ফারাকগিবা খাৎথা 18:12 - Garo New Testament

¹² বিসংনি উয়া বস্তুরাংও দংআ- সোনা, রূপা, গামচাতগিবা রং·থি আরো মুক্তা; সেন·চিপচিপ মদিনানি বা·রা, রংনি বা·রা, রেশমী আরো গিচ্চাকা বা·রা; বাং·আ সিম্মিলা গানথং আরো মংমানি ওয়াগামনিখো থারিয়া বাং·আ বস্তুরাং; নাম্মেন গামচাতগিবা গানথংচা থারিয়া আরো পিতল, সিল আরো মার্বেল রং·থিচা থারিয়া বাং·আ বস্তুরাং;

ফারাকগিবা খাৎথা 18:12 Iomraidhean Croise

ফারাকগিবা খাৎথা 17:3

জা·মানো উয়া সা·গ্রে আংখো হা·গিসি জওলচানা রিম্মাংজক। উনো আংআ গিসিক রংথালানি নিং·আও দংআমিং। উনো আংআ সাকসা মিচিকখো মাংসা গিচ্চাক রংনি মাৎবুরুংনি সাক্কাও আসংএ দংআখো নিকজক। ইসলখো চন্নিকনা ইন্নে বাং·আ বিমুংরাং উয়া মাৎবুরুংনি সাক্কাও লিক্ষিয়া দংআমিং। উনি দতস্নি স্খু আরো গংচিকখুং গ্রং দংআমিং।

ফারাকগিবা খাৎথা 17:4

উয়া মিচিক গিচ্চাক রংনি বা·রাখো গান্নামিং আরো বিনি বে·এনো সোনা, গামচাতা রং·থি আরো মুক্তানি গয়না দংআমিং। নামজাস্রাং আরো বিনি থিল·লেকানি ময়লাও গাপ্পা গি·সা সোনানি দনচাক্রা বিনি জাক্কো দংআমিং।

ফারাকগিবা খাৎথা 18:15

জেরাং ইয়া বস্তুরাংখো বাদিংএ নকমা হং·আমিং উয়া বাদিংগিবারাং উনি গিচ্চিয়াখো নিক্কে খেন্নে চেল·লাচা চাদেংএ দংনুয়া।