ বিখো হা·আইজামিং, ইন্দিবা আংখো চিও রিপ্পলেতনা ওয়াত্তেতগিবান আংনা আগানেতজক, ‘জেনি সাক্কাও গিসিক রংথালগিবাখো হং·ওনবাখো নিকনুয়া, বিয়ান উয়া জেআন গিসিক রংথালগিবাও রিপ্পলেতনুয়া।’

যোহননা 20:22

ইয়া খাৎথাখো আগানে বিয়া জা·রিকগিবারাংনি সাক্কাও স্ফুদাপে আগানজক, “গিসিক রংথালগিবাখো রা·চাকবো।

যোহননা 3:34

ইসল জেখো ওয়াত্তেতজক বিয়া ইসলনি খাৎথাখোন আগানা, মুয়ানা ইসল বিনা গিসিক রংথালগিবাখো থয়ে হন·জা।

ওয়াত্তেতারাংনা 2:33

ইসলনি জাক্রাচা আসংআনি রাসংখো বিনাসান হ·ন্না আরো খু·রাচাকগিবা গিসিক রংথালগিবাখো বিয়ান ফাগিবা ইসলচানিখো মা·ন্না; আরো দা·আও না·সং জেখো নিক্কিংআ আরো খিন্নানা মা·ন্নিংআ উখো যীশুন হ·ন্না।

ইফিষীয়রাংনা 2:1

বামগিজানা আরো পাপনি হা·সেল না·সং সিগিবামিং।

ইফিষীয়রাংনা 2:5

ইনি গিম্মিন বামগিজানা আনচিংনি সিয়ে দংমিত্তিংও খ্রীষ্টমুং আনচিংখো বিয়া থাংচাএতজক। ইসলনি খা·সাচাক্কাচা না·সং পাপওনি জক্কাখো মান·জক।

কলসীয়রাংনা 2:13

না·সংদে পাপনি হা·সেল আরো বিগিল রাতগিজানি হা·সেল সিয়ে দংআমিং, ইন্দিবা ইসল না·সংখো খ্রীষ্টমুং থাংচাএতজক। বিয়া আনচিংনি গিম্মিক পাপখো ক্ষেমা দাকজক,

1 তীমথিয় 5:6

ইন্দিবা জে রান্দি মিচিক হা·সিকরামরাম জাংগিখো থাংএতা বিয়া থাংমিত্তিংওবা সিয়া গিত্তা হং·আ।

যাকোব 2:26

জাংগিগ্রি বে·এন জেদাক্কে সিয়ানি হং·আ, উয়ান দাক্কে কামগ্রি বিবিরা·আবা সিয়ানি হং·আ।

পিতর 1:11

বিসংনি খা·থংও খ্রীষ্টনি গিসিক স্খাংআন সাক্ষি র·ন্নে আগানামিং, খ্রীষ্টখো দুক চাকনা নাংনুয়া আরো ইনি জা·মানো বিয়া রাসংখো মা·ন্নুয়া। আগানসোগিবারাং হা·আইনা হা·ম্মামিং খ্র্রীষ্টনি উয়া গিসিক বাগিবা সময় আরো বাদাকা অবস্থানি খাৎথাখো বিসংনা আগানিংআমিং।

যিহূদা 1:12

ইয়া মান্দিরাং জে সময়ও খেনমানগিজা না·সংনি চা·আও দংফা উনো না·সংনি উয়া চা·আও বিসং ময়লা গিত্তা হং·আ। বিসং আন·থাংথাংনাসান চানচিয়া। বিসং বালওয়াও বালফাকগিবা চিগ্রি গাদিলা গিত্তা হং·আ। বিথি আক্কানি সময়ও বিথিগ্রি ইন্নে জা·দিল মাংগ্মাং ফিক্কে গাল্লেতা বিফাং গিত্তা বিসং সামগ্মিচানিন সিয়া গিত্তা হং·আ।

ফারাকগিবা খাৎথা 1:11

বিয়া আংনা আগানজক, “জেখো নিকনুয়া উখো গি·সা খি·তাপও চকবো, আরো উখো ইফিষ, স্মূর্ণা, পর্গাম, থুয়াতীরা, সার্দ্দি, ফিলাদিল্‌ফিয়া আরো লায়দিকেয়া- ইয়া দামস্নি সংজিলমানি গি·স্নি মন্ডলীরাংচা ওয়াত্তেতবো।”

ফারাকগিবা খাৎথা 1:16

বিয়া বিনি জাক্রানি জাক্কো রংস্নি আস্কিখো রি·ম্মে রা·রিকামিং আরো বিনি খু·সুকোনি গি·সা মি·ল্লাম হং·খাতে রি·বাংআমিং জেনি সামগ্মিওন মাত্তা দংআমিং। বিনি মিকখাং-বিমাং সাল গিত্তান দাক্কামিং।

ফারাকগিবা খাৎথা 1:20

জে বলস্নি সোনানি গাসাখো আরো আংনি জাক্রা জাক্কো জে রংস্নি আস্কিখো না·আ নিকজক উনি নিং·থুয়া অর্থ ইয়ান- উয়া রংস্নি আস্কি হং·জক গি·স্নি মন্ডলীনি সাকস্নি সা·গ্রে আরো বলস্নি গাসা হং·জক উয়া গি·স্নি মন্ডলী।

ফারাকগিবা খাৎথা 1:4

আংআ যোহন এশিয়া হা·দকনি গি·স্নি মন্ডলীচা চক্কিংজক। জেআন দংআ, জেআন দংআমিং আরো জেআন রি·বাংজক বিয়া আরো বিনি সিংহাসননি মিকখাংও জে সাকস্নি গিসিক দংআ বিসং আরো যীশু খ্রীষ্ট না·সংনা খা·সাচাকখানা আরো থম·থমাখো হন·খানা। যীশুআন বিবিগিবা সাক্ষি আরো সিয়াওনি বিয়ান স্খাং থাংচামিং আরো বিয়ান হা·গিলসাকনি রাজারাংখো শাসন দাকগিবা হং·আ। বিয়া আনচিংনা খা·সা আরো আন·থাংনি হান·চিচা পাপওনি আনচিংখো জক্কেৎজক।

ফারাকগিবা খাৎথা 2:13

না·আ বাও সংদংইংআ উখো আংআ হা·আইয়া; উয়ো শয়তাননি সিংহাসন দংআ। ইন্দাকোবা না·আ আংনি গিম্মিনো বিবিগিবা হং·এ দংআ আরো আংনি সাক্কাও নাং·নি বিবিরা·আখো জিচাকজা। আরোবা, জেও শয়তান দংআ উয়ো জে সময়ও আংনি বিবিগিবা সাক্ষি আন্তিপাস্‌খো না·সংনি মিকখাংও স·ওতামিং উনোবা না·আ নাং·নি বিবিরা·খো জিচাকজাজক।

ফারাকগিবা খাৎথা 2:19

আংআ নাং·নি কামখো, নাং·নি খা·সাখো, নাং·নি বিবিরা·খো, নাং·নি দাকচাকে হ·ন্নাখো আরো নাং·নি চাকচিকানি খাৎথাখো হা·আইয়া। আরো না·আ স্খাংও জে কামরাংখো দাক্কামিং উনাবাত্তে দা·আও আরোবা বাং·এ কাম দাক্কিংআ উয়া খাৎথাখোবা আংআ হা·আইয়া।

ফারাকগিবা খাৎথা 2:2

আংআ নাং·নি কাম, গাম্মা আরো চাকচিকানি খাৎথাখো হা·আইয়া। আংআ হা·আইয়া না·আ নামগিজা মান্দিরাংখো চাকনা মান·জা, আরো জেরাং ওয়াত্তেতা হং·জাওবা আন·থাংখো ওয়াত্তেতা ইন্নে দাবি দাক্কা বিসংখো রুরাএ নিজক আরো বিসং বু·এ চা·গিবা হং·আ ইখোবা নিকনা মান·জক।

ফারাকগিবা খাৎথা 2:9

নাং·নি দুক আরো দিল্লানি খাৎথাখো আংআ হা·আইয়া, ইন্দাকোবা না·আ নকমা হং·আ। আন·থাংথাংখো যিহূদী ইন্নে আগানোবা জেরাং যিহূদী হং·জা বাত্তেসা শয়তাননি দলনি মান্দি হং·আ, বিসং নাং·নি সাক্কাও জেখো আগানা উখো আংআ হা·আইয়া।

ফারাকগিবা খাৎথা 3:15

না·আ খা·সিনাবা খা·সিনজা, দিং·আবা দিং·জা। না·আ খা·সিনোদে বা দিং·ওদে নামনুয়ামিং।

ফারাকগিবা খাৎথা 3:2

না·আ চাখাতবো আরো মিত্তামরাং জেরাং সিনা গিত্তা হং·জক বিসংখো বিল্লাকেতবো, মুয়ানা আংনি ইসলনি মিকখাংও নাং·নি মামুং কামনি বন·চতাখো আংআ নিকখুজা।

ফারাকগিবা খাৎথা 3:8

বিয়া ইয়া খাৎথাখো আগানিংআ: আংআ নাং·নি কামনি খাৎথাখো হা·আইয়া। নিবো, আংআ নাং·নি মিকখাংও গি·সা দ·গাখো এংএ দনজক জেখো চিপচাংআনি বিল দারাংনিবা দংজা। আংআ হা·আইয়া নাং·নি বিল বাং·জা, ইন্দিবা না·আ আংনি খাৎথাখো মানিজক আরো আংখো জিচাকজাজক।

ফারাকগিবা খাৎথা 4:5

উয়া সিংহাসনওনি মিকখা রিপরাপা, খু·রাং আরো মিকখা খিম্‌প্রেতানি গা·ম্মা হং·খাতিংআমিং। সিংহাসননি মিকখাংও গি·স্নি চাক্কি চিং·ইংআমিং। উয়া চাক্কিরাং হং·জক ইসলনি সাকস্নি গিসিক।

ফারাকগিবা খাৎথা 5:6

সাকব্রি জাংগিগ্মাংগিবা আরো মি·আফারাংনি জাংচিও দংগিবা সিংহাসননি সাক্কাও সাকসা মেষ বি·সাখো আংআ চাদেংএ দংআখো নিকজক। উয়া মেষ বি·সাখো স·ওতে গালজকমিংখোন ইন্নে আংআ চানচিংআমিং। উয়া মেষ বি·সানি গ্রং গং·স্নি আরো মিক্রোন রং·স্নি দংআমিং। ইসলনি জে সাকস্নি গিসিকখো হা·গিলসাকনি হা·দাম দিমদাকচা ওয়াত্তেতিংআ ইয়া মিক্রোনরাং হং·জক উয়া সাকস্নি গিসিক।