ফারাকগিবা খাৎথা 2:23 - Garo New Testament

²³ বিনি বি·সারাংখোবা আংআ স·ওতে গালনুয়া। উনো দিমদাক মন্ডলীরাং হা·আইনা মা·ন্নুয়া, আংআন মান্দিনি খা·থং আরো গিসিকখো সান্দিয়ে নিআ। আংআ কামনি খ্রি না·সং সাকফ্রাকফ্রাকনা বিথিখো হ·ন্নুয়া।

ফারাকগিবা খাৎথা 2:23 Iomraidhean Croise

মথিনি চকগিবা নাম্মা খাৎথা 16:27

মান্দিনি দেফান্থি আন·থাংনি সা·গ্রেরাংমুং বিনি ফাআনি রাসংও রি·বাংজক। উনসালো বিয়া মান্দি গিম্মিকনান আন·থাংথাংনি কামনি বিথিখো হ·ন্নুয়া।

লূকনি চকগিবা নাম্মা খাৎথা 16:15

উনোন যীশু বিসংনা আগানজক, “না·সং মান্দিরাংনি মিকখাংও আন·থাংথাংখো থরমি দাক্কে ফিন্নিকিংআ, ইন্দিবা ইসল না·সংনি খা·থংরাংখো হা·আইয়া। মান্দিরাং জেখো নাম্মা ইন্নে চানচিয়া ইসলনি মিক্রোনও উয়া মিৎচিয়ানি হং·আ।

যোহননা 21:17

জা·মানো বিয়া রাং·গিত্থামগিবাও শিমোন পিতরনা আগানজক, “যোহননি দেফান্থি শিমোন, বিবিন আংনা না·আ খা·সামা?” ইনি গিম্মিন পিতর দুক মান·জক, মুয়ানা যীশু বিখো রাং·গিত্থাম সিং·জক, “আংনা বিবিন না·আ খা·সামা?” ইনি গিম্মিন পিতর যীশুনা আগানজক, “গিত্তেল, না·আ দিমদাকখোন হা·আইয়া; না·আদে হা·আইয়ান নাং·না আংআ খা·সাবিয়া।” যীশু বিনা আগানজক, “আংনি মেষরাংখো নিরিকবো।

যোহননা 4:16

যীশু বিনা আগানজক, “ইন্দিদে রি·য়াংবো, নাং·নি সেখো ইয়োনা রিক্কামে রা·বাবো।”

ওয়াত্তেতারাংনা 1:24

জা·মানো বিসং ইন্দাকে আগানে বি·জক, “গিত্তেল, না·আ দিমদাকনি খা·থংখোন হা·আইয়া। যিহূদা বিনি মান·গ্মি শাস্তিখো মা·ন্না ইন্নে ওয়াত্তেতানি কামখো ওয়াতজক। দা·আও ইয়া সাকগ্মিওনি জেখো না·আ বাচ্ছিজক বিখো না·আ চিংনা ফিন্নিকবো।”

রোমানরাংনা 14:12

ইন্দাকোদে নিকনা মা·ন্না, আনচিং গিম্মিকখোন আন·থাংনি গিম্মিন ইসলচা হিসাব হ·ন্না নাংনুয়া।

রোমানরাংনা 8:27

মান্দিনি খা·থংখো সান্দিয়ে নিগিবা গিসিক রংথালগিবানি খাৎথাখোবা হা·আইয়া, মুয়ানা গিসিক রংথালগিবা ইসলনি হা·সিকা গিত্তান ইসলনি মান্দিরাংনা মল·মলচাকা।

2য় করিন্থীয়রাংনা 5:10

মুয়ানা খ্রীষ্টনি বিচালনি মিকখাংও আনচিংনি গিম্মিকখো ফারাকনুয়া, জেদাক্কে আনচিং গিম্মিকান ইয়া বে·এনো দংমিত্তিংও জেখো দাকজক উয়া নামখানা বা নামজাখানা উনা খ্রাএ উনি মা·ন্নানিখো মা·ন্না।

গালাতীয়রাংনা 6:5

মুয়ানা গিম্মিকনিন আন·থাংথাংনি দাক্কানিখো দাকনা খ্রাআ।

ইব্রীয়রাংনা 4:13

থারিয়ানি মামুংআন ইসলচা থুম্মুয়ে দংজা। জেচা আনচিংনি হিসাব হ·ন্না নাংনুয়া বিনি মিক্রোনও গিম্মিকখোন নিকনা মা·ন্না আরো ফারাকা।

পিতর 1:17

ফাগিবা ইসল গিম্মিক মান্দিনি কামনি খ্রি বিনি বিচালখো দাক্কা, দারাংনি মিকখাংখো নিএ উখো দাকজা। ইনি গিম্মিন বিখো না·সং ফাগিবা ইন্নে রিক্কামোদে ইয়া হা·গিলসাকো জেওনা দিপ্পাৎ হা·সং গিপ্পিননি মান্দি গিত্তা দংআ উয়োনা দিপ্পাৎ বিনা খা·ফাকে খেন্নাও না·সংনি জাংগিখো মিৎথাংবো।

ফারাকগিবা খাৎথা 2:11

জেনি খিন্নানা নাচিল দংআ বিয়া খিন্নাখানা, গিসিক রংথালগিবা মন্ডলীরাংনা মুয়াখো আগানিংআ। জেআন হামনুয়া গ্মিগিবা সিয়া মামুং দাক্কেবা বিনি নামগিজাখো দাকজানুয়া।

ফারাকগিবা খাৎথা 2:7

জেনি খিন্নানা নাচিল দংআ বিয়া খিন্নাখানা, গিসিক রংথালগিবা মন্ডলীরাংনা মুয়াখো আগানিংআ। জেআন হামনুয়া বিনা আংআ ইসলনি সংনকনি বলজাংগিনি বিথিখো চা·না হ·ন্নুয়া।

ফারাকগিবা খাৎথা 20:12

জা·মানো আংআ নিকজক, দাল·লা-চন্না গিম্মিক সিগিবা মান্দিরাং উয়া সিংহাসননি মিকখাংও চাদেংএ দংআ। উনি জা·মানো মিত্তাম খি·তাপরাংখো এংআ হং·জক। জা·মানো দা·আও মিংসা খি·তাপখো এংআ হং·জক। উয়া হং·জক জাংগিনি খি·তাপ। ইয়া সিগিবা মান্দিরাংনি কামনি গিম্মিনও উয়া খি·তাপরাংও জেদাক্কে লিক্ষিয়া হং·আমিং উয়ানদাক্কে বিসংনি বিচাল হং·জক।

ফারাকগিবা খাৎথা 20:13

জে সিগিবা মান্দিরাং সাগালও দংআমিং, সাগাল বিসংখো দি·এ রা·জক। ইনাআগ্রেবা সিয়া আরো সিগিবা হা·দামও জে সিগিবা মান্দিরাং দংআমিং, সিয়া আরো সিয়ানি হা·দাম বিসংখোবা ফিল·লেতজক। গিম্মিকখো বিনি কামনি খ্রি বিচাল দাক্কা হং·জক।

ফারাকগিবা খাৎথা 22:12

যীশু আগানিংজক, “নিবো, আংআ থেংরিন রি·বাংজক আরো গিম্মিকনা বিনি কামনি খ্রি হন·নানি বকসিস আংচান দংআ।

ফারাকগিবা খাৎথা 6:8

উনো আংআ বকদেলেপগিবা মাংসা ঘোড়াখো নিকজক। জেআন উনি সাক্কাও আসংএ দংআমিং বিনি বিমুং হং·জক সিয়া; আরো সিগিবা হা·দাম বিনি থিক জা·মান জা·মান রি·ইংআমিং। হা·গিলসাকনি বাক ব্রিনি বাকসানি সাক্কাও বিসংনা বিলখো হন·জক, জেদাক্কে বিসং মি·ল্লাম, আকাল, সিয়া আরো হা·গিলসাকনি ব্রিংনি মাৎবুরুংরাংচা মান্দিরাংখো স·ওতে গাল্লা।