ফারাকগিবা খাৎথা 14:2 - Garo New Testament

² জা·মানো আংআ সালগিওনি চি দাল·লা গিত্তা আরো রাক্কে মিকখা খিমপ্রেতা গিত্তা খিন্নাজক। জেখো খিন্নাআ উয়া বীণা বাজাইয়ানি গাম·মা গিত্তা দাক্কামিং।

ফারাকগিবা খাৎথা 14:2 Iomraidhean Croise

1ম করিন্থীয়রাংনা 13:1

আংআ মান্দিনি আরো সা·গ্রেরাংনি খু·সুকচা খাৎথা আগানোবা ইন্দিবা আংও খা·সা দংজাওদে আংআ রাক্কে গাম·গিবা ঘণ্টা বা চাপচেং গিত্তা হং·আরিজক।

ফারাকগিবা খাৎথা 1:10

গিত্তেলনি সালও আংআ মংসংএ গিসিক রংথালগিবানি নিং·আও দংআমিং। ইন্দাকমিত্তিংও আংনি খি·সাংচা সিংগানি গা·ম্মা গিত্তা সাকসানি গাম·বিয়া খু·রাংখো খিন্নাজক।

ফারাকগিবা খাৎথা 1:15

বিনি জা·চক ওয়া·আলো সো·এ চি·রংএতগিবা নাম্মেন চিং·ব্রাপা পিতল গিত্তা দাক্কা, আরো বিনি খু·রাং থারাকে চি বালজকানি গা·ম্মা গিত্তা দাক্কামিং।

ফারাকগিবা খাৎথা 11:12

জা·মানো উয়া সাকগ্মি সাক্ষি সালগিওনি রাক্কে ইয়া খাৎথাখো আগানাখো খিন্নাজক, “ইয়োনা চাখাতে রি·বাবো।” উনো বিসং বিসংনি বোবিলরাংনি মিক্রোনথাংওন খানসা গাদিলাও দাক্কে সালগিচানা গাদোয়াংজক।

ফারাকগিবা খাৎথা 11:15

জা·মানো স্নিগিবা সা·গ্রে বিনি সিংগাখো সিকজক। উনো সালগিচা রাক্কে রাক্কে আগানা হং·জক, “হা·গিলসাকনি সংনক দা·আও আনচিংনি গিত্তেল আরো বিনি খ্রীষ্টনি হং·জক।

ফারাকগিবা খাৎথা 15:2

জা·মানো আংআ ওয়া·আলমিং ব্রিনগিবা জানিরানি গি·সা সাগাল গিত্তা দাক্কাখো নিকজক, আরো জেরাং উয়া মাৎবুরুং আরো বিনি বিমাং আরো বিনি বিমুংনি নম্বলনি সাক্কাও হামজক বিসংখোবা নিকজক। ইসলনি হন·গিবা বীণাখো জাক্কো রা·এ বিসং উয়া জানিরানি সাগালনি রিক্কামচা চাদেংএ দংআমিং।

ফারাকগিবা খাৎথা 18:22

জেরাং বাংসি সিক্কা, গিত রিং·আ আরো বাংসি বা সিংগা সিক্কা বিসংনি গাম·মাখো আর মামিং সালোবা নাং·ও খিন্নাজানাজক/খিন্নাজানুয়া। মামিং সালোবা নাং·ও কাম রিম·গিবাখো মান·জানুয়া। জাতানি মামুং গাম·মাখো নাং·ও আর মামুং সালোবা খিন্নাজানাজক/খিন্নাজানুয়া।

ফারাকগিবা খাৎথা 5:8

খি·তাপখো রা·আনি জা·মানো উয়া সাকব্রি জাংগিগ্মাংগিবা আরো সাক খলগ্রিকব্রি মি·আফারাং মেষ বি·সানি মিকখাংও থুচিকপজক। বিসংনি দিমদাকনি জাক্কো গি·সা দাক্কে বীণা আরো গি·সা দাক্কে ধূপও গাপ্পা সোনানি দনচাক্রা দংআমিং। উয়া ধূপও গাপ্পা দনচাক্রারাং হং·জক ইসলনি মান্দিরাংনি বি·আ।

ফারাকগিবা খাৎথা 6:1

মেষ বি·সা জে সময়ও উয়া খানস্নি সীলমোহররাংনি স্খাংগিবাখো ফি·ইংআমিং উনো আংআ নিয়েতজক; আরো আংআ উয়া সাকব্রি জাংগিগ্মাংগিবারাংনি গিসেপো সাকসাখো মিকখা খিমফ্রেতা গিত্তা খু·রাংও আগানাখো খিন্নাজক, “রি·বাবো।” উনো আংআ মাংসা গিব্বক ঘোড়াখো নিকনা মান·জক।

ফারাকগিবা খাৎথা 8:7

স্খাংগিবা সা·গ্রে বিনি সিংগাখো সিক্কেতানি জা·মানো হান·চিগ্মাং স্থিল আরো ওয়া·আল হা·গিলসাকওনা গাল্লেতা হং·জক। উনি গিম্মিন বাক গিত্থামনি বাকসা হা·গিলসাক, বাক গিত্থামনি বাকসা বলবিফাং আরো দিমদাক জেংরাং খামজক।