ফারাকগিবা খাৎথা 16:9 - Garo New Testament

⁹ উনো নাম্মেন দিং·দোএ মান্দিরাংনি বে·এন খামজক, আরো ইয়া সাবিসিরাংনি সাক্কাও জেনি বিল দংআ বিসং উয়া ইসলখো চন্নিকনা হা·বাচেংজক। ইন্দিবা বিসং গিসিক ফিল·জাজক আরো ইসলনি রাসংখো দাকজাজক।

ফারাকগিবা খাৎথা 16:9 Iomraidhean Croise

লূকনি চকগিবা নাম্মা খাৎথা 13:3

আংআ না·সংনা আগানিংআ, ইন্দাকে হং·জা, ইন্দিবা পাপওনি গিসিক ফিল·জাওদে না·সংবা বন·গিম্মিকনুয়া।

লূকনি চকগিবা নাম্মা খাৎথা 13:5

আংআ না·সংনা আগানিংআ, ইন্দাকে হং·জা, ইন্দিবা পাপওনি গিসিক ফিল·জাওদে না·সংবা বন·গিম্মিকনুয়া।”

2য় করিন্থীয়রাংনা 12:21

আংআ খেনচাকিংআ, জেনসালো আংআ না·সংচা রি·য়াংনুয়া উনো আংনি ইসল না·সংনি মিকখাংও আংখো খ্রাচা·এতনুয়া, আরো জেরাং স্খাংও পাপ দাক্কামিং ইন্দিবা বিসংনি মারাং নাংআওনি, থি·ল্লেকাওনি আরো নামগিজাওনি গিসিকখো ফি·ল্লেতখুজা, বিসংনি বাং·আরাংনা আংআ দুক মা·ন্নুয়া।

ফারাকগিবা খাৎথা 11:13

উয়া সময়ও বিল্লংএ বাংগুরিজক আরো উয়া সংজিলমানি বাক চিকখুংনি বাকসা বি·গ্রপাংজক। উয়া বাংগুরিয়াও হাজালস্নি মান্দি সিথকজক। উনি গিম্মিন উয়ো দংগিবা গিম্মিকান খেন্নে সালগিনি ইসলখো রাসং দাকনা হা·বাচেংজক।

ফারাকগিবা খাৎথা 14:7

বিয়া রাক্কে রাক্কে ইয়া খাৎথাখো আগানিংআমিং, “ইসলনা খেনবো আরো বিখো রাসং দাকবো, মুয়ানা বিচাল দাক্কানি সাল সকবাজক। জেআন সিলগা, হা·গিলসাক, সাগাল আরো চিমিকখো থারিজক বিখো অলাখিবো।”

ফারাকগিবা খাৎথা 16:21

সিলগাওনি মান্দিনি সাক্কাও দাল·লা রং·থি গিত্তা স্থিল গা·আকনা হা·বাচেংজক। উনি গি·ফ্রাকআন হং·আমিং 36 কেজি। উনি হা·সেল মান্দিরাং স্থিলনি মাত্তানা ইসলখো জিনা হা·বাচেংজক, মুয়ানা উয়া স্থিলনি মাত্তা বিল্লংআমিং।

ফারাকগিবা খাৎথা 2:21

থি·ল্লেকাওনি গিসিক ফিল·খানা আংআ বিনা সময় হ·ন্নামিং ইন্দিবা বিয়া গিসিক ফিল·না গং·জাজক।

ফারাকগিবা খাৎথা 9:20

ইন্দিবা ইন্দাকা শাস্তিরাংনি জা·মানোবা জে মান্দিরাং থাংএ দংজক বিসং আন·থাংথাংনি জাকচা থারিগিবা মিত্তে বিমাংওনি গিসিক ফিল·জাজক। বিসং গিসিক নামগিজাগিবারাংখো আরো জেরাং নিকনা, খিন্নানা বা রামা রি·না মান·জা ইন্দাকগিবা সোনা, রূপা, পিতল, রং·থি আরো বলচা থারিগিবা মিত্তে বিমাংখো হামুয়ারিন দংজক।