ফারাকগিবা খাৎথা 18:6 - Garo New Testament

⁶ উয়া গিপ্পিনরাংমিং জেগিত্তা হান·সেংএ জাকখালা উমিংবা উগিত্তান জাকখালবো; উনি কামনি গিম্মিক বিথিখো উনা হন·বো। জে দনচাক্রাও উয়া গিপ্পিনরাংনা নামগিজাখো ব্রিননুয়ামিং, উয়ো উনি গিম্মিক শাসিখো ব্রিনে উনা রিংনা হন·বো।

ফারাকগিবা খাৎথা 18:6 Iomraidhean Croise

2 তীমথিয় 4:14

তামানি কামখো রিম·গিবা আলেকসান্দর আংনি বাং·এ নামগিজাখো দাকজক। বিয়া জেখো দাক্কা উখো গিত্তেলান সৎনুয়া।

ফারাকগিবা খাৎথা 13:10

জেখো চিপচাংএ দন্নানি খাৎথা দংআ বিখো চিপচাংএ দন্নুয়া। জেখো মিল্লামচা স·ওতনা খাৎথা দংআ বিয়া স·ওতাখো মান·নুয়া। ইনি গিম্মিন ইসলনি মান্দিরাংনি চাকচিকা আরো বিবিরা·আ দংনা নাংনুয়া।

ফারাকগিবা খাৎথা 14:10

ইন্দাকোদে বিখো ইসলনি খা·আও নাংআনি চুখো রিংনা নাংনুয়া। ইয়া চুমিং চিখো ব্রিনগিজা ইসলনি খা·আও নাংআনি রিংচাক্রাও রুদাপজক। রংথালগিবা সা·গ্রেরাংনি আরো মেষ বি·সানি মিকখাংও ওয়া·আল আরো গন্ধকচা উয়া মান্দিখো সা·খাম্মেতনুয়া।

ফারাকগিবা খাৎথা 16:19

বিমিং দংগিবা সংজিলমা বাক গিত্থাম হং·আংজক আরো দিংথাং দিংথাং জাতরাংনি সংজিলমা গা·আকাংজক। জা·মানো উয়া বাবিলখো ইসল গিসিক রা·জক, আরো বিয়া বিনি খা·আও নাংআনি চুখো রিংচাক্রাও গাপ্পে বাবিলনা রিংনা হন·জক।

ফারাকগিবা খাৎথা 17:2

হা·গিলসাকনি রাজারাং বিমিং থিল·লেকামিং, আরো জেরাং ইয়া হা·গিলসাকনি বিসং বিনি থিল·লেকানি আংগুল বিৎচিও চুফেকগিবা হং·আমিং।”

ফারাকগিবা খাৎথা 17:4

উয়া মিচিক গিচ্চাক রংনি বা·রাখো গান্নামিং আরো বিনি বে·এনো সোনা, গামচাতা রং·থি আরো মুক্তানি গয়না দংআমিং। নামজাস্রাং আরো বিনি থিল·লেকানি ময়লাও গাপ্পা গি·সা সোনানি দনচাক্রা বিনি জাক্কো দংআমিং।

ফারাকগিবা খাৎথা 18:20

উনো উয়া সা·গ্রে আগানজক, “ও সালগি, উয়া সংজিলমানি বন·নানা হান·সেংবো। ইসলনি মান্দিরাং, ওয়াত্তেতারাং আরো আগানসোগিবারাং হান·সেংবো। না·সংনি সাক্কাও বিয়া জেখো দাক্কামিং উনি গিম্মিন ইসল বিনি বিচালখো দাকজক।”