ফারাকগিবা খাৎথা 14:12 - Garo New Testament

¹² জেরাং ইসলনি গি·য়েতাখো মানিয়া আরো যীশুও বিবিরা·গিবা হং·এ দংআ ইসলনি উয়া মান্দিরাংনি ইন্দাকা অবস্থাও চাকচিকা দংনা নাংআ।

ফারাকগিবা খাৎথা 14:12 Iomraidhean Croise

2 তীমথিয় 4:7

খ্রীষ্টনা চাক্কে আংআ সিমাংথাংমাং দাকগ্রিকজক, আংনা থিক দাকগিবা রামানি বন·চতাওনা দিপ্পাৎ খাতজক আরো খ্রীষ্টনি থরমনি বিবিরা·আখো রি·ম্মে রা·রিকজক।

1 যোহন 2:3

বিনি গিম্মিক গি·য়েতাখো আনচিং মানিয়ে রি·ওদে আনচিং ইখো খাকখেৎ দাক্কে হা·আইয়া, আনচিং বিখো হা·আইনা মান·জক।

ফারাকগিবা খাৎথা 12:17

উনো উয়া চিপ্পু মিচিকখো নাম্মেন খা·আওনাংজক; আরো উয়া মিচিকনি দংখুগিবা মান্দিরাং, আগানস্খাওদে জেরাং ইসলনি গি·য়েতাখো মানিয়া আরো যীশুনি স্খিয়াখো রি·ম্মে রা·রিকা বিসংনি সাক্কাও বিয়া দাকগ্রিকনা রি·য়াংজক আরো সাগালনি রিক্কামো চাদেংএ দংজক।

ফারাকগিবা খাৎথা 13:10

জেখো চিপচাংএ দন্নানি খাৎথা দংআ বিখো চিপচাংএ দন্নুয়া। জেখো মিল্লামচা স·ওতনা খাৎথা দংআ বিয়া স·ওতাখো মান·নুয়া। ইনি গিম্মিন ইসলনি মান্দিরাংনি চাকচিকা আরো বিবিরা·আ দংনা নাংনুয়া।

ফারাকগিবা খাৎথা 2:13

না·আ বাও সংদংইংআ উখো আংআ হা·আইয়া; উয়ো শয়তাননি সিংহাসন দংআ। ইন্দাকোবা না·আ আংনি গিম্মিনো বিবিগিবা হং·এ দংআ আরো আংনি সাক্কাও নাং·নি বিবিরা·আখো জিচাকজা। আরোবা, জেও শয়তান দংআ উয়ো জে সময়ও আংনি বিবিগিবা সাক্ষি আন্তিপাস্‌খো না·সংনি মিকখাংও স·ওতামিং উনোবা না·আ নাং·নি বিবিরা·খো জিচাকজাজক।

ফারাকগিবা খাৎথা 3:10

চাকচিকানি জে গি·য়েতাখো আংআ হ·ন্নামিং উখো না·আ মানিজক; উনি গিম্মিন ইয়া হা·গিলসাকনি সাক্কাও জে দুকনি সাল রি·বাংজক উয়া সালওনি আংআ নাং·খো রাক্ষিনুয়া। জেরাং ইয়া হা·গিলসাকনি বিসংখো রুরাএ নিনা ইয়া দুকনি সাল রি·বানুয়া।

ফারাকগিবা খাৎথা 3:8

বিয়া ইয়া খাৎথাখো আগানিংআ: আংআ নাং·নি কামনি খাৎথাখো হা·আইয়া। নিবো, আংআ নাং·নি মিকখাংও গি·সা দ·গাখো এংএ দনজক জেখো চিপচাংআনি বিল দারাংনিবা দংজা। আংআ হা·আইয়া নাং·নি বিল বাং·জা, ইন্দিবা না·আ আংনি খাৎথাখো মানিজক আরো আংখো জিচাকজাজক।