ফারাকগিবা খাৎথা 22:6 - Garo New Testament

⁶ জা·মানো উয়া সা·গ্রে আংনা আগানজক, “ইয়া খাৎথারাং বিবিরা·না খ্রাগিবা আরো বিবি হং·আ। গিত্তেল ইসল, জেআন আগানসোগিবারাংনি গিসেপো খাৎথা আগানামিং বিয়া বিনি সা·গ্রেখো ওয়াত্তেতজক, জেদাক্কে মিত্তাম সালনি গিসেপো জেরাং হং·না রি·য়াংইংজক উখো উয়া সা·গ্রে বিনি নকখলরাংনা ফিন্নিকনা মান·না।”

ফারাকগিবা খাৎথা 22:6 Iomraidhean Croise

মথিনি চকগিবা নাম্মা খাৎথা 13:41

গিপ্পিনরাংখো পাপ দাক্কেতগিবারাংখো আরো আন·থাংথাং পাপ দাকগিবা গিম্মিকখোন উয়া সা·গ্রেরাং মান্দিনি দেফান্থিনি সংনকনিখো চিম্মংনুয়া আরো ওয়া·আলনি হা·খলো গালনুয়া।

লূকনি চকগিবা নাম্মা খাৎথা 1:70

স্খাংওন ইয়া খাৎথাখো বিয়া আন·থাংনি রংথালগিবা আগানসোগিবারাংনি খু·সুকচা আগানামিং।

লূকনি চকগিবা নাম্মা খাৎথা 16:16

“রিপ্পলেতগিবা যোহননি সময়ওনা দিপ্পাৎ মোশিনি নিয়ামরাং আরো আগানসোগিবারাংনি চক্কারাং চলিনুয়ামিং। উনি জা·মানোনি ইসলনি সংনকনি নাম্মা খাৎথাখো আগানফ্রাক্কিংজক আরো গিম্মিকান দিংচিকে উয়া সংনক্কো নাপ্পিংজক।

ওয়াত্তেতারাংনা 12:11

উনোন পিতর সিম্মাকা গিত্তা দাকজক আরো আগানজক, “দা·আও আংআ বিবিন ইখো হা·আইনা মান·জক, গিত্তেল বিনি সা·গ্রেখো ওয়াত্তেতি হেরোদনি জাকনিখো আরো যিহূদীরাং জেখো দাকনা খু·মংগ্রিকামিং উনিখো আংখো জক্কেৎজক।”

ওয়াত্তেতারাংনা 3:18

ইন্দিবা ইসল গিম্মিক আগানসোগিবারাংচা স্খাংওন আগানসোআমিং বিনি খ্রীষ্টখো দুক চাকনা নাংনুয়া; আরো উয়া খাৎথাখো ইসল ইন্দাকেন চু·সকেতজক।

রোমানরাংনা 1:2

ইসল বিনি আগানসোগিবারাংচা রংথালগিবা শাস্ত্রও স্খাংআন ইয়া নাম্মা খাৎথানা খু·রাচাকসোআমিং।

1ম করিন্থীয়রাংনা 14:32

আগানসোগিবারাংনি গিসিক বিসংনি আন·থাংথাংনি নিং·আও বাম্মে দংআ।

1ম করিন্থীয়রাংনা 7:29

জংআদারাং, আংনি আগান্না হাম·গিবা ইয়ান- সময় বাং·এ দংজাজক। উনি গিম্মিন দা·আওনি দিপ্পাৎ জিক দংগিবারাং জিক দংগিজা গিত্তা রি·না নাংনুয়া;

2 থিষলনীকীয়রাংনা 1:7

আরো না·সং জেরাং দুক মা·ন্নিংজক বিয়া চিংমুং না·সংখোবা দুকওনি জক্কেৎনুয়া। জেনসালো গিত্তেল যীশু বিনি বিল্লাকগিবা সা·গ্রেরাংখো রা·এ চিং·গিবা ওয়া·আলনি গিসেপো সালগিওনি ফারাকনুয়া উনোন ইরাং হং·নুয়া। জেরাং ইসলখো হা·আইজা আরো জেরাং গিত্তেল যীশুনি গিম্মিন নাম্মা খাৎথাখো মানিয়ে রি·জা বিসংনা উনো বিয়া শাস্তি হ·ন্নুয়া।

ইব্রীয়রাংনা 12:9

ইনাআগ্রেবা আনচিং নিকজক, আনচিংনি হা·গিলসাকনি ফাগিবারাং আনচিংখো শাসন দাকনুয়ামিং আরো আনচিং বিসংখো মান্দিরা·নুয়ামিং। ইন্দাকোদে জেআন গিম্মিক গিসিকনি ফাগিবা হং·আ বিনি নিং·আও দংনা আনচিংনি আরোবা খ্রাআনি হং·জামা, জেদাক্কে আনচিং জাংগিখো মা·ন্না?

২ পিতর 1:21

মুয়ানা আগানসোগিবারাং বিসংনি হা·সিকা গিত্তা মামুং খাৎথাখো আগানজা; গিসিক রংথালগিবানি রি·দিলাচান বিসং ইসলনি রন·গিবা খাৎথাখো আগানজক।

২ পিতর 3:2

রংথালগিবা আগানসোগিবারাং জে খাৎথারাংখো আগানাংজক উরাংখো আরো না·সংনি ওয়াত্তেতারাংচা আনচিংনি গিত্তেল আরো জক্কেৎগিবা জেখো গি·য়েতি দন্নাংজক, আংআ হা·ম্মা জেদাক্কে না·সং উখো গিসিক রা·আ।

ফারাকগিবা খাৎথা 1:1

ইয়া খি·তাপও জেরাংখো চক্কা হং·জক উরাংখো যীশু খ্রীষ্টআন ফারাকজক। ইয়া বিদিংরাংখো ইসল খ্রীষ্টচা ফারাকামিং, জেদাক্কে বাং·গিজা সালরাংনি গিসেপোন জেরাং হং·না রি·য়াংইংজক উখো বিয়া বিনি নকখলরাংনা আগানা। খ্রীষ্ট বিনি সা·গ্রেখো ওয়াত্তেতি বিনি নকখল যোহননা ইয়া বিদিংরাংখো আগানামিং।

ফারাকগিবা খাৎথা 18:20

উনো উয়া সা·গ্রে আগানজক, “ও সালগি, উয়া সংজিলমানি বন·নানা হান·সেংবো। ইসলনি মান্দিরাং, ওয়াত্তেতারাং আরো আগানসোগিবারাং হান·সেংবো। না·সংনি সাক্কাও বিয়া জেখো দাক্কামিং উনি গিম্মিন ইসল বিনি বিচালখো দাকজক।”

ফারাকগিবা খাৎথা 19:9

জা·মানো উয়া সা·গ্রে আংনা আগানজক, “ইয়া খাৎথাখো লিক্ষিবো, ‘মেষ-বি·সানি বিয়ানি চা·আও জেরাংনা আগানা বিসং ফাত্তিয়াখো মান·গিবা হং·আ।’ ” বিয়া ইয়া খাৎথাখোবা আগানজক, “ইরাং ইসলনিন খাৎথা আরো ইয়া বিবি হং·আ।”

ফারাকগিবা খাৎথা 21:5

জেআন উয়া সিংহাসনও আসংএ দংআমিং বিয়া আগানজক, “নিবো, আংআ গিম্মিকখোন গিত্তাল দাক্কে থারিংজক।” জা·মানো বিয়া দা·আবা আগানজক, “ইয়া খাৎথাখো লিক্ষিবো, মুয়ানা ইয়া খাৎথারাং বিবিরা·না খ্রাগিবা আরো বিবি হং·আ।”

ফারাকগিবা খাৎথা 21:9

জে সাকস্নি সা·গ্রেনি জাক্কো বন·চতগিবা সাবিসি গাপ্পা গি·স্নি দনচাক্রা দংআমিং বিসংওনি সাকসা আংচা রি·বাএ আগানজক, “রি·বা, আংআ নাং·না মিচিক, আগানস্খাওদে মেষ-বি·সানি জিকগিবাখো ফিন্নিকনা।”

ফারাকগিবা খাৎথা 22:1

জা·মানো উয়া সা·গ্রে জাংগিনি চিনি চিবিমাখো আংনা ফিন্নিকজক। উয়া ক্রিস্টাল গিত্তা গ্রিকামিং আরো ইসলনি আরো মেষ-বি·সানি সিংহাসনওনি হং·খাতে সংজিলমানি রামা জাংচিও চিবিমা দংআমিং। উয়া চিবিমানি সামগ্মি রিক্কামওন বলজাংগি দংআমিং। উয়ো চি·গ্মি বিথি নাংআ। জা রিক্ষিতান উয়ো বিথি নাংআ আরো উনি বিজাকচা গিম্মিক জাতনি মান্দি নাম্মিংআ। সাও আরবা দংজানুয়া।

ফারাকগিবা খাৎথা 22:16

“আংআ যীশু আংনি সা·গ্রেখো ওয়াত্তেতজক জেদাক্কে বিয়া না·সংচা মন্ডলীরাংনা ইরাংনি বিদিংও সাক্ষি হন·না মান·না। আংআ দায়দনি জা·দিল আরো মা·চং, ফ্রিংনি চিং·গিবা আস্কি হং·আ।”

ফারাকগিবা খাৎথা 22:7

যীশু আগানজক, “নিবো, আংআ থেংরিন রি·বাংজক। ইয়া খি·তাপনি গিম্মিক খাৎথা, আগানস্খাওদে ইসলনি খাৎথাখো জে মানিয়া বিয়া ফাত্তিয়াখো মান·গিবা হং·আ।”

ফারাকগিবা খাৎথা 4:1

উনি জা·মানো আংআ সালগিনি দ·গা গি·সা এংআখো নিকনা মান·জক। সিংগা গা·ম্মা গিত্তা জেনি গিত্তকনি খু·রাংখো আংআ স্খাংও খিন্নামিং বিয়া আংনা আগানজক, “না·আ চাখাতে ইয়োনা রি·বাবো। ইরাংনি জা·মানো জেরাং হং·না হাম·বিবিংজক উখো আংআ নাং·না ফিন্নিকনুয়া।”