ফারাকগিবা খাৎথা 13:8 - Garo New Testament

⁸ জেরাং ইয়া হা·গিলসাকনি, আগানস্খাওদে জেরাংনি বিমিং মেষ বি·সানি জাংগিনি খি·তাপও লিক্ষিয়া দংজা বিসং গিম্মিকান উয়া মাৎবুরুংখো ইসল চাচা মান্দিরা·এ সেলাম দাকনুয়া। ইয়া মেষ বি·সাখো হা·গিলসাক হং·না স্খাংআন স·ওতে গালনা থিক দাক্কামিং।

ফারাকগিবা খাৎথা 13:8 Iomraidhean Croise

মথিনি চকগিবা নাম্মা খাৎথা 25:34

“উনি জা·মানো রাজা আন·থাংনি জাক্রাচা দংগিবা মান্দিরাংনা আগান্নুয়া, ‘না·সং জেরাং আংনি ফানি ফাত্তিয়াখো মান·জক, রি·বাবো। হা·গিলসাক হা·বাচেংওনি না·সংনা দাকসোগিবা সংনকখো মান·রিকবো।

লূকনি চকগিবা নাম্মা খাৎথা 10:20

ইন্দিবা গিসিক নামগিজাগিবারাং না·সংনি খাৎথাখো খিন্নাচাক্কা ইন্নে দা·আ খুসি হং·আবো ইন্দিবা সালগিও না·সংনি বিমুংখো চক্কানি গিম্মিনসা খুসি হং·বো।”

যোহননা 1:29

উনি সাল সাও যোহন যীশুখো আন·থাংচানা রি·বাখো নিক্কে আগানজক, “হাইওয়া নিবো ইসলনি মেষ বি·সা, জেআন মান্দিনি গিম্মিক পাপখো হা·রিকা।

ইফিষীয়রাংনা 1:4

জেদাক্কে আনচিং ইসলনি মিক্রোনও রংথালগিবা আরো খাকখেৎগিবা হং·না মা·ন্না উনি গিম্মিন হা·গিলসাক হং·না স্খাংআন ইসল খ্রীষ্টও আনচিংখো বাচ্ছিয়ে রা·জক। বিনি খা·সানি গিম্মিন বিয়া খুসি হং·এ আন·থাংনি হা·সিকাও স্খাংআন ইন্দাকে থিক দাক্কামিং, যীশু খ্রীষ্টও বিনি বি·সা গিত্তা বিয়া আনচিংখো রা·চাকনুয়া।

ফিলিপীয়রাংনা 4:3

আরো আংমুং চং·মত কাম রিম·ফাগিবা, আংআ নাং·খোবা মল·মলিংআ- না·আ ইয়া মিচিকরাংনা দাকচাকবো। বিসং খ্রীষ্টনি গিম্মিন নাম্মা খাৎথানা আংমুং আরো ক্লীমেন্ত আরো আংনি গিপ্পিন কাম রিম·ফাগিবারাংমুং দুকখো চাক্কামিং। জাংগিনি-খি·তাপও বিসংনি বিমুং চক্কা দংআ।

তীতনা 1:2

ফাংনাজলনি জাংগিখো মা·ন্না খা·দংএ আংআ খ্রীষ্টনা দাকচাকে রি·য়াংইংজক। হা·গিলসাক হং·না স্খাংআন ইসল, জেআন বু·আখো আগানজা, বিয়া ইয়া জাংগিখো র·ন্না খু·রাচাক্কামিং।

ফারাকগিবা খাৎথা 12:15

উনো উয়া দাল·বিয়া চিপ্পু স্খাল উয়া মিচিকনি জা·মানচা দংএ বিখো চিও সাল্লে রা·আংনা ইন্নে বিনি খু·সুকওনি চি রং·খাতে গি·সা চিবিমা থারিজক,

ফারাকগিবা খাৎথা 13:12

ইয়া মাৎবুরুং স্খাংগিবা মাৎবুরুংনি হং·এ বিনি গিম্মিক বিলখো জাকখালনা হা·বাচেংজক; আরো জেরাং ইয়া হা·গিলসাকনি হং·আ বিসংখো বিয়া উয়া স্খাংগিবা মাৎবুরুংখো, আগানস্খাওদে জেনি বিল্লংএ মাতগিবা নামজকমিং বিখো ইসল ইন্নে সেলামেতজক।

ফারাকগিবা খাৎথা 17:8

জে মাৎবুরুংখো না·আ নিক্কামিং উয়া চেংও দংআমিং ইন্দিবা দা·আও দংজা। জা·মানো বিয়া উয়া থিং·নাপগিবা হা·খলওনি চাখাতে রি·বাএ জ্রিংজ্রৎনা দিপ্পাৎ শাসিখো মান·নুয়া। উনো জেরাং ইয়া হা·গিলসাকনি হং·আ, আগানস্খাওদে হা·গিলসাক হং·চেংআনি সালওনি জেরাংনি বিমিং জাংগিনি খি·তাপও লিক্ষিয়া দংজা বিসং উয়া মাৎবুরুংখো নিক্কে আইয়াও ইনমান্নুয়া; মুয়ানা উয়া মাৎবুরুং স্খাংও দংআমিং, ইন্দিবা দা·আও দংজা, ইন্দাকোবা দা·আবা নিকনুয়া।

ফারাকগিবা খাৎথা 21:27

মারাং নাংআ বা নামজাস্রাং দাক্কা বা বু·এ আগানা ইন্দাকগিবা মান্দি উনো মামিংসালোবা নাপনা মানজানুয়া; জেরাংনি বিমিং মেষবিসানিন জাংগিনি খিতাপও লিক্ষিয়া দংআ বিসংআন উনো নাপনা মান·না।

ফারাকগিবা খাৎথা 3:10

চাকচিকানি জে গি·য়েতাখো আংআ হ·ন্নামিং উখো না·আ মানিজক; উনি গিম্মিন ইয়া হা·গিলসাকনি সাক্কাও জে দুকনি সাল রি·বাংজক উয়া সালওনি আংআ নাং·খো রাক্ষিনুয়া। জেরাং ইয়া হা·গিলসাকনি বিসংখো রুরাএ নিনা ইয়া দুকনি সাল রি·বানুয়া।

ফারাকগিবা খাৎথা 3:20

নিবো, আংআ দ·গাচিল কেচ্চিও চাদেংএ দকথিকিংআ। সাবা আংনি খু·রাংখো খিন্নাএ দ·গা এংএ হ·ন্নোদে আংআ নিং·আচা বিচা রি·য়াংনুয়া আরো বিমুং চা·নুয়া-রিংনুয়া, আরো বিয়াবা আংমুং চা·নুয়া-রিংনুয়া।

ফারাকগিবা খাৎথা 3:5

জেআন হামনুয়া বিয়া ইন্দাকা গিব্বক বা·রাখো গান্নুয়া। জাংগিনি-খি·তাপওনি বিনি বিমুংখো আংআ মামুং সালোবা রিপ্পাকে গালজানুয়া, বাত্তেসা আংনি ফাগিবানি আরো বিনি সা·গ্রেরাংনি মিকখাংও আংআ বিখো খু·রাচাকনুয়া।

ফারাকগিবা খাৎথা 5:12

বিসং রাক্কে রাক্কে ইয়া খাৎথাখো আগানিংআমিং: “জে মেষ বি·সাখো স·ওতে গাল্লা হং·জকমিং, বিয়ান বিলখো, গামখো, হা·আইয়াখো, বিল্লাকাখো, মান্দিরা·আখো, রাসংখো আরো মিৎথেলাখো মা·ন্না খ্রাগিবা।”

ফারাকগিবা খাৎথা 5:13

জা·মানো সালগিও, হা·গিলসাকো, হা·নিংআও আরো সাগালও জাংগিগ্মাংগিবা জেরাং দংআ, আরোবা, উরাংনি গিসেপো আরো জেরাং দংআ দিমদাকখো আংআ ইয়া খাৎথাখো আগানাখো খিন্নাজক: “সিংহাসননি সাক্কাও জেআন আসংএ দংআ বিনি আরো উয়া মেষ বি·সানি মিৎথেলা, মান্দিরা·আ, রাসং আরো বিল ফাংনাজলনা দংখানা।”

ফারাকগিবা খাৎথা 6:1

মেষ বি·সা জে সময়ও উয়া খানস্নি সীলমোহররাংনি স্খাংগিবাখো ফি·ইংআমিং উনো আংআ নিয়েতজক; আরো আংআ উয়া সাকব্রি জাংগিগ্মাংগিবারাংনি গিসেপো সাকসাখো মিকখা খিমফ্রেতা গিত্তা খু·রাংও আগানাখো খিন্নাজক, “রি·বাবো।” উনো আংআ মাংসা গিব্বক ঘোড়াখো নিকনা মান·জক।