ফারাকগিবা খাৎথা 20:10 - Garo New Testament

¹⁰ জেআন বিসংখো ব্রাংআ রামাচানা রাআংআমিং উয়া শয়তানখো চিং·গিবা গন্ধকনি চিরিংও গাল্লেতা হং·জক। উয়া চিপ্পু আরো দাকমিকা আগানসোগিবাখো স্খাংআন উচা গাল্লেতা হং·জক। উচা বিসং জ্রিংজ্রৎনা সালওয়াল সা·দিকাখো চাকনুয়া।

ফারাকগিবা খাৎথা 20:10 Iomraidhean Croise

মথিনি চকগিবা নাম্মা খাৎথা 25:41

“জা·মানো বিয়া জাক্কাসিচা দংগিবা মান্দিরাংনা আগান্নুয়া, ‘ও শাপ মান·গিবা মান্দিরাং, আংচানি না·সং রি·য়াংবো। শয়তান আরো উনি সা·গ্রেরাংনা দাকসোআ ফাংনাজলনি ওয়া·আলোনা রি·য়াংবো।

মথিনি চকগিবা নাম্মা খাৎথা 25:46

জা·মানো যীশু আগানজক, “ইয়া মান্দিরাং ফাংনাজলনা শাস্তিখো মা·ন্না রি·য়াংনুয়া, ইন্দিবা ইসলনা খা·ফাকগিবা উয়া মান্দিরাং ফাংনাজলনি জাংগিখো মান·রিকনুয়া।”

মথিনি চকগিবা নাম্মা খাৎথা 7:15

“বু·এ চা·গিবা আগানসোগিবারাংনা সিমসাকবো। বিসং মেষনি বিমাংখো রা·এ না·সংচা রি·বাআ, ইন্দিবা নিং·আচাদে বিসং চা·মিন্নকগিবা মাৎচা গিত্তা দাক্কা।

মার্ক 9:44

উখো দেন·থংএ গালবো। জাক সামগ্মিখো রা·এ নরকচা রি·য়াংআনা বাত্তে জাকখন্থা হং·এ জাংগিও নাপ্পান নাং·না নামবাত্তা।

ফারাকগিবা খাৎথা 16:13

উনো আংআ দিপ্‌লক গিত্তা সাকগিত্থাম গিসিকখো নিকনা মান·জক। উরাং উয়া চিপ্পু, উয়া মাৎবুরুং আরো উয়া দাকমিকগিবা আগানসোগিবানি খু·সুকওনি হং·খাতে রি·বাংআমিং।

ফারাকগিবা খাৎথা 19:20

উয়া মাৎবুরুংখো রিম·জক আরো জে দাকমিকগিবা আগানসোগিবা বিনি হং·এ আইয়াও ইনমানগিবা কামখো দাকনুয়ামিং বিখোবা রিম·জক। জেরাং উয়া মাৎবুরুংনি চিনখো রা·আমিং আরো বিনি বিমাংখো অলাখিয়ামিং উয়া দাকমিকগিবা আগানসোগিবা উয়া আইয়াও ইনমানানি কামরাংচা বিসংখো ব্রাংএতে দন্নামিং। চিং·গিবা গন্ধকনি ওয়া·আলনি চিও থাংআ অবস্থাও ইয়া সাকগ্মিখো গাল্লেতজক।

ফারাকগিবা খাৎথা 20:8

উনো বিয়া রি·য়াংএ গিম্মিক হা·গিলসাকনি জাতরাংখো, আগানস্খাওদে গোগ-মাগোগখো ব্রাংআ রামাচানা রা·আংনুয়া আরো দাকগ্রিকনা ইন্নে বিসংখো চিম্মংএতনুয়া। ইরাং সাগালনি হান·চেং গিত্তা বাং·নুয়া।

ফারাকগিবা খাৎথা 9:17

মিকজুমাংও জে ঘোরারাংখো আরো উরাংনি সাক্কাও আংআ জেরাংখো নিকজক বিসংনি মিকখাং ইন্দাকামিং- বিসংনি চেলখো রাক্ষিগিবা চলা ওয়া·আল গিত্তা গিচ্চাকা, নিল আরো গন্ধক গিত্তা রিম্মিতা রংনি হং·আমিং। ঘোরারাংনি স্খু সিংহনি স্খু গিত্তা দাক্কামিং আরো উরাংনি খু·সুকওনি ওয়া·আল, ওয়াল·খুয়া আরো গন্ধক হং·খাতিংআমিং।