ফারাকগিবা খাৎথা 20:11 - Garo New Testament

¹¹ জা·মানো আংআ গি·সা দাল·বিয়া গিব্বক সিংহাসন আরো উনি সাক্কাও সাকসাখো আসংএ দংআখো নিকজক। উনি মিকখাংওনি হা·গিলসাক আরো সিলগা গিম্মাজক, বিসংনি হা·দাম আর মামিংচাবা দংজাজক।

ফারাকগিবা খাৎথা 20:11 Iomraidhean Croise

মথিনি চকগিবা নাম্মা খাৎথা 11:22

আংআ না·সংনা বিবিন আগানিংআ, বিচালনি সালো না·সংনা বাত্তে সোর আরো সীদোননি অবস্থা চাকবাত্তানি হং·নুয়া।

মথিনি চকগিবা নাম্মা খাৎথা 24:35

সিলগা আরো হা·গিলসাক ব·ন্নাংনুয়া, ইন্দিবা আংনি খাৎথারাং ফাংনাজলনা দংনুয়া।

মথিনি চকগিবা নাম্মা খাৎথা 25:31

“জেনসালো মান্দিনি দেফান্থি গিম্মিক সা·গ্রেরাংখো রা·এ আন·থাংনি রাসংও রি·বানুয়া উনসালো রাজা হং·এ আন·থাংনি রাসংনি সিংহাসনও আসংনুয়া।

রোমানরাংনা 2:5

ইন্দিবা নাং·নি খা·থং রাক্কা; না·আদে পাপওনি গিসিক ফিল·না হাম·জা। উনি গিম্মিন ইসলনি খা·আওনাংআ জেনসালো ফারাকনুয়া উয়া সালনা না·আ নাং·নি মা·ন্নাগিবা শাস্তিখো চিম্মংএ দন্নিংজক। উনি সালোন ইসলনি খাকখেৎ বিচাল ফারাকনুয়া।

২ পিতর 3:7

আরো ইসলনি উয়া আপসান খাৎথাচান দা·আওনি সালগিসাক আরো হা·গিলসাকখো ওয়া·আলো সো·এ গালনা দনজক; ইসলনা খা·ফাকগিজা মান্দিরাংনি বিচাল আরো ব·ন্নাংআনি সালনা সক্কে উখো রাক্ষিয়া হং·ইংজক।

ফারাকগিবা খাৎথা 12:8

উয়া দাল·বিয়া চিপ্পু স্খাল হামজাজক আরো সালগিও বিসংখো দংনাবা হন·জাজক।

ফারাকগিবা খাৎথা 16:20

উনো গিম্মিক চিচাং গিম্মাজক আরো হা·ব্রিরাংখো আর নিকজাজক।

ফারাকগিবা খাৎথা 19:11

জা·মানো আংআ নিকজক সালগি এংআন দংআ, আরো উয়ো মাংসা গিব্বক ঘোড়া দংআ। জেআন উয়া ঘোড়ানি সাক্কাও আসংএ দংআ বিনি বিমিং হং·আ বিবিরা·না খ্রাগিবা আরো বিবি। বিয়া খাকখেৎ বিচালখো দাক্কা আরো দাকগ্রিকা।

ফারাকগিবা খাৎথা 20:2

বিয়া উয়া চিপ্পুখো, আগানস্খাওদে উয়া গিৎচাম চিপ্পু জেখো দিয়াবল বা শয়তান মিংআ বিখো রিম·মে বিলসি হাজালসানা খাজক আরো উয়া থিং·নাপগিবা হা·খলচা গাল্লেতজক। জা·মানো বিয়া উয়ো তালা হন·নে উনি সাক্কাও মোহর সু·জক, জেদাক্কে ইয়া বিলসি হাজালসা বন·জা দিপ্পাৎ ইয়া হা·গিলসাকনি জাতরাংখো আর ব্রাংআনি রামাচানা রা·আংনা মান·জা; উনি জা·মানো বিখো বাং·গিজা সালনা ওয়াত্তেতনুয়া।

ফারাকগিবা খাৎথা 21:1

জা·মানো আংআ গি·সা গিত্তাল সিলগা আরো গি·সা গিত্তাল হা·গিলসাকখো নিকজক। স্খাংগিবা সিলগা আরো স্খাংগিবা হা·গিলসাক বন·নাংজকমিং আরো সাগালবা দংজামিং।

ফারাকগিবা খাৎথা 21:5

জেআন উয়া সিংহাসনও আসংএ দংআমিং বিয়া আগানজক, “নিবো, আংআ গিম্মিকখোন গিত্তাল দাক্কে থারিংজক।” জা·মানো বিয়া দা·আবা আগানজক, “ইয়া খাৎথাখো লিক্ষিবো, মুয়ানা ইয়া খাৎথারাং বিবিরা·না খ্রাগিবা আরো বিবি হং·আ।”

ফারাকগিবা খাৎথা 4:2

আরো উনোন আংআ গিসিক রংথালগিবানি রি·দিলাও সালগিও গি·সা সিংহাসনখো নিকনা মান·জক। আংআ নিকজক, উয়া সিংহাসনও সাকসা আসংএ দংআ।

ফারাকগিবা খাৎথা 6:14

বিল·রিরিমে দনগিবা লেকখা গিত্তান সিলগা বিল·রিরিমজক; আরো গিম্মিক হা·ব্রি আরো চিচাং আন·থাংথাংনি হা·দামওনি জিত্তাংআরিজক।