ফারাকগিবা খাৎথা 17:14 - Garo New Testament

¹⁴ ইরাং মেষ-বি·সানি সাক্কাও দাকগ্রিকনুয়া আরো মেষ-বি·সা বিসংখো হাম্মেতজানুয়া, মুয়ানা বিয়া গিত্তেলরাংনি গিত্তেল আরো রাজারাংনি রাজা হং·আ। জেরাংখো রিক্কামজক আরো বাচ্চিয়ে রা·জক আরো জেরাং বিবিগিবা হং·আ বিসংআন বিমিং দংনুয়া।”

ফারাকগিবা খাৎথা 17:14 Iomraidhean Croise

মথিনি চকগিবা নাম্মা খাৎথা 22:14

গল্পনি বন·খামাও যীশু আগানজক, “ইনি গিম্মিন আগানিংআ, বাং·আ মান্দিরাংখো রিক্কামজক ইন্দিবা বাং·গিজাখো বাচ্ছিয়ে রা·জক।”

মথিনি চকগিবা নাম্মা খাৎথা 25:40

“রাজা উনো বিসংনা আগানচাকনুয়া, ‘আংআ না·সংনা বিবিন আগানিংআ, আংনি ইয়া জংআদারাংওনি চনবাৎগিবা সাকসানা জেনসালো উখো দাক্কামিং উনো আংনান উখো দাক্কামিং।’

মথিনি চকগিবা নাম্মা খাৎথা 28:18

উনোন যীশু সেফাংও রি·বাএ বিসংনা ইয়া খাৎথাখো আগানজক, “সালগিনি আরো হা·গিলসাকনি গিম্মিক বিলখো আংনা হন·মানজক।

যোহননা 15:16

না·সং আংখো বাচ্ছিয়ে রা·জা, ইন্দিবা আংআন না·সংখো বাচ্ছিয়ে রা·এ কাম দাক্কেতজক জেদাক্কে না·সংনি জাংগিও বিথি নাংআ আরো না·সংনি উয়া বিথি দংখামা। ইন্দাকোদে আংনি বিমুংও আপফাচা জেখো বি·নুয়া উখো বিয়া না·সংনা হ·ন্নুয়া।

রোমানরাংনা 1:6

উয়া মান্দিরাংনি গিসেপো না·সংবা দংআ। যীশু খ্রীষ্টনি মান্দি হং·খানা ইসলান না·সংখো রিক্কামজক।

রোমানরাংনা 8:30

জেরাংখো বিয়া স্খাংআন থারিসোজক বিসংখো বিয়া রিক্কামজক; রিক্কামগিবারাংখো দোসগ্রি ইন্নেবা রা·চাকজক; জেরাংখো দোসগ্রি ইন্নে রা·চাকজক বিসংনা বিয়া রাসংখোবা হন·জক।

রোমানরাংনা 8:37

ইন্দিবা না·সংনা জে খা·সাআ বিচা আনচিং চু·গিম্মিক দাক্কে হামজক।

1ম করিন্থীয়রাংনা 15:24

উনি জা·মানো জেনসালো খ্রীষ্ট গিম্মিক শাসন দাক্কানিরাংখো, বিলরাংখো ব·ন্নেতি ফাগিবা ইসলনি জাক্কো সংনকখো হ·ন্নেতনুয়া উনসালো বন·খামগিবা সাল রি·বানুয়া।

1 তীমথিয় 6:15

উয়া মিৎথেলা মান·স্রাংগিবা ইসল, জেআন সাকসা মা·মাং শাসন দাকগিবা হং·আ, জেআন রাজারাংনি রাজা আরো গিত্তেলরাংনি গিত্তেল হং·আ, বিয়ান বিনি খ্রাগিবা সময়ও খ্রীষ্টখো ফারাকেতনুয়া।

2 তীমথিয় 2:4

দাকগ্রিকনা রি·য়াংএ দারাংবা আন·থাংখো সংসালো দনজা, জেদাক্কোদে সিপাই গিত্তা জেআন বিখো রা·জক বিখো বিয়া খুসি দাকনা মা·ন্না।

পিতর 2:9

ইন্দিবা না·সংদে “বাচ্ছিগিবা মা·চং হং·জক; না·সংখো রা·এ খামালরাংনি সংনকখো রিকজক; না·সং ইসলনা মিংএ দিংথাং দাকগিবা জাত হং·আ আরো বিনি আন·থাংনি মান্দি হং·জক;” জেদাক্কে আন্দালাওনি না·সংখো জেআন বিনি আইয়াও ইনমানগিবা সেং·আও রিংগামে রা·বাজক না·সং বিখোন রাসং দাকবো।

ফারাকগিবা খাৎথা 11:7

বিসংনি সাক্ষি হ·ন্না ব·ন্নানি জামানো উয়া থিং·নাপগিবা হা·খলওনি মাংসা মাৎবুরুং হং·খাতে রি·বাএ বিসংমুং দাকগ্রিকনুয়া আরো বিসংখো হাম্মে দকথাত্তে গালনুয়া।

ফারাকগিবা খাৎথা 16:14

উয়া নামগিজাগিবা গিসিকরাং আইয়াও ইনমানগিবা কামরাংখো দাক্কিংআমিং। বিল্লাকস্রাংগিবা ইসলনি উয়া দাল·বিয়া সালো দাকগ্রিকনা ইন্নে বিসং হা·গিলসাক গিম্মিকনি রাজারাংখো আপসান চিম্মংজক।

ফারাকগিবা খাৎথা 2:10

না·আ জে দুকরাংখো চাকনা রি·য়াংইংজক উনা মামুং দাক্কেবা দা·আ খেন্নাবো। খিন্নাবো, শয়তান না·সংওনিখো মিত্তামখো রুরাএ নিনা জেলো দন্নুয়া, আরো সালচিখুংনা দিপ্পাৎ না·সং দুক চাকনুয়া। না·আ সিয়াওনা দিপ্পাৎ বিবিগিবা হং·এ দংবো, ইন্দাকোদে হাম্মানি মালা গিত্তা আংআ নাং·না জাংগিখো হ·ন্নুয়া।

ফারাকগিবা খাৎথা 2:13

না·আ বাও সংদংইংআ উখো আংআ হা·আইয়া; উয়ো শয়তাননি সিংহাসন দংআ। ইন্দাকোবা না·আ আংনি গিম্মিনো বিবিগিবা হং·এ দংআ আরো আংনি সাক্কাও নাং·নি বিবিরা·আখো জিচাকজা। আরোবা, জেও শয়তান দংআ উয়ো জে সময়ও আংনি বিবিগিবা সাক্ষি আন্তিপাস্‌খো না·সংনি মিকখাংও স·ওতামিং উনোবা না·আ নাং·নি বিবিরা·খো জিচাকজাজক।

ফারাকগিবা খাৎথা 3:21

“আংআ হাম্মে জেগিত্তা আংনি ফাগিবামুং বিনি সিংহাসনও আসংজক, উয়ানদাক্কে জেআন হামনুয়া বিখো আংআ আংমুং আংনি সিংহাসনও আসংনা বিল হ·ন্নুয়া।