ফারাকগিবা খাৎথা 2:14 - Garo New Testament

¹⁴ ইন্দাকোবা নাং·নি সাক্কাও আংনি মামুং আগানানি দংআ। নাং·নি উচা ইন্দাকগিবা মান্দিরাং দংআ জেরাং বিলিয়মনি স্খিয়া গিত্তা রি·য়া। বালাক রাজানা বিলিয়ম স্খিয়েতামিং জেদাক্কে বিয়া মিত্তে বিমাংনা চিনগিবা চা·আখো চা·আচা আরো থি·ল্লেকাচা ইস্রায়েলরাংখো পাপচানা রা·আংআ।

ফারাকগিবা খাৎথা 2:14 Iomraidhean Croise

মথিনি চকগিবা নাম্মা খাৎথা 18:7

আইয়াও হা·গিলসাক! পাপনি রামাও রিম্মাংনা বাসিক চলরাংআন নাং·চা দংআ! উয়া চলরাংদে রি·বানোন; ইন্দাকোবা হং·সিখানা উয়া মান্দিনা, জেচা উয়া চলরাং রি·বাআ!

ওয়াত্তেতারাংনা 15:29

উয়া নাংগিবারাং হং·জক- না·সং মিত্তে বিমাংনা চিন·গিবা চা·আখো দা·আ চা·আবো, হান·চিখো দা·আ রিংআবো, গিত্তক রিম·সত্তে দকথাৎগিবাখো দা·আ চা·আবো আরো দা·আ থি·ল্লেকাবো। ইরাংখো দাকজাওদে না·সং নাম্মাখোন দাকনুয়া। সালাম।”

ওয়াত্তেতারাংনা 21:25

ইন্দিবা গিপ্পিন জাতরাংও জেরাং বিবিরা·জক বিসংনা চিংআ জেখো থিক দাকজক উনি গিম্মিন বিসংনা ইয়া খাৎথাখো চক্কেতজক, মিত্তে বিমাংনা চিন·গিবা চা·আখো বিসং চা·জানুয়া, হান·চিখো রিংজানুয়া, গিত্তকখো রিম·সৎগিবারাংনি বে·এনখো চা·জানুয়া আরো থি·ল্লেকজানুয়া।”

রোমানরাংনা 11:9

রাজা দায়ূদবা আগানামিং, বিসংনি চা·আনি পর্বরাং জা·গা গিত্তা আরো জাল গিত্তা হং·খানা; জেদাক্কে উরাং বিসংনি জা·গিদত্তানি হা·সেল হং·আ, আরো বিসংনি মা·ন্নাগিবাখোন বিসং মান·খানা।

রোমানরাংনা 14:13

ইনি গিম্মিন আনচিং জেদাক্কে সাকসা সাকগিপ্পিননি দোসখো রিম·জা, বাত্তেসা ইন্দাকগিবা কামখো দাকজানুয়া ইন্নে থিক দাকনা, জেখো নিক্কে জংআদা গিসিকো চাংফেংআখো মান·জা বা পাপও গা·আকনা মান·জা।

রোমানরাংনা 14:21

বে·এনখো চা·আ, আংগুর বিৎচিখো রিংআ বা ইন্দাকগিবা মামুংখো দাকনা নাংজা জেনি হা·সেল নাং·নি জংআদা গিসিকো চাংফেংআখো মা·ন্না।

রোমানরাংনা 9:32

মুয়ানা মান·জাজক? মুয়ানা বিসং বিবিরা·আও ফাংচাকগিজা কামনি সাক্কাও ফাংচাকামিং। জে রং·থিও মান্দিরাং জা·গিদত্তাখো চা·আ উনোন বিসং জা·গিদত্তা চা·আমিং।

1ম করিন্থীয়রাংনা 1:23

ইন্দিবা আনচিং চিসলো দাৎখাপা মান·গিবা খ্রীষ্টনি খাৎথাখো আগানফ্রাকা। উয়া খাৎথা যিহূদীরাংনা চাংফেংআনি আরো গিপ্পিন জাতরাংনা গক্কানি হং·আ,

1ম করিন্থীয়রাংনা 7:2

ইন্দিবা গিম্মিকচান থি·ল্লেকারাং বাং·ইংজক, উনি গিম্মিন মি·আসা গিম্মিকনিন জিকথাং আরো মিচিক গিম্মিকনিন সেথাং দংখানা।

ইব্রীয়রাংনা 13:4

গিম্মিকান জেদাক্কে জিক-সে খিম্মাখো মান্দিরা·এ নিআ। সেগিবা আরো জিকগিবানি গিসেপো খিম্মাখো রংথালে রা·রিকনা নাংআ, মুয়ানা জেগিত্তা দাক্কেবা থিল·লেকা হং·খানা, জেরাং উনা দোসগ্মাং হং·আ ইসল বিসংখো শাসি হন·নুয়া।

পিতর 2:8

দা·আবা শাস্ত্রনি ইয়া খাৎথাবা খ্রাআ, উয়া ইন্দাকগিবা রং·থি হং·আ জেও মান্দিরাং জা·গিদত্তা চা·নুয়া, আরো জেআন মান্দিনি জা·গিদত্তা চা·আনি হা·সেল হং·নুয়া। মান্দিরাং ইসলনি খাৎথাখো মানিজা ইন্নেন জা·গিদত্তা চা·আ, আরো ইনি গিম্মিনান বিসং থিক হং·এ দংআ।

২ পিতর 2:15

বিসং বিয়োরনি দেফান্থি বিলিয়মনি রামাখো রিম·জক। বিলিয়ম নামগিজা কামনি বকসিসখো মা·ন্না হা·ম্মামিং,

যিহূদা 1:11

হং·সিখানা উয়া মান্দিরাংনা! বিসং কয়িননি রামাচানা রি·য়াংজক, মান·দাপনা ইন্নে বিলিয়মনি ব্রাংআও আন·থাংথাংখো ফাকওয়াতজক আরো কোরহ গিত্তা বোবিল দাক্কে ব·ন্নাংজক।

ফারাকগিবা খাৎথা 2:20

ইন্দাকোবা নাং·নি সাক্কাও আংনি ইয়া খাৎথাখো আগানানি দংআ, না·আ ঈষেবল মিংগিবা উয়া মিচিকনি খ্রাগিজা দাক্কাখো চাক্কিংজক। ইয়া ঈষেবল আন·থাংখো আগানসোগিবা ইন্নে আগানা। বিনি স্খিএতাচা বিয়া আংনি নকখলরাংখো ব্রাংএতা জেদাক্কে বিসং থি·ল্লেকা আরো মিত্তে বিমাংনা চিন·গিবা চা·আখো চা·আ।

ফারাকগিবা খাৎথা 2:4

ইন্দাকোবা নাং·নি সাক্কাও আংনি ইয়া খাৎথাখো আগানানি দংআ, স্খাংও আংনা নাং·নি জেগিত্তা খা·সা দংআমিং উখো না·আ গিম্মায়েতে গালজক।

ফারাকগিবা খাৎথা 21:8

ইন্দিবা চিং·গিবা ওয়া·আল আরো গন্ধকনি চিমিকও দংআন হং·নুয়া খেনগিবা, বিবিরা·গিজাগিবা, মিৎচিনা খ্রাগিবা, স·ওতগিবা, থিল·লেকগিবা, মনতল দাকগিবা, বিমাংখো অলাখিগিবা আরো গিম্মিক বু·এ চা·গিবারাংনি বন·চতগিবা অবস্থা। ইয়ান হং·জক গ্মিগিবা সিয়া।”

ফারাকগিবা খাৎথা 22:15

আচাক গিত্তা নামজাস্রাং মান্দি, মনতল দাকগিবা, থিল·লেকগিবা, স·ওতগিবা, বিমাংখো অলাখিগিবা, আরে জেরাং বুআখো নামনিকা আরো বু·আও রি·আ বিসং গিম্মিকান হা·ফালচা গা·আকে দংআ।