ফারাকগিবা খাৎথা 2:13 - Garo New Testament

¹³ না·আ বাও সংদংইংআ উখো আংআ হা·আইয়া; উয়ো শয়তাননি সিংহাসন দংআ। ইন্দাকোবা না·আ আংনি গিম্মিনো বিবিগিবা হং·এ দংআ আরো আংনি সাক্কাও নাং·নি বিবিরা·আখো জিচাকজা। আরোবা, জেও শয়তান দংআ উয়ো জে সময়ও আংনি বিবিগিবা সাক্ষি আন্তিপাস্‌খো না·সংনি মিকখাংও স·ওতামিং উনোবা না·আ নাং·নি বিবিরা·খো জিচাকজাজক।

ফারাকগিবা খাৎথা 2:13 Iomraidhean Croise

মথিনি চকগিবা নাম্মা খাৎথা 10:23

বাগিবাবা সংনি মান্দিরাং না·সংখো হা·রিকোদে সংগিপ্পিনচা খাতবো। আংআ না·সংনা বিবিন আগানিংআ, ইস্রায়েলনি গিম্মিক সংজিলমা আরো সংচা না·সংনি কাম ব·ন্নানি স্খাংআন মান্দিনি দেফান্থি রি·বানুয়া।

মথিনি চকগিবা নাম্মা খাৎথা 24:9

“উনসালো মান্দিরাং না·সংখো দুক হ·ন্না রি·ম্মে হ·ন্নুয়া আরো না·সংখো স·ওতনুয়া। আংনি গিম্মিন গিম্মিক মান্দি না·সংখো মিৎচিনুয়া।

মথিনি চকগিবা নাম্মা খাৎথা 4:10

উনো যীশু বিনা আগানজক, ‘‘ইয়োনি খাত্তাংবো, শয়তান। রংথালগিবা শাস্ত্রও চক্কা দংআ, না·আ নাং·নি গিত্তেল ইসলখোন অলাখিবো, আরো বিনাসান দাকচাকে হন·বো।’’

লূকনি চকগিবা নাম্মা খাৎথা 21:17

আংনি গিম্মিন গিম্মিকান না·সংখো মিৎচিনুয়া,

ওয়াত্তেতারাংনা 22:20

নাং·নি সাক্ষি স্তিফানখো স·ওতমিত্তিংও আংআ উয়ো চাদেংএ স·ওতনা আগানফাআমিং, আরো বিখো স·ওতগিবারাংনি বা·রাচলারাংখো নিরক্ষিংআমিং।’

ওয়াত্তেতারাংনা 9:14

ইনাআগ্রেবা নাং·নি বিমুংও বি·গিবারাংখো রিম·না ইন্নে খামাল দাল·গিবারাংচাখো বিল রা·এ বিয়া ইয়োনা রি·বাজক।”

1 থিষলনীকী 5:21

জেআন নাম্মা উখো রি·ম্মে রা·রিকবো,

1 তীমথিয় 5:8

জেআন আন·থাংনি চাচ্চিরাংনা, মংসংদে আন·থাংনি নকখো নিজা বিয়া উচা বিনি বিবিরা·আখো জিচাকজক; বিয়া বিবিরা·গিজাগিবানা বাত্তেবা নামজা।

2 তীমথিয় 1:13

না·আ আংচাখো জেখো খিন্নাজক উয়া চং·মত স্খিয়াখো না·আ জা·রিকবো; আরো খ্রীষ্ট যীশুমুং নাংরিমানি গিম্মিন আনচিংনি খা·থংও জে খা·সাআ আরো বিবিরা·আ রি·বাজক উখোবা রি·ম্মে রা·রিকবো।

2 তীমথিয় 2:12

আনচিং চাকচিকে চাক্কোদে, বিমুং শাসন দাকফানুয়া। বিখো আনচিং জিচাকোদে, বিয়াবা আনচিংখো জিচাকনুয়া।

ইব্রীয়রাংনা 10:23

বিবিরা·গিবা হং·এ আনচিংনি জে খা·দংআ দংআ, হাই, আনচিং খেম·খেম হং·এ বিনি খাৎথাখো খু·রাচাকনা, মুয়ানা জেআন খু·রাচাকজক বিয়া বিবিরা·না খ্রাগিবা হং·আ।

ইব্রীয়রাংনা 3:6

ইন্দিবা খ্রীষ্ট উয়া নকনি দেফান্থি গিত্তা বিবিরা·না খ্রাগিবা হং·আমিং। আনচিংনি খা·দংবিবিয়ানি গিম্মিন গিসিকো জে হান·সেংআ রি·বাআ, উয়ো আনচিং বন·খামাওনা দিপ্পাৎ খেম·খেমে দংওদে নিকনা মা·ন্নুয়া, আনচিংআন ইসলনি নকনি মান্দি হং·আ।

যাকোব 2:7

জেনি বিমুং গিত্তা না·সংখো রিক্কামা মা·ন্নে চা·গিবারাং উয়া মান্দিরা·আনি বিমুংখো জিজামা?

ফারাকগিবা খাৎথা 11:3

ইন্দিবা আংআ আংনি সাকগ্মি সাক্ষিনা ইন্দাকা বিলখো হ·ন্নুয়া জেনি গিম্মিনো বিসং সালা চটখো গান্নে হাজালসা রিৎচাগ্মি সৎদক সালনা দিপ্পাৎ আগানসোগিবা হং·এ খাৎথা আগান্নুয়া।”

ফারাকগিবা খাৎথা 12:11

মেষ বি·সানি হান·চি আরো আন·থাংথাংনি সাক্ষিচা বিসং বিখো হাম্মেতজাজক। বিসং আন·থাংথাংনা বাং·এ খা·সাজানি হা·সেলান বিসংনি জাংগিখো হ·ন্না বিসং গং·আমিং।

ফারাকগিবা খাৎথা 13:2

উয়া মাৎবুরুং নিনা মাৎচা গিত্তা দাক্কামিং, আরো উনি জা·চকরাং মাকবিলনি জা·চক গিত্তা দাক্কামিং আরো মিকখাং সিংহনি মিকখাং গিত্তা দাক্কামিং। উয়া চিপ্পু বিনি বিলখো, সিংহাসনখো আরো দাল·বাতা বিলখো উয়া মাৎবুরুংনা হন·জক।

ফারাকগিবা খাৎথা 14:12

জেরাং ইসলনি গি·য়েতাখো মানিয়া আরো যীশুও বিবিরা·গিবা হং·এ দংআ ইসলনি উয়া মান্দিরাংনি ইন্দাকা অবস্থাও চাকচিকা দংনা নাংআ।

ফারাকগিবা খাৎথা 17:14

ইরাং মেষ-বি·সানি সাক্কাও দাকগ্রিকনুয়া আরো মেষ-বি·সা বিসংখো হাম্মেতজানুয়া, মুয়ানা বিয়া গিত্তেলরাংনি গিত্তেল আরো রাজারাংনি রাজা হং·আ। জেরাংখো রিক্কামজক আরো বাচ্চিয়ে রা·জক আরো জেরাং বিবিগিবা হং·আ বিসংআন বিমিং দংনুয়া।”

ফারাকগিবা খাৎথা 17:6

আংআ নিকজক, উয়া মিচিক ইসলনি মান্দিরাংনি হান·চিখো আরো জেরাং যীশুনি গিম্মিনো সাক্ষি হন·জক বিসংনি হান·চিখো রিংএ চুফেকগিবা হং·এ দংআ।

ফারাকগিবা খাৎথা 2:2

আংআ নাং·নি কাম, গাম্মা আরো চাকচিকানি খাৎথাখো হা·আইয়া। আংআ হা·আইয়া না·আ নামগিজা মান্দিরাংখো চাকনা মান·জা, আরো জেরাং ওয়াত্তেতা হং·জাওবা আন·থাংখো ওয়াত্তেতা ইন্নে দাবি দাক্কা বিসংখো রুরাএ নিজক আরো বিসং বু·এ চা·গিবা হং·আ ইখোবা নিকনা মান·জক।

ফারাকগিবা খাৎথা 3:11

আংআ থেং·রিন রি·বাংজক। নাং·নি দংগিবাখো রাক্কে রি·ম্মে দনবো, জেদাক্কে নাং·নি হাম্মানি বকসিসখো দারাংবা রা·সেকে রা·জা।

ফারাকগিবা খাৎথা 3:3

ইনি গিম্মিন না·আ জেখো মান·জক আরো খিন্নাজক উখো গিসিক রা·বো আরো মানিবো আরো ইন্দাকা অবস্থাওনি গিসিকখো ফিল·বো। না·আ চাখাতজাওদে আংআ চা·খক গিত্তা রি·বানুয়া, আরো আংআ বাগিবা সময়ও নাং·চা রি·বানুয়া উখো না·আ হা·আইনাবা মান·জানুয়া।