ফারাকগিবা খাৎথা 2:18 - Garo New Testament

¹⁸ “থুয়াতীরা সংজিলমানি মন্ডলীনি সা·গ্রেচা ইয়া খাৎথাখো চকবো- ইসলনি দেফান্থি, জেনি মিক্রোন ওয়াল·স্রি গিত্তা আরো জা·চক নাম্মেন চিং·ব্রাপা পিতল গিত্তা দাক্কা বিয়া ইয়া খাৎথাখো আগানিংজক:

ফারাকগিবা খাৎথা 2:18 Iomraidhean Croise

মথিনি চকগিবা নাম্মা খাৎথা 17:5

পিতরনি খাৎথা আগানমিত্তিংও চিং·গিবা গাদিলা খানসা রি·বাএ বিসংখো সালাখিমদাপজক। উয়া গাদিলাওনি ইয়া খু·রাংখো খিন্নানা মান·জক, ‘‘ইয়ান আংনি খা·সাগিবা দেফান্থি, জেও আংআ খুসি হং·বিয়া। না·সং বিনি খাৎথাখো খিন্নাচাকবো।’’

মথিনি চকগিবা নাম্মা খাৎথা 27:54

সুবিদার আরো বিমুং দংফাএ জেরাং যীশুখো রাক্ষিংআমিং বিসং বাংগুরিয়া আরো ইন্দাকে হং·আরাংখো নিক্কে নাম্মেন খেন্নে আগানজক, “বিবিন ইয়া ইসলনি দেফান্থি হং·আমিং।”

মথিনি চকগিবা নাম্মা খাৎথা 3:17

উনোন সালগিচানি ইয়া খাৎথাখো আগানজক, ‘‘ইয়ান আংনি খা·সাগিবা দেফান্থি, জেও আংআ খুসি হং·বিয়া।’’

লূকনি চকগিবা নাম্মা খাৎথা 1:35

সা·গ্রে আগানজক, “গিসিক রংথালগিবা নাং·নি সাক্কাও রি·বানুয়া আরো দাল·গিবা ইসলনি বিল নাং·নি সাক্কাও সালাখিমদাপনুয়া। ইনি গিম্মিন জে রংথালগিবা বি·সা আৎচিনুয়া বিখো ইসলনি দেফান্থি মিংনুয়া।

যোহননা 1:14

উয়া খাৎথান মান্দি ফি·ল্লে আৎচিজক আরো আনচিংনি গিসেপো দংফাজক। ফাগিবা ইসলনি সাকসা খাম·খাম দেফান্থি গিত্তা বিনি রাসংখো আনচিং নিকজক। বিয়া খা·সাচাক্কাও আরো বিবিও গাপগিবা হং·আ।

যোহননা 1:49

উনি গিম্মিন নথনেল যীশুনা আগানজক, “স্খিগিবা, না·আন ইসলনি দেফান্থি, না·আন ইস্রায়েলনি রাজা হং·আ।”

যোহননা 10:36

ইন্দাকোদে ফাগিবা জেখো আন·থাংনি গিম্মিন দিংথাং দাকজক আরো হা·গিলসাকো ওয়াত্তেতজক উয়া আংআন ‘আংআ ইসলনি দেফান্থি,’ ইন্দাকে আগানানা না·সং বাদিকে দাক্কে ইন্না ‘না·আ ইসলখো খাল·স্থাপিংআ’?

যোহননা 3:16

“ইসল মান্দিখো ইন্দাকফিল্লে খা·সানি গিম্মিন বিনি সাকসা খাম·খাম দেফান্থিখো হন·জক, জেদাক্কে উয়া দেফান্থিও বিবিরা·গিবা দিমদাকান নামগিজাও গা·আকজা ইন্দিবা ফাংনাজলনি জাংগিখো মা·ন্না।

যোহননা 3:18

উয়া দেফান্থিখো বিবিরা·গিবাখো বিচাল দাকজা, ইন্দিবা বিবিরা·গিজাগিবাখো গ্র্রো নাংগিবা ইন্নে স্খাংআন বাচ্ছিয়ে রা·জক, মুয়ানা ইসলনি সাকসা খাম·খাম দেফান্থিখো বিয়া বিবিরা·জা।

যোহননা 5:25

আংআ না·সংনা বিবিন আগানিংআ, ইন্দাকগিবা সাল রি·বাংজক, ইন্দিবা দা·আওন সকজক, জে সময়ও সিগিবারাং ইসলনি দেফান্থিনি খু·রাংখো খিন্নানুয়া আরো খিন্নাগিবারাং থাংচানুয়া।

ওয়াত্তেতারাংনা 16:14

খিন্নাগিবারাংনি গিসেপো থুয়াতীরা সংজিলমানি লুদিয়া মিংগিবা মিচিক সাকসা দংআমিং। বিয়া বা·রা গিচ্চাকম্রাংখো ফালনুয়ামিং। যিহূদী হং·জাওবা বিয়া ইসলখো অলাখিনুয়ামিং। গিত্তেল লুদিয়ানি খা·থংখো ইন্দাকে এংফ্রাকেতজক জেদাক্কে বিয়া পৌলনি খাৎথাখো গিসিক নাংএ খিন্নাএ বিবিরা·আ।

ওয়াত্তেতারাংনা 8:36

রামাও রি·য়াংমিত্তিংও বিসং ইন্দাকগিবা হা·দাম দামসাওনা রি·বাজক জেও চি দংআমিং। উনোন উয়া কাম রিম·গিবা আগানজক, “ইয়া নিবো, ইনো চি দংআ; আংনি রিপ্পলনা চাংফেংআনি দংআমা?”

রোমানরাংনা 8:32

ইসল আন·থাংনি দেফান্থিখোবা ওয়াতজাজক ইন্দিবা আনচিং গিম্মিকনা বিখো সিয়ানি জাক্কো হন·চাকজক। ইন্দাকোদে বিয়া দেফান্থিমুং আরোবা গিম্মিকখোবা হন·চাকজানুয়ামা?

ফারাকগিবা খাৎথা 1:11

বিয়া আংনা আগানজক, “জেখো নিকনুয়া উখো গি·সা খি·তাপও চকবো, আরো উখো ইফিষ, স্মূর্ণা, পর্গাম, থুয়াতীরা, সার্দ্দি, ফিলাদিল্‌ফিয়া আরো লায়দিকেয়া- ইয়া দামস্নি সংজিলমানি গি·স্নি মন্ডলীরাংচা ওয়াত্তেতবো।”

ফারাকগিবা খাৎথা 2:1

“ইফিষ সংজিলমানি মন্ডলীনি সা·গ্রেচা ইয়া খাৎথাখো চকবো- জেআন বিনি জাক্রা জাক্কো রংস্নি আস্কিখো রি·ম্মে সোনানি বলস্নি গাসানি জাংচিও রি·রোরোআ বিয়া ইয়া খাৎথাখো আগানিংজক:

ফারাকগিবা খাৎথা 2:24

থুয়াতীরানি মিত্তাম মান্দিরাং, না·সং জেরাং উয়া স্খিয়া গিত্তা রি·জা আরো জেখো শয়তাননি উয়া থিং·নাপা স্খিয়া ইন্নে আগানা উখো হা·আইজা, না·সংনা আংআ আগানিংজক: না·সংনা আংআ দিংথাং মামুং কামখো দাকনা হন·জানুয়া।