ফারাকগিবা খাৎথা 21:9 - Garo New Testament

⁹ জে সাকস্নি সা·গ্রেনি জাক্কো বন·চতগিবা সাবিসি গাপ্পা গি·স্নি দনচাক্রা দংআমিং বিসংওনি সাকসা আংচা রি·বাএ আগানজক, “রি·বা, আংআ নাং·না মিচিক, আগানস্খাওদে মেষ-বি·সানি জিকগিবাখো ফিন্নিকনা।”

ফারাকগিবা খাৎথা 21:9 Iomraidhean Croise

ফারাকগিবা খাৎথা 1:1

ইয়া খি·তাপও জেরাংখো চক্কা হং·জক উরাংখো যীশু খ্রীষ্টআন ফারাকজক। ইয়া বিদিংরাংখো ইসল খ্রীষ্টচা ফারাকামিং, জেদাক্কে বাং·গিজা সালরাংনি গিসেপোন জেরাং হং·না রি·য়াংইংজক উখো বিয়া বিনি নকখলরাংনা আগানা। খ্রীষ্ট বিনি সা·গ্রেখো ওয়াত্তেতি বিনি নকখল যোহননা ইয়া বিদিংরাংখো আগানামিং।

ফারাকগিবা খাৎথা 17:1

জে সাকস্নি সা·গ্রেনি জাক্কো গি·স্নি দনচাক্রা দংআমিং বিসংওনি সাকসা রি·বাএ আংনা আগানজক, “চিনি সাক্কাও জে দাল·গিবা দারি আসংএ দংআ, রি·বা, বিনি শাসিখো আংআ নাং·না ফিন্নিকনা।

ফারাকগিবা খাৎথা 19:7

রি·বাবো, আনচিং গিসিকো খুসি হং·এ নাম্মেন হান·সেংনা আরো বিখো রাসং দাকনা, মুয়ানা মেষ বি·সানি বিয়ানি সাল সকজক আরো বিনি নামচিক আন·থাংখো থারিজক।

ফারাকগিবা খাৎথা 21:17

জামানো বিয়া দেয়ালখো থোআনি জামানো উয়া রিতচাসা হংজক। মান্দি জেগিত্তা থোআ উয়া সা·গ্রে উগিত্তান থোআমিং।

ফারাকগিবা খাৎথা 21:2

জা·মানো আংআ উয়া রংথালগিবা সংজিলমাখো, আগানস্খাওদে গিত্তাল যিরূশালেমখো সিলগাওনি আরো ইসলওনি হং·খাতে রি·বাখো নিকজক। মিচিকখো জেগিত্তা বিনি চাওয়ারিনা থারিয়ে দন্না, ইয়া সংজিলমাখোবা উগিত্তান থারিয়ামিং।

ফারাকগিবা খাৎথা 22:1

জা·মানো উয়া সা·গ্রে জাংগিনি চিনি চিবিমাখো আংনা ফিন্নিকজক। উয়া ক্রিস্টাল গিত্তা গ্রিকামিং আরো ইসলনি আরো মেষ-বি·সানি সিংহাসনওনি হং·খাতে সংজিলমানি রামা জাংচিও চিবিমা দংআমিং। উয়া চিবিমানি সামগ্মি রিক্কামওন বলজাংগি দংআমিং। উয়ো চি·গ্মি বিথি নাংআ। জা রিক্ষিতান উয়ো বিথি নাংআ আরো উনি বিজাকচা গিম্মিক জাতনি মান্দি নাম্মিংআ। সাও আরবা দংজানুয়া।

ফারাকগিবা খাৎথা 22:17

রংথালগিবা গিসিক আরো মিচিক আগানিংআ, “রি·বাবো।” আরো জেআন ইয়া খাৎথাখো খিন্নাংজক বিয়াবা আগানখানা, “রি·বাবো।” জেনি চি রিংনা হা·সিকা বিয়া রি·বাখানা আরো জেআন চি রিংনা হাম·মা বিয়া দামগ্রি জাংগিনি চিখো রিংখানা।

ফারাকগিবা খাৎথা 22:6

জা·মানো উয়া সা·গ্রে আংনা আগানজক, “ইয়া খাৎথারাং বিবিরা·না খ্রাগিবা আরো বিবি হং·আ। গিত্তেল ইসল, জেআন আগানসোগিবারাংনি গিসেপো খাৎথা আগানামিং বিয়া বিনি সা·গ্রেখো ওয়াত্তেতজক, জেদাক্কে মিত্তাম সালনি গিসেপো জেরাং হং·না রি·য়াংইংজক উখো উয়া সা·গ্রে বিনি নকখলরাংনা ফিন্নিকনা মান·না।”