ফারাকগিবা খাৎথা 17:1 - Garo New Testament

¹ জে সাকস্নি সা·গ্রেনি জাক্কো গি·স্নি দনচাক্রা দংআমিং বিসংওনি সাকসা রি·বাএ আংনা আগানজক, “চিনি সাক্কাও জে দাল·গিবা দারি আসংএ দংআ, রি·বা, বিনি শাসিখো আংআ নাং·না ফিন্নিকনা।

ফারাকগিবা খাৎথা 17:1 Iomraidhean Croise

লূকনি চকগিবা নাম্মা খাৎথা 24:32

উনোন বিসং সাকসা সাকগিপ্পিননা আগানজক, “রামাও বিয়া আনচিংমুং খাৎথা আগানমিত্তিংও আরো রংথালগিবা শাস্ত্রনি অর্থখো আগানমিত্তিংও আনচিংনি খা·থং খামদোজামিংমা?”

লূকনি চকগিবা নাম্মা খাৎথা 9:30

আরো বিমুং সাকগ্মি মান্দিখো খাৎথা আগানাখো নিকনা মান·জক। উয়া সাকগ্মি হং·জক মোশি আরো এলিয়।

ফারাকগিবা খাৎথা 1:1

ইয়া খি·তাপও জেরাংখো চক্কা হং·জক উরাংখো যীশু খ্রীষ্টআন ফারাকজক। ইয়া বিদিংরাংখো ইসল খ্রীষ্টচা ফারাকামিং, জেদাক্কে বাং·গিজা সালরাংনি গিসেপোন জেরাং হং·না রি·য়াংইংজক উখো বিয়া বিনি নকখলরাংনা আগানা। খ্রীষ্ট বিনি সা·গ্রেখো ওয়াত্তেতি বিনি নকখল যোহননা ইয়া বিদিংরাংখো আগানামিং।

ফারাকগিবা খাৎথা 15:1

জা·মানো সালগিও আংআ দা·আও গি·সা দাল·গিবা আরো আইয়াও ইনমানগিবা চিনখো নিকজক। নিকজক, সাকস্নি সা·গ্রে আরো বিসংনি জাক্কো বন·চতগিবা মিংস্নি সাবিসি। ইরাংখো বন·চতগিবা সাবিসি ইন্নে আগানিংআ, মুয়ানা ইরাংচা ইসলনি খা·আও নাংআবা বন·নুয়া।

ফারাকগিবা খাৎথা 16:19

বিমিং দংগিবা সংজিলমা বাক গিত্থাম হং·আংজক আরো দিংথাং দিংথাং জাতরাংনি সংজিলমা গা·আকাংজক। জা·মানো উয়া বাবিলখো ইসল গিসিক রা·জক, আরো বিয়া বিনি খা·আও নাংআনি চুখো রিংচাক্রাও গাপ্পে বাবিলনা রিংনা হন·জক।

ফারাকগিবা খাৎথা 18:1

উনি জা·মানো আংআ দা·আও সাকসা সা·গ্রেখো সালগিওনি হং·খাতে রি·বাখো নিকজক। বিনি দাল·গিবা বিল দংআমিং আরো হা·গিলসাক বিনি রাসংও থেং·সুজক।

ফারাকগিবা খাৎথা 19:2

মুয়ানা বিনি বিচাল বিবি আরো খাকখেৎ হং·আ। জেআন বিনি থিল·লেকাচা হা·গিলসাক গিম্মিকখো মারাং নাংএতামিং উয়া দাল·গিবা দারিখো ইসল শাসি হন·জক আরো বিনি নকখলরাংনি হান·চিনি দাকস্খাখো বিয়া বিনি সাক্কাও রা·জক।”

ফারাকগিবা খাৎথা 19:9

জা·মানো উয়া সা·গ্রে আংনা আগানজক, “ইয়া খাৎথাখো লিক্ষিবো, ‘মেষ-বি·সানি বিয়ানি চা·আও জেরাংনা আগানা বিসং ফাত্তিয়াখো মান·গিবা হং·আ।’ ” বিয়া ইয়া খাৎথাখোবা আগানজক, “ইরাং ইসলনিন খাৎথা আরো ইয়া বিবি হং·আ।”

ফারাকগিবা খাৎথা 21:15

জেআন আংমিং খাৎথা আগানিংআমিং বিনি জাক্কো গিসা সোনানি থোসুসাগিবা গলদিক দংআমিং, জেদাক্কে বিয়া উয়া সংজিলমা, উনি দগারাংখো আরো দেয়ালরাংখো থোনা মান্না।

ফারাকগিবা খাৎথা 21:9

জে সাকস্নি সা·গ্রেনি জাক্কো বন·চতগিবা সাবিসি গাপ্পা গি·স্নি দনচাক্রা দংআমিং বিসংওনি সাকসা আংচা রি·বাএ আগানজক, “রি·বা, আংআ নাং·না মিচিক, আগানস্খাওদে মেষ-বি·সানি জিকগিবাখো ফিন্নিকনা।”

ফারাকগিবা খাৎথা 4:1

উনি জা·মানো আংআ সালগিনি দ·গা গি·সা এংআখো নিকনা মান·জক। সিংগা গা·ম্মা গিত্তা জেনি গিত্তকনি খু·রাংখো আংআ স্খাংও খিন্নামিং বিয়া আংনা আগানজক, “না·আ চাখাতে ইয়োনা রি·বাবো। ইরাংনি জা·মানো জেরাং হং·না হাম·বিবিংজক উখো আংআ নাং·না ফিন্নিকনুয়া।”