ফারাকগিবা খাৎথা 18:2 - Garo New Testament

² বিয়া রাক্কে চ্রিকে আগানজক, “বন·জক, উয়া সংজিলমা বন·জক! উয়া দা·আওদে নামগিজাগিবা গিসিকরাংনি দংআনি হা·দাম হং·জক আরো সাকফ্রাকফ্রাক নামগিজাগিবা গিসিকরাংনি থম·দাকগিবা আরো মারাং নাংগিবা আরো সাক্কাও বিলগিবা দো·ওরাংনি বিচাপ হং·জক।

ফারাকগিবা খাৎথা 18:2 Iomraidhean Croise

ফারাকগিবা খাৎথা 1:15

বিনি জা·চক ওয়া·আলো সো·এ চি·রংএতগিবা নাম্মেন চিং·ব্রাপা পিতল গিত্তা দাক্কা, আরো বিনি খু·রাং থারাকে চি বালজকানি গা·ম্মা গিত্তা দাক্কামিং।

ফারাকগিবা খাৎথা 11:8

বিসংনি গিত্তেলখো জে সংজিলমাও চিসলও দাৎখাপামিং উয়া দাল·বাৎগিবা সংজিলমানি রামাও বিসংনি মাংগিসি গা·আকে দংনুয়া। উয়া সংজিলমানি বিমুং চং·মতদে সদোম আরো মিসর হং·জা, ইন্দাকোবা উগিত্তান দাক্কা ইন্নে উয়া সংজিলমাখো সদোম আরো মিসর ইন্না।

ফারাকগিবা খাৎথা 14:15

জা·মানো দা·আও সাকসা সা·গ্রে থরম নকওনি হং·খাতে রি·বাজক আরো গাদিলানি সাক্কাও আসংএ দংগিবাখো রাক্কে চ্রিকে আগানজক, “নাং·নি কাৎচিখো রিম·বো, মিবিথিখো রাতবো, মুয়ানা মি বিথিখো রাত্তানি সময় হং·জক; হা·গিলসাকনি মি বিথি চু·গিম্মিক মিনজক।”

ফারাকগিবা খাৎথা 14:8

জা·মানো গ্মিগিবা দা·আও সাকসা সা·গ্রে বিনি জা·মান জা·মান রি·বাএ আগানজক, “উয়া বাবিল সংজিলমা বন·নাংজক। জে সংজিলমা বিনি থিল·লেকানি চুখো গিম্মিক জাতনান রিংএতা উয়া সংজিলমা বন·নাংজক।”

ফারাকগিবা খাৎথা 16:13

উনো আংআ দিপ্‌লক গিত্তা সাকগিত্থাম গিসিকখো নিকনা মান·জক। উরাং উয়া চিপ্পু, উয়া মাৎবুরুং আরো উয়া দাকমিকগিবা আগানসোগিবানি খু·সুকওনি হং·খাতে রি·বাংআমিং।

ফারাকগিবা খাৎথা 16:19

বিমিং দংগিবা সংজিলমা বাক গিত্থাম হং·আংজক আরো দিংথাং দিংথাং জাতরাংনি সংজিলমা গা·আকাংজক। জা·মানো উয়া বাবিলখো ইসল গিসিক রা·জক, আরো বিয়া বিনি খা·আও নাংআনি চুখো রিংচাক্রাও গাপ্পে বাবিলনা রিংনা হন·জক।

ফারাকগিবা খাৎথা 17:18

জে মিচিকখো না·আ নিক্কামিং উয়া হং·জক উয়া সংজিলমা, জেআন হা·গিলসাকনি গিম্মিক রাজারাংনি সাক্কাও শাসন দাক্কিংজক।”

ফারাকগিবা খাৎথা 17:5

বিনি কপালও ইন্দাকা বিমুং লিক্ষিয়া দংআমিং জেনি বিদিংও মিংসা নিং·থুয়া বিবি দংআমিং। উয়া বিমুং হং·জক, “বাবিল, দারি বিমারাংনি আরো হা·গিলসাকনি নামজাস্রাংরাংনি মা·গিবা।”

ফারাকগিবা খাৎথা 18:10

বিসং উনি গিচ্চিয়াখো নিক্কে খেন্নে চেল·লাও চাদেংএ আগান্নুয়া, “আইয়াও বাবিল, আইয়াও! উয়া সংজিলমা, বিলগ্মাং উয়া সংজিলমা! ইন্দাকে খনতাসাওন নাং·নি শাসি সকবাজক!”

ফারাকগিবা খাৎথা 18:21

জা·মানো সাকসা বিল্লাকগিবা সা·গ্রে জাতা গিত্তা দাল·বিয়া গি·সা রং·থিখো রা·এ সাগালও গাল্লেতি আগানজক, “ইন্দাকেন উয়া বাবিল সংজিলমাখো গাল্লেতনুয়া। উখো আর মামিং সালোবা মান·জানাজক/মান·জানুয়া।

ফারাকগিবা খাৎথা 5:2

জা·মানো আংআ সাকসা বিল্লাকগিবা সা·গ্রেখো রাক্কে ইয়া খাৎথাখো আগানাখো খিন্নাজক, “সা ইয়া সীলমোহররাংখো ফি·এ খি·তাপখো এংনা খ্রাগিবা হং·আ?”