ফারাকগিবা খাৎথা 22:3 - Garo New Testament

³ ইসলনি আরো মেষ-বি·সানি সিংহাসন উয়া সংজিলমাও দংনুয়া আরো বিনি নকখলরাং বিনা দাংদিকে হন·নুয়া।

ফারাকগিবা খাৎথা 22:3 Iomraidhean Croise

মথিনি চকগিবা নাম্মা খাৎথা 25:21

নিবো, আংআ আরোবা হাজাল বংআ থাংখাখো মান·দাপজক।’ উনো বিনি নকগিবা বিনা আগানজক, ‘নাম্মাখো দাকজক। না·আ নামগিবা আরো বিবিগিবা নকখল। অকখিসানি গিম্মিন না·আ বিবি দাকজক ইন্নে আংআ নাং·না বাং·আরাংখো নিরকখিনা হ·ন্নুয়া। রি·বাবো, আংমুং হান·সেংফাবো।’

মথিনি চকগিবা নাম্মা খাৎথা 25:41

“জা·মানো বিয়া জাক্কাসিচা দংগিবা মান্দিরাংনা আগান্নুয়া, ‘ও শাপ মান·গিবা মান্দিরাং, আংচানি না·সং রি·য়াংবো। শয়তান আরো উনি সা·গ্রেরাংনা দাকসোআ ফাংনাজলনি ওয়া·আলোনা রি·য়াংবো।

যোহননা 12:26

সাবা আংনা দাকচাকে হ·ন্না হা·ম্মোদে বিয়া আংনি রামাও রি·খানা। আংআ জেও দংআ আংনা দাকচাকে হন·গিবাবা উয়োন দংনুয়া। সাবা আংনা দাকচাকে হ·ন্নোদে আপফা বিখো মান্দিরা·নুয়া।

যোহননা 13:32

ইসলনি রাসং বিও ফারাকোন ইসলবা মান্দিনি দেফান্থিনি রাসংখো আন·থাংও ফারাকেতনুয়া আরো উখো বিয়া থেংরিন দাকনুয়া।

যোহননা 14:3

আংআ রি·য়াংএ না·সংনা হা·দাম থারিয়ে দা·আবা রি·বাফিলনুয়া আরো না·সংখো আংচানা রিম্মাংনুয়া, জেদাক্কে আংআ জেও দংআ না·সংবা উয়োন দংনা মা·ন্না।

যোহননা 17:24

“আপফা, জেরাংখো না·আ আংনা হন·জক, আংনি রাসংখো নিকনা মান·খানা গিত্তা বিসংবা আংআ জেও দংআ উয়ো আংমুং দংখানা, ইখো আংআ হা·ম্মা। উয়া রাসংখো না·আন আংনা হন·জক, মুয়ানা হা·গিলসাক হং·বানা স্খাংওনিন না·আ আংনা খা·সাজক।

ফারাকগিবা খাৎথা 7:10

বিসং রাক্কে চ্রিকে আগানিংআমিং: “জেআন সিংহাসনও আসংএ দংআ, আনচিংনি উয়া ইসল আরো মেষ বি·সানি জাক্কোন পাপওনি জক্কানি দংআ।”

ফারাকগিবা খাৎথা 7:9

উনি জা·মানো আংআ গিম্মিক জাত, মা·চং, হা·সং আরো খু·সুকওনি ইন্দাকফিল্লে মান্দি জিলমাখো নিকজক, দারাংবা বিসংখো চান্না মান·জাজক। গিব্বক চলাখো চিন্নে বিসং উয়া সিংহাসন আরো মেষ বি·সানি মিকখাংও খেজুর বিজাকখো জাক্কো রা·এ চাদেংএ দংআমিং।