ফারাকগিবা খাৎথা 2:9 - Garo New Testament

⁹ নাং·নি দুক আরো দিল্লানি খাৎথাখো আংআ হা·আইয়া, ইন্দাকোবা না·আ নকমা হং·আ। আন·থাংথাংখো যিহূদী ইন্নে আগানোবা জেরাং যিহূদী হং·জা বাত্তেসা শয়তাননি দলনি মান্দি হং·আ, বিসং নাং·নি সাক্কাও জেখো আগানা উখো আংআ হা·আইয়া।

ফারাকগিবা খাৎথা 2:9 Iomraidhean Croise

মথিনি চকগিবা নাম্মা খাৎথা 4:10

উনো যীশু বিনা আগানজক, ‘‘ইয়োনি খাত্তাংবো, শয়তান। রংথালগিবা শাস্ত্রও চক্কা দংআ, না·আ নাং·নি গিত্তেল ইসলখোন অলাখিবো, আরো বিনাসান দাকচাকে হন·বো।’’

লূকনি চকগিবা নাম্মা খাৎথা 12:21

বন·খামাচাবাক্কা যীশু আগানজক, “জে মান্দি আন·থাংনি গিম্মিন গামজিনরাংখো চিম্মংএনবা ইসলনি মিক্রোনও মা·ন্নে চা·গিবা হং·জা, বিনি অবস্থা উগিত্তান হং·আ।”

লূকনি চকগিবা নাম্মা খাৎথা 22:65

ইন্দাকে বিসং খাৎথা বাং·আরাংখো আগানে বিখো চন্নিকজক।

লূকনি চকগিবা নাম্মা খাৎথা 4:18

“গিত্তেলনি গিসিক আংনি সাক্কাও দংআ, মুয়ানা বিয়ান আংখো বাচ্ছিয়ে রা·জক জেদাক্কে আংআ দিল্লা-চন্নারাংচা নাম্মা খাৎথাখো আগানফ্রাকনা মা·ন্না। বিয়া আংখো জেলো চিপ্পে দনগিবারাংচা জক্কানি খাৎথাখো, মিকগ্রিরাংচা নিকনা মা·ন্নানি খাৎথাখো আগান্না ওয়াত্তেতজক। দক্কা চা·গিবারাংখো, জক্কেৎনা আংখো ওয়াত্তেতজক।

লূকনি চকগিবা নাম্মা খাৎথা 6:20

জা·মানো যীশু জা·রিকগিবারাংচা নিএ আগান্না হা·বাচেংজক, “দিলগিবারাং, না·সং ফাত্তিয়াখো মান·গিবা, মুয়ানা ইসলনি সংনক না·সংনিন।

যোহননা 16:33

আংআ না·সংনা ইরাংখো আগানজক জেদাক্কে না·সং আংমুং দংখামানি গিম্মিন গিসিকো থম·থমাখো মা·ন্না। ইয়া হা·গিলসাকো না·সং দুক আরো সিনজেতাখো মান·বিএ দংআ, ইন্দিবা খা·দংবো; আংআন হা·গিলসাকখো হামজক।”

ওয়াত্তেতারাংনা 26:11

বিসংখো শাস্তি হ·ন্না সময়ফ্রাকওন আংআ থম·দাকরাম দামসাওনি থম·দাকরাম দামসাওনা রি·য়াংনুয়ামিং আরো যীশুনি সাক্কাও খাৎথা আগানখানা আংআ বিসংখো দাগিলনুয়ামিং। বিসংখো আংআ ইন্দাকফিল্লে খা·আওনাংআনি গিম্মিন বিসংখো গিচ্চিয়েতনা আংআ হা·সং গিপ্পিননি সংজিলমারাংচাবা রি·য়াংনুয়ামিং।

রোমানরাংনা 12:12

না·সংনি মিকখাংও জে খা·দংআ দংআ উনা হান·সেংবো। দুকরাংও চাকচিকে দংবো। ফাংনান বি·বো।

রোমানরাংনা 2:17

না·আ আন·থাংখো যিহূদী ইন্নে আগানা, হং·জামা? না·আ মোশিনি নিয়ামরাংও ফাংচাকা আরো আন·থাংখো ইসলনি মান্দি ইন্নে রাসং দাক্কা।

রোমানরাংনা 5:3

ইয়াসান হং·জা, দুকরাংও দংএবা আনচিং খুসি হং·ইংআ, মুয়ানা চাকচিকা দুকনি বিথি হং·আ ইন্নে আনচিং হা·আইয়া,

রোমানরাংনা 8:35

ইন্দাকোদে খ্রীষ্টনি খা·সাওনি আনচিংখো চে·ল্লেতনা গিত্তা মুয়া দংআ? গিসিকনি সা·দিকা? গিচ্চিয়েতা? অকখ্রিয়া? বা·রাচলানা দিল্লা? হং·সিয়া? সিয়া?

রোমানরাংনা 9:6

ইসলনি খাৎথা বু·আ হং·জক ইন্দাকে হং·জা, মুয়ানা ইস্রায়েল জাতও আৎচিগিবা গিম্মিকান চং·মত ইস্রায়েল হং·বিবিজা।

2য় করিন্থীয়রাংনা 6:10

চিংআ দুক বাং·এ মা·ন্নিংজক, ইন্দাকোবা চিংনি খা·থং ফাংনান হান·সেংআও গাপ্পা। চিংআ আন·থাংদে দিল্লা, ইন্দাকোবা চিংআ বাং·আখোন নকমা চায়েতিংজক। চিংনি মামুংআন দংজা, ইন্দাকোবা চিংআ গিম্মিকখোন মান·রিকগিবা হং·আ। ইন্দাকেন চিংআ ফিন্নিকিংজক, চিংআ ইসলনা দাকচাকে হন·গিবা হং·আ।

2য় করিন্থীয়রাংনা 8:2

বাং·এ দুক চাক্কারাংও বিসংনি নাম্মেন পরীক্ষা হং·আমিং আরো বিসং নাম্মেন দিল্লোবা বিসংনি গিসিকো ইন্দাকফিল্লে হান·সেংআ দংআমিং ইন্নে বিসং জাকস্রামে হ·ন্নামিং।

2য় করিন্থীয়রাংনা 8:9

না·সংদে আনচিংনি গিত্তেল যীশু খ্রীষ্টনি খা·সাচাক্কে হ·ন্নানিখো হা·আইয়া, বিয়া আন·থাং নকমা হং·এবা না·সংনা দিলজক, জেদাক্কে বিনি দিল্লাচা না·সং নকমা চানা মা·ন্না।

1 থিষলনীকী 3:4

দুকরাং চিংনি সাক্কাও দংনুয়ান উয়া খাৎথাখো না·সংমুং দংমিত্তিংও চিংআ রিত্তাপ রিত্তাপান আগানামিং, আরো উগিত্তান হং·জক, ইখো না·সং হা·আইয়া।

1 তীমথিয় 1:13

স্খাংও আংআ খ্রীষ্টখো খাল·স্থাপনুয়ামিং আরো গিচ্চিয়েৎগিবা আরো খা·গ্রাকগিবা হং·আমিং ইন্দাকোবা বিয়া আংখোন ইয়া কামনা বাচ্ছিয়ে রা·জক। বিয়া আংনা খা·সাচাকজক, মুয়ানা আংনি বিবিরা·গিজানা আংআ হা·আইগিজান উরাংখো দাকনুয়ামিং।

1 তীমথিয় 6:18

মা·ন্নে চা·গিবারাংনা গি·য়েৎবো জেদাক্কে বিসং গিপ্পিননি নাম্মাখো দাক্কা, খাকখেৎ কামও দংআ, জাকস্রামে হ·ন্না আরো বিসংনি গামরাংনি বাকখো গিপ্পিনরাংনাবা হ·ন্না।

ফারাকগিবা খাৎথা 1:9

আংআ না·সংনি জংআদা যোহন; যীশুমুং নাংরিমে আংআ না·সংমুং আপসান দুকখো, আপসান সংনকখো আরো আপসান চাকচিকানি বাকখো মান·ফাগিবা হং·জক। ইসলনি খাৎথা আরো যীশুনি সাক্ষিনি বিদিংও আগানফ্রাকামিং ইন্নে আংখো পাট্‌ম চিচাংচা রা·আংএ দন্নামিং।

ফারাকগিবা খাৎথা 2:13

না·আ বাও সংদংইংআ উখো আংআ হা·আইয়া; উয়ো শয়তাননি সিংহাসন দংআ। ইন্দাকোবা না·আ আংনি গিম্মিনো বিবিগিবা হং·এ দংআ আরো আংনি সাক্কাও নাং·নি বিবিরা·আখো জিচাকজা। আরোবা, জেও শয়তান দংআ উয়ো জে সময়ও আংনি বিবিগিবা সাক্ষি আন্তিপাস্‌খো না·সংনি মিকখাংও স·ওতামিং উনোবা না·আ নাং·নি বিবিরা·খো জিচাকজাজক।

ফারাকগিবা খাৎথা 2:2

আংআ নাং·নি কাম, গাম্মা আরো চাকচিকানি খাৎথাখো হা·আইয়া। আংআ হা·আইয়া না·আ নামগিজা মান্দিরাংখো চাকনা মান·জা, আরো জেরাং ওয়াত্তেতা হং·জাওবা আন·থাংখো ওয়াত্তেতা ইন্নে দাবি দাক্কা বিসংখো রুরাএ নিজক আরো বিসং বু·এ চা·গিবা হং·আ ইখোবা নিকনা মান·জক।

ফারাকগিবা খাৎথা 2:24

থুয়াতীরানি মিত্তাম মান্দিরাং, না·সং জেরাং উয়া স্খিয়া গিত্তা রি·জা আরো জেখো শয়তাননি উয়া থিং·নাপা স্খিয়া ইন্নে আগানা উখো হা·আইজা, না·সংনা আংআ আগানিংজক: না·সংনা আংআ দিংথাং মামুং কামখো দাকনা হন·জানুয়া।

ফারাকগিবা খাৎথা 3:9

জেরাং আন·থাংখো যিহূদী ইন্নে আগানা ইন্দিবা যিহূদী হং·জা, শয়তাননি দলনি উয়া বু·এ চা·গিবা মান্দিরাংখো আংআ নাং·চা রিমবানুয়া আরো নাং·নি জা·চকও সালাম দাক্কেতনুয়া, আরো বিসংখো হা·আইএতনুয়া, আংআ নাং·না খা·সাআ।

ফারাকগিবা খাৎথা 7:14

আংআ বিনা আগানজক, “নিবো, উখো না·আন হা·আইয়া।” বিয়া আংনা আগানজক, “উয়া বিল্লংআ দুকওনি জেরাং রি·বাজক ইরাং বিসংআন। ইরাং আন·থাংনি চলাখো মেষ বি·সানি হান·চিও সু·গালে গিব্বকেতজক।