ফারাকগিবা খাৎথা 20:9 - Garo New Testament

⁹ উনো আংআ নিকজক বিসং রি·বাসোএ ইসলনি মান্দিরাংনি দংআনি হা·দামখো আরো বিনি উয়া নামনিকগিবা সংজিলমাখো চিপচাংএ দনজক। ইন্দিবা সালগিওনি ওয়া·আল হং·খাতে বিসংখো খাম্মেতজক।

ফারাকগিবা খাৎথা 20:9 Iomraidhean Croise

লূকনি চকগিবা নাম্মা খাৎথা 17:29

ইন্দিবা জেনসালো লোট সদোমখো ওয়াত্তে রি·য়াংজক উনসালো সালগিওনি ওয়া·আল আরো গন্দকনি মিকখা গা·আকদাপ্পে মান্দি গিম্মিকখো ব·ন্নেতজক।

লূকনি চকগিবা নাম্মা খাৎথা 19:43

নাং·না ইন্দাকগিবা সাল সকবানুয়া জেনসালো বোবিলরাং নাং·নি সাক্কাও চাংফেংনুয়া আরো নাং·খো উইলউইলে দংনুয়া আরো গিম্মিক গিত্তা নাং·খো সিকচেচেপনুয়া।

লূকনি চকগিবা নাম্মা খাৎথা 21:20

“যিরূশালেমখো সিপাইরাংনি উইলউইলে দংআখো জেনসালো না·সং নিকনুয়া উনসালো হা·আইবো, যিরূশালেম ব·ন্না সাল সেফাংজক।

লূকনি চকগিবা নাম্মা খাৎথা 9:54

উখো নিক্কে বিনি জা·রিকগিবা যাকোব আরো যোহন আগানজক, “গিত্তেল, এলিয় গিত্তা ইয়ারাংখো ব·ন্নেতনা ইন্নে সালগিওনি ওয়া·আলখো গা·আকদাপখানা চিংআ আগান্না, ইখো না·আ হা·ম্মিংআমা?”

ইব্রীয়রাংনা 13:13

উনি গিম্মিন হাই, বিনি চন্নিকাখো আনথাংরাং রা·চাকে আনচিং সংজিলমানি হা·ফালচা বিচা রি·য়াংনা,

ফারাকগিবা খাৎথা 11:5

সাবা বিসংনি নামগিজাখো দাকনা হা·ম্মোদে ইন্দিদে বিসংনি খু·সুকওনি ওয়া·আল হং·খাতে উয়া বোবিলরাংখো সো·এ গালনুয়া। জেআন বিসংখো নামগিজাখো দাকনা হাম·নুয়া বিখো ইন্দাকে সিনা নাংনুয়া।

ফারাকগিবা খাৎথা 13:13

বিয়া দাল·গিবা আইয়াও ইনমানগিবা কামরাংখো দাকনা হা·বাচেংজক, আরোবা, মান্দিরাংনি মিক্রোনথাংও সিলগাওনি হা·গিলসাকওনা ওয়া·আলখো রং·খাত্তেতজক।