ফারাকগিবা খাৎথা 13:6 - Garo New Testament

⁶ উনো উয়া মাৎবুরুং ইসলনি সাক্কাও, বিনি বিমিংনি আরো বিনি দংরামানি সাক্কাও আরো সালগিও জেরাং দংআ বিসংনি সাক্কাও নাম্মেন চন্নিকানি খাৎথাখো আগান্না হা·বাচেংজক।

ফারাকগিবা খাৎথা 13:6 Iomraidhean Croise

মথিনি চকগিবা নাম্মা খাৎথা 12:34

চিপ্পুনি দেদ্রাং! আন·থাংসং নামগিজা হং·এ বাদিকে না·সং নাম্মাখো আগান্না মা·ন্না? মান্দিনি খা·থং জেগিত্তা হং·আ খু·সুকদে উখোন আগানা।

মথিনি চকগিবা নাম্মা খাৎথা 15:19

খা·থংওনিন নামগিজা চানচিয়ারাং, মান্দি স·ওতারাং, থি·ল্লেকারাং, চা·উয়ারাং, বু·এ সাক্ষি হ·ন্নারাং আরো খাল·স্থাপারাং হং·খাতা।

যোহননা 1:14

উয়া খাৎথান মান্দি ফি·ল্লে আৎচিজক আরো আনচিংনি গিসেপো দংফাজক। ফাগিবা ইসলনি সাকসা খাম·খাম দেফান্থি গিত্তা বিনি রাসংখো আনচিং নিকজক। বিয়া খা·সাচাক্কাও আরো বিবিও গাপগিবা হং·আ।

রোমানরাংনা 3:13

বিসংনি খু·সুক বাংবাং দাকগিবা গোপরাম গিত্তা দাক্কা, স্রিবাকচা বিসং রাসং দাকব্রুএ আগানা। বিসংনি খু·চিলনি নিং·আও চিপ্পুনি বিসি দংআ।

কলসীয়রাংনা 1:19

ইসল হা·ম্মামিং জেদাক্কে বিনি গিম্মিক চু·সকা খ্রীষ্টওন দংআ।

কলসীয়রাংনা 2:9

ইসলনি গিম্মিক চু·সকা খ্রীষ্টও বে·এন বিমাংখো রা·এ দংখামিংজক, আরো খ্রীষ্টমুং নাংরিমে না·সংবা উয়া চু·সকাখো মান·জক।

ইব্রীয়রাংনা 9:2

আরো উগিত্তা দাক্কে গি·সা তাম্বুখো রিক্কামিং। উয়া তাম্বুনি স্খাংগিবা বাকও গাসা, টেবিল আরো চিন·গিবা রুটি দংনুয়ামিং। ইয়া স্খাংগিবা বাকখো মিংআমিং রংথালগিবা হা·দাম।

ইব্রীয়রাংনা 9:24

আদত রংথালগিবা হা·দাম গিত্তা দাক্কা মান্দিনি থারিয়া রংথালা হা·দামও খ্রীষ্ট নাপজা, বাত্তেসা উনা বাত্তে বিয়া সালগিও নাপজক জেদাক্কে বিয়া আনচিংনা হং·এ ইসলনি মিকখাংও দা·আও দংনা মা·ন্না।

ফারাকগিবা খাৎথা 11:12

জা·মানো উয়া সাকগ্মি সাক্ষি সালগিওনি রাক্কে ইয়া খাৎথাখো আগানাখো খিন্নাজক, “ইয়োনা চাখাতে রি·বাবো।” উনো বিসং বিসংনি বোবিলরাংনি মিক্রোনথাংওন খানসা গাদিলাও দাক্কে সালগিচানা গাদোয়াংজক।

ফারাকগিবা খাৎথা 12:12

“উনি গিম্মিন ও সালগি, হান·সেংবো; না·সং জেরাং উনো দংআ, হান·সেংবো। ইন্দিবা হা·গিলসাক আরো সাগাল, হং·সিখানা না·সংনা! মুয়ানা শয়তান না·সংনি সাক্কাও হং·খাতে রি·বাজক। শয়তান খা·আওনাংজক, মুয়ানা বিয়া হা·আইয়া বিনি সময় বাং·এ দংজাজক।”

ফারাকগিবা খাৎথা 15:5

উনি জা·মানো আংআ নিকজক, সালগিও উয়া থরম নকখো, আগানস্খাওদে সাক্ষি তাম্বুখো এংআ হং·জক।

ফারাকগিবা খাৎথা 18:20

উনো উয়া সা·গ্রে আগানজক, “ও সালগি, উয়া সংজিলমানি বন·নানা হান·সেংবো। ইসলনি মান্দিরাং, ওয়াত্তেতারাং আরো আগানসোগিবারাং হান·সেংবো। না·সংনি সাক্কাও বিয়া জেখো দাক্কামিং উনি গিম্মিন ইসল বিনি বিচালখো দাকজক।”

ফারাকগিবা খাৎথা 21:3

জা·মানো আংআ সাকসাখো উয়া সিংহাসনওনি রাক্কে ইয়া খাৎথাখো আগানাখো খিন্নাজক, “দা·আও মান্দিও ইসলনি দংআনি হা·দাম হং·জক। বিয়া মান্দিমিংআন দংনুয়া আরো বিসং বিনিন মান্দি হং·নুয়া। বিয়া আন·থাংআন মান্দিমিং দংনুয়া আরো বিসংনিন ইসল হং·নুয়া।

ফারাকগিবা খাৎথা 4:1

উনি জা·মানো আংআ সালগিনি দ·গা গি·সা এংআখো নিকনা মান·জক। সিংগা গা·ম্মা গিত্তা জেনি গিত্তকনি খু·রাংখো আংআ স্খাংও খিন্নামিং বিয়া আংনা আগানজক, “না·আ চাখাতে ইয়োনা রি·বাবো। ইরাংনি জা·মানো জেরাং হং·না হাম·বিবিংজক উখো আংআ নাং·না ফিন্নিকনুয়া।”

ফারাকগিবা খাৎথা 4:4

উয়া সিংহাসননি সামব্রিও আরোবা খলগ্রিকব্রি সিংহাসন দংআমিং, আরো উয়া সিংহাসনরাংও সাক খলগ্রিকব্রি মি·আফারাং আসংএ দংআমিং। বিসংনি চলা গিব্বকামিং আরো বিসংনি স্খুও সোনানি মুকুট দংআমিং।

ফারাকগিবা খাৎথা 5:13

জা·মানো সালগিও, হা·গিলসাকো, হা·নিংআও আরো সাগালও জাংগিগ্মাংগিবা জেরাং দংআ, আরোবা, উরাংনি গিসেপো আরো জেরাং দংআ দিমদাকখো আংআ ইয়া খাৎথাখো আগানাখো খিন্নাজক: “সিংহাসননি সাক্কাও জেআন আসংএ দংআ বিনি আরো উয়া মেষ বি·সানি মিৎথেলা, মান্দিরা·আ, রাসং আরো বিল ফাংনাজলনা দংখানা।”

ফারাকগিবা খাৎথা 7:15

উনি গিম্মিন ইরাং ইসলনি সিংহাসননি মিকখাংও দংআ আরো সালগিনি থরম নক্কো ইরাং সাল-ওয়াল বিনা দাকচাকে হ·ন্নিংআ। জেআন সিংহাসনও আসংএ দংআ বিয়ান ইরাংনি সাক্কাও বিনি তাম্বুখো রিকনুয়া।

ফারাকগিবা খাৎথা 7:9

উনি জা·মানো আংআ গিম্মিক জাত, মা·চং, হা·সং আরো খু·সুকওনি ইন্দাকফিল্লে মান্দি জিলমাখো নিকজক, দারাংবা বিসংখো চান্না মান·জাজক। গিব্বক চলাখো চিন্নে বিসং উয়া সিংহাসন আরো মেষ বি·সানি মিকখাংও খেজুর বিজাকখো জাক্কো রা·এ চাদেংএ দংআমিং।