ফারাকগিবা খাৎথা 14:4 - Garo New Testament

⁴ ইরাং উয়া মান্দি, জেরাং মিচিকরাংমিং থিল·লেকে আন·থাংথাংখো মারাং নাংএতজা। জেচা মেষ বি·সা রি·য়াংআ বিসং বিখো জা·রিকে রি·য়াংআ। ইসল আরো মেষ বি·সানা স্খাংগিবা বিথি গিত্তা হন·না মান্দিরাংওনিখো বিসংখো ব্রিএ রা·আমিং।

ফারাকগিবা খাৎথা 14:4 Iomraidhean Croise

মথিনি চকগিবা নাম্মা খাৎথা 19:12

সাবা খাসী হং·এ আৎচিয়া, উনি গিম্মিন বিসং খিমজা। আরো মিত্তামখোদে মান্দিরাংআন খাসী দাক্কেতা, উনি গিম্মিন বিসং খিমজা। দা·আবা সাবা দংআ জেরাং সালগিনি সংনকনা সে-জিক খিমজানুয়া ইন্নে চানচিয়ে দন্না। ইয়া খাৎথাখো মানিয়ে রা·না মান·গিবা মানিয়ে রা·খানা।”

মথিনি চকগিবা নাম্মা খাৎথা 25:1

“উনসালো চাক্কিখো রা·এ চাওয়ারিনা নিচাকসোগিবা সাকচিখুং মি·থ্রা গিত্তা সালগিনি সংনক হং·নুয়া।

মথিনি চকগিবা নাম্মা খাৎথা 8:19

উনো শাস্ত্র স্খিগিবা সাকসা যীশুচা রি·বাএ আগানজক, ‘‘স্খিগিবা, না·আ জেওনা রি·য়াংনুয়া আংআবা নাং·মুং উয়োনা রি·ফানুয়া।’’

যোহননা 10:27

আংনি মেষরাং আংনি খু·রাংখো খিন্নাচাক্কা। আংআ উরাংখো হা·আইয়া আরো উরাং আংখো জা·রিকা।

যোহননা 12:26

সাবা আংনা দাকচাকে হ·ন্না হা·ম্মোদে বিয়া আংনি রামাও রি·খানা। আংআ জেও দংআ আংনা দাকচাকে হন·গিবাবা উয়োন দংনুয়া। সাবা আংনা দাকচাকে হ·ন্নোদে আপফা বিখো মান্দিরা·নুয়া।

যোহননা 13:37

পিতর বিনা আগানজক, “গিত্তেল, মুয়ানা দা·আও নাং·মুং রি·য়াংনা মান·জানুয়া? নাং·নি গিম্মিন আংআ জাংগিথাংখোবা হন·চাকনুয়া।”

যোহননা 8:12

জা·মানো যীশু দা·আবা মান্দিরাংনা আগানফিলজক, “আংআন হা·গিলসাকনি সেং·আ। আংনি রামাওনা রি·গিবাদে মামুং দাক্কেবা আন্দালাও রি·জানুয়া, ইন্দিবা জাংগিনি সেং·আখো মা·ন্নুয়া।”

ওয়াত্তেতারাংনা 20:28

না·সং আন·থাংথাংনি গিম্মিন সিমসাকে দংবো, আরো গিসিক রংথালগিবা বিবিরা·গিবা দলরাংখো নিরক্ষিনা জে কামখো না·সংনা হন·জক বিসংনি গিম্মিনবা সিমসাকে দংবো। রাক্ষুয়াল জেদাক্কে বিনি মেষরাংখো নিরক্ষিয়া উয়ানদাক্কে না·সংবা ফামং গিত্তা ইসলনি মন্ডলীখো নিরক্ষিবো। ইসল উয়া মন্ডলীখো হান·চিথাংচা ব্রিজক।

1ম করিন্থীয়রাংনা 16:15

জংআদারাং, না·সংদে হা·আইয়া, স্তিফাননি নকনি মান্দিরাংআন আখায়া হা·দকনি স্খাংগিবা বিবিরা·গিবা হং·আ। ইসলনি মান্দিরাংনা দাকচাকে হ·ন্না বিসং আন·থাংথাংখো ফাকওয়াতজক।

1ম করিন্থীয়রাংনা 6:20

বাং·আ দামচা না·সংখো ব্রিজক। উনি গিম্মিন ইসলনি রাসংনা না·সংনি বে·এনখো জাকখালবো।

1ম করিন্থীয়রাংনা 7:28

ইন্দিবা না·আ বিয়াওদে নাং·নি পাপ হং·জা। সাকসা মি·থ্রা মিচিক বিয়াওদে বিনিবা পাপ হং·জা। ইন্দিবা জেরাং বিয়ানুয়া বিসং ইয়া সংসালো দুকখো মা·ন্নুয়া, আরো আংআ ইরাংনিখো না·সংখো জক্কেৎনা হা·ম্মিংআ।

2য় করিন্থীয়রাংনা 11:2

না·সংনি গিম্মিন আংআ আংনি খা·থংও ইসলনি হন·গিবা গিসিক সা·দিকাও সা·দিকিংজক, মুয়ানা আংআ চাওয়ারি সাকসা মা·মাংমিং, আগানস্খাওদে খ্রীষ্টমুং না·সংনি বিয়ানি গিম্মিনো থিক দাক্কে দনসোজক, জেদাক্কে রংথালগিবা নামচিক গিত্তা বিচান না·সংখো হ·ন্না মা·ন্না।

ইফিষীয়রাংনা 1:14

জেরাং ইসলনি আন·থাংনি গাম হং·আ বিসংনা বিয়া মিংসা মান·রিকানি বিলখো র·ন্না খু·রাচাকজক। বিসংখো জেওনা দিপ্পাৎ চু·গিম্মিক দাক্কে জক্কেৎজানুয়া উয়োনা দিপ্পাৎ উয়া মান·রিকানি বিলনি স্খাংগিবা বাক গিত্তা গিসিক রংথালগিবাখো বিসংনা রন·জক। আরো ইরাংচান ইসলনি রাসংনি মিৎথেলা হং·নুয়া।

1 তীমথিয় 4:3

বিসং মান্দিখো বিয়াজাখানা গি·য়েতা আরো মিত্তাম চা·আরাংখো নিমখানা আগানা। ইন্দিবা বিবিরা·গিবারাং, জেরাং ইসলনি বিবিখো হা·আইজক, বিসং জেদাক্কে মিৎথেলে চা·আ উনি গিম্মিনান ইয়া চা·আরাংখো ইসল থারিজক।

ইব্রীয়রাংনা 12:23

দেজাক্রানি বিলখো মান·রিকগিবা মান্দি গিত্তা জেরাংনি বিমুং সালগিও চক্কা দংআ বিসংনি রিকগিবা মন্ডলীচা রি·বাজক; জেআন দিমদাক মান্দিরাংনি বিচাল দাকগিবা হং·আ উয়া ইসলচা রি·বাজক; জে মান্দিরাং চু·সকাখো মান·জক উয়া দোসগ্রি মান্দিরাংনি গিসিকচা রি·বাজক;

যাকোব 1:18

বিনি আন·থাংনি হা·সিকাচা বিবিনি খাৎথা গিত্তা বিয়া আনচিংখো বিনি দেদ্রাং থারিজক, জেদাক্কে আনচিং বিনি থারিগিবা বস্তুরাংনি গিসেপো স্খাং নাংগিবা বিথি গিত্তা হং·না মা·ন্না।

পিতর 2:9

ইন্দিবা না·সংদে “বাচ্ছিগিবা মা·চং হং·জক; না·সংখো রা·এ খামালরাংনি সংনকখো রিকজক; না·সং ইসলনা মিংএ দিংথাং দাকগিবা জাত হং·আ আরো বিনি আন·থাংনি মান্দি হং·জক;” জেদাক্কে আন্দালাওনি না·সংখো জেআন বিনি আইয়াও ইনমানগিবা সেং·আও রিংগামে রা·বাজক না·সং বিখোন রাসং দাকবো।

ফারাকগিবা খাৎথা 17:14

ইরাং মেষ-বি·সানি সাক্কাও দাকগ্রিকনুয়া আরো মেষ-বি·সা বিসংখো হাম্মেতজানুয়া, মুয়ানা বিয়া গিত্তেলরাংনি গিত্তেল আরো রাজারাংনি রাজা হং·আ। জেরাংখো রিক্কামজক আরো বাচ্চিয়ে রা·জক আরো জেরাং বিবিগিবা হং·আ বিসংআন বিমিং দংনুয়া।”

ফারাকগিবা খাৎথা 21:22

আংআ উয়া সংজিলমাও থরম নকখো নিকজাজক, মুয়ানা গিত্তেল ইসল আরো মেষ-বিসান উয়া সংজিলমানি থরম নক হংআমিং।

ফারাকগিবা খাৎথা 21:23

উযা সংজিলমাও থেংসুখাননা সাল বা জাজং নাংজা, মুয়ানা ইসলনি রাসংআন উনো সেংআখো হননা আরো মেষ বিসান উনি চাক্কি;

ফারাকগিবা খাৎথা 3:4

ইন্দিবা সার্দিও নাং·নি ইন্দাকগিবা মিত্তাম মান্দিরাং দংআ জেরাং বিসংনি বা·রা-চলা, আগানস্খাওদে রি·য়া-দোআরাংখো নামগিজা দাকজা। বিসং খ্রাগিবা মান্দি ইন্নেন গিব্বক বা·রাখো গান্নে আংমুং রি·নুয়া।

ফারাকগিবা খাৎথা 5:9

বিসং ইয়া গিত্তাল গীতখো রিং·আমিং: “না·আন উয়া খি·তাপখো রা·এ উনি সীলমোহররাংখো এংনা খ্রাগিবা, মুয়ানা নাং·খো স·ওতে গাল্লা হং·জকমিং। না·আন নাং·নি হান·চিচা গিম্মিক মা·চং, খু·সুক, হা·সং আরো জাতরাংওনি মান্দিরাংখো ইসলনা ব্রিজক।