ফারাকগিবা খাৎথা 15:2 - Garo New Testament

² জা·মানো আংআ ওয়া·আলমিং ব্রিনগিবা জানিরানি গি·সা সাগাল গিত্তা দাক্কাখো নিকজক, আরো জেরাং উয়া মাৎবুরুং আরো বিনি বিমাং আরো বিনি বিমুংনি নম্বলনি সাক্কাও হামজক বিসংখোবা নিকজক। ইসলনি হন·গিবা বীণাখো জাক্কো রা·এ বিসং উয়া জানিরানি সাগালনি রিক্কামচা চাদেংএ দংআমিং।

ফারাকগিবা খাৎথা 15:2 Iomraidhean Croise

মথিনি চকগিবা নাম্মা খাৎথা 3:11

গিসিক ফিল·জক ইন্নে আংআ না·সংখো চিও রিপ্পলেতিংআ, ইন্দিবা আংনি জা·মানচা রি·বাগিবাদে আংনা বিল্লাকবাত্তা। আংআদে বিনি জা·খপখো রিপ্পিএ রা·নাবা খ্রাজা। বিয়া না·সংখো গিসিক রংথালগিবাও আরো ওয়া·আলো রিপ্পলেতনুয়া।

পিতর 1:7

ইন্দাকা রুরাআ সকবা জেদাক্কে না·সংনি বিবিরা·আ খাকখেৎ ইখো নিকনা মা·ন্না, আরো উনি গিম্মিনো যীশু খ্রীষ্টনি ফারাকানি সালো না·সং মিৎথেলাখো, রাসংখো আরো মান্দিরা·আখো মা·ন্না। জে সোনা নাসিনুয়া উখোবা ওয়া·আলো সো·এ খাকখেৎ দাক্কে রা·আ; ইন্দিবা না·সংনি বিবিরা·আনি দামদে উয়া সোনানা বাত্তে আরোবা বাং·আ।

পিতর 4:12

খা·সাগিবা রিপ্পেংরাং, না·সংখো দা·আও ওয়া·আলনি রুরাআ গিত্তা রি·য়াংনা নাংইংজক ইন্নে উনি গিম্মিনো আইয়াও ইনমানে দা·আ চানচিয়াবো, না·সংনি সাক্কাও মামুং আইয়াও ইনমানানি হং·ইংআ।

ফারাকগিবা খাৎথা 12:11

মেষ বি·সানি হান·চি আরো আন·থাংথাংনি সাক্ষিচা বিসং বিখো হাম্মেতজাজক। বিসং আন·থাংথাংনা বাং·এ খা·সাজানি হা·সেলান বিসংনি জাংগিখো হ·ন্না বিসং গং·আমিং।

ফারাকগিবা খাৎথা 13:1

উনি জা·মানো আংআ মাংসা মাৎবুরুংখো সাগালচানি হং·খাতে রি·বাখো নিকজক। উয়া মাৎবুরুংনি গ্রং চিকখুং আরো দৎস্নি স্খু দংআমিং। উয়া গ্রংরাংনি সাক্কাও চিকখুং মুকুট দংআমিং আরো স্খুরাংনি সাক্কাও ইসলখো চন্নিকনা ইন্নে দিংথাং দিংথাং বিমুংরাং লিক্ষিয়া দংআমিং।

ফারাকগিবা খাৎথা 13:14

উয়া স্খাংগিবা মাৎবুরুংনি হং·এ জে আইয়াও ইনমানগিবা কামরাংখো দাকনা বিনা বিলখো হন·নামিং বিয়া উরাংখো দাক্কে মান্দিরাংখো ব্রাংগিবা রামাচানা রা·আংনা হা·বাচেংজক। স্খাংগিবা মাৎবুরুং জেআন মিল্লামচা মাত্তাখো মান·নেবা থাংএ দংআমিং, গ্মিগিবা মাৎবুরুং মান্দিরাংনা আগানজক জেদাক্কে বিসং বিনি গি·সা বিমাংখো থারিয়া।

ফারাকগিবা খাৎথা 13:17

ইনি গিম্মিনো উয়া চিননা আগ্রে সাওবা মামিংখো ব্রিনা বা ফালনা মান·জাজক। উয়া চিন হং·জক উয়া মাৎবুরুংনি বিমুং বা উনি বিমুংনি নম্বল।

ফারাকগিবা খাৎথা 21:18

উয়া দেয়ালখো হীরাচা থারিয়ামিং আরো সংজিলমা চিরংআ কাচ গিত্তা সোনাচা থারিয়া।

ফারাকগিবা খাৎথা 4:6

উয়া সিংহাসননি মিকখাংও রং·চি গিত্তা গ্রিকগিবা গি·সা জানিরানি সাগাল দংআমিং। উয়া সিংহাসনরাংনি জাংচিও দংগিবা সিংহাসননি সামব্রিও সাকব্রি জাংগিগ্মাংগিবারাং দংআমিং। বিসংনি মিকখাংচা আরো খি·সাংচাবাকা মিক্রোন গাপ্পামিং।

ফারাকগিবা খাৎথা 5:8

খি·তাপখো রা·আনি জা·মানো উয়া সাকব্রি জাংগিগ্মাংগিবা আরো সাক খলগ্রিকব্রি মি·আফারাং মেষ বি·সানি মিকখাংও থুচিকপজক। বিসংনি দিমদাকনি জাক্কো গি·সা দাক্কে বীণা আরো গি·সা দাক্কে ধূপও গাপ্পা সোনানি দনচাক্রা দংআমিং। উয়া ধূপও গাপ্পা দনচাক্রারাং হং·জক ইসলনি মান্দিরাংনি বি·আ।