ফারাকগিবা খাৎথা 16:13 - Garo New Testament

¹³ উনো আংআ দিপ্‌লক গিত্তা সাকগিত্থাম গিসিকখো নিকনা মান·জক। উরাং উয়া চিপ্পু, উয়া মাৎবুরুং আরো উয়া দাকমিকগিবা আগানসোগিবানি খু·সুকওনি হং·খাতে রি·বাংআমিং।

ফারাকগিবা খাৎথা 16:13 Iomraidhean Croise

মথিনি চকগিবা নাম্মা খাৎথা 7:15

“বু·এ চা·গিবা আগানসোগিবারাংনা সিমসাকবো। বিসং মেষনি বিমাংখো রা·এ না·সংচা রি·বাআ, ইন্দিবা নিং·আচাদে বিসং চা·মিন্নকগিবা মাৎচা গিত্তা দাক্কা।

ফারাকগিবা খাৎথা 16:14

উয়া নামগিজাগিবা গিসিকরাং আইয়াও ইনমানগিবা কামরাংখো দাক্কিংআমিং। বিল্লাকস্রাংগিবা ইসলনি উয়া দাল·বিয়া সালো দাকগ্রিকনা ইন্নে বিসং হা·গিলসাক গিম্মিকনি রাজারাংখো আপসান চিম্মংজক।

ফারাকগিবা খাৎথা 18:2

বিয়া রাক্কে চ্রিকে আগানজক, “বন·জক, উয়া সংজিলমা বন·জক! উয়া দা·আওদে নামগিজাগিবা গিসিকরাংনি দংআনি হা·দাম হং·জক আরো সাকফ্রাকফ্রাক নামগিজাগিবা গিসিকরাংনি থম·দাকগিবা আরো মারাং নাংগিবা আরো সাক্কাও বিলগিবা দো·ওরাংনি বিচাপ হং·জক।

ফারাকগিবা খাৎথা 19:20

উয়া মাৎবুরুংখো রিম·জক আরো জে দাকমিকগিবা আগানসোগিবা বিনি হং·এ আইয়াও ইনমানগিবা কামখো দাকনুয়ামিং বিখোবা রিম·জক। জেরাং উয়া মাৎবুরুংনি চিনখো রা·আমিং আরো বিনি বিমাংখো অলাখিয়ামিং উয়া দাকমিকগিবা আগানসোগিবা উয়া আইয়াও ইনমানানি কামরাংচা বিসংখো ব্রাংএতে দন্নামিং। চিং·গিবা গন্ধকনি ওয়া·আলনি চিও থাংআ অবস্থাও ইয়া সাকগ্মিখো গাল্লেতজক।

ফারাকগিবা খাৎথা 20:10

জেআন বিসংখো ব্রাংআ রামাচানা রাআংআমিং উয়া শয়তানখো চিং·গিবা গন্ধকনি চিরিংও গাল্লেতা হং·জক। উয়া চিপ্পু আরো দাকমিকা আগানসোগিবাখো স্খাংআন উচা গাল্লেতা হং·জক। উচা বিসং জ্রিংজ্রৎনা সালওয়াল সা·দিকাখো চাকনুয়া।