ফারাকগিবা খাৎথা 19:6 - Garo New Testament

⁶ জা·মানো আংআ মান্দি জিলমানি মিক্কুয়া, রাক্কে চিনি মিক্কুয়া আরো রাক্কে মিকখা খিমপ্রেতানি খু·রাং গিত্তা দাক্কে আগানা ইয়া খাৎথাখো খিন্নাজক, “হাল্লেলূয়া! আনচিংনি বিল্লাকস্রাংগিবা গিত্তেল ইসল সংনকখো শাসন দাকনা হা·বাচেংজক।

ফারাকগিবা খাৎথা 19:6 Iomraidhean Croise

মথিনি চকগিবা নাম্মা খাৎথা 6:13

চিংখো রুরাওনা দা·আ গাল্লাবো, ইন্দিবা শয়তাননি জাকনিখো চিংখো জক্কেৎবো।

ফারাকগিবা খাৎথা 1:15

বিনি জা·চক ওয়া·আলো সো·এ চি·রংএতগিবা নাম্মেন চিং·ব্রাপা পিতল গিত্তা দাক্কা, আরো বিনি খু·রাং থারাকে চি বালজকানি গা·ম্মা গিত্তা দাক্কামিং।

ফারাকগিবা খাৎথা 1:8

গিত্তেল ইসল আগানিংজক, “আংআন উয়া আল্‌ফা আরো ওমিগা জেআন দংআ, জেআন দংআমিং আরো জেআন রি·বাংজক। আংআন বিল্লাকস্রাংগিবা।”

ফারাকগিবা খাৎথা 12:10

জা·মানো আংআ সালগিওনি রাক্কে রাক্কে সাকসানি আগানাখো খিন্নাজক, “দা·আও জক্কেতা, বিল আরো আনচিংনি ইসলনি সংনক আরও বিনি খ্রীষ্টনি বিল সকবাজক, মুয়ানা জে আনচিংনি জংরাংখো দোস হ·ন্নুয়ামিং বিখো সালগিচাখো গাল্লেতজক। আনচিংনি ইসলনি মিকখাংও বিয়া সালওয়াল বিসংনি দোসখো ফিন্নিকনুয়ামিং।

ফারাকগিবা খাৎথা 14:2

জা·মানো আংআ সালগিওনি চি দাল·লা গিত্তা আরো রাক্কে মিকখা খিমপ্রেতা গিত্তা খিন্নাজক। জেখো খিন্নাআ উয়া বীণা বাজাইয়ানি গাম·মা গিত্তা দাক্কামিং।

ফারাকগিবা খাৎথা 19:1

উনি জা·মানো আংআ সালগিও মান্দি জিলমানি মুক্কুয়াখো খিন্নাজক। বিসং আগানিংআমিং, “হাল্লেলূয়া! জক্কেতা, রাসং আরো বিল, গিম্মিকান আনচিংনি ইসলনি,

ফারাকগিবা খাৎথা 19:4

ইসল, জেআন সিংহাসনও আসংএ দংআ বিখো উয়া খলগ্রিকব্রি মি·আফারাং আরো উয়া সাকব্রি জাংগিগ্মাংগিবা থুচিকোপে অলাখিয়ে আগানজক, “আমেন। হাল্লেলূয়া!”

ফারাকগিবা খাৎথা 21:22

আংআ উয়া সংজিলমাও থরম নকখো নিকজাজক, মুয়ানা গিত্তেল ইসল আরো মেষ-বিসান উয়া সংজিলমানি থরম নক হংআমিং।

ফারাকগিবা খাৎথা 4:5

উয়া সিংহাসনওনি মিকখা রিপরাপা, খু·রাং আরো মিকখা খিম্‌প্রেতানি গা·ম্মা হং·খাতিংআমিং। সিংহাসননি মিকখাংও গি·স্নি চাক্কি চিং·ইংআমিং। উয়া চাক্কিরাং হং·জক ইসলনি সাকস্নি গিসিক।

ফারাকগিবা খাৎথা 6:1

মেষ বি·সা জে সময়ও উয়া খানস্নি সীলমোহররাংনি স্খাংগিবাখো ফি·ইংআমিং উনো আংআ নিয়েতজক; আরো আংআ উয়া সাকব্রি জাংগিগ্মাংগিবারাংনি গিসেপো সাকসাখো মিকখা খিমফ্রেতা গিত্তা খু·রাংও আগানাখো খিন্নাজক, “রি·বাবো।” উনো আংআ মাংসা গিব্বক ঘোড়াখো নিকনা মান·জক।

ফারাকগিবা খাৎথা 8:5

উনো উয়া সা·গ্রে গানচিওনি ওয়াল·খু রা·এ উয়া চা·চেৎ দনগিবা দনচাক্রাখো গাপ্পেতজক আরো হা·গিলসাকচানা গাল্লেতজক। উনি গিম্মিন মিকখা খিমফ্রেতানি গা·ম্মারাং আরো নাংআ-নাংসি গাম·ফ্রেতারাং, আরো মিকখা রিপরাপা আরো বাংগুরিয়া হং·জক।