ফারাকগিবা খাৎথা 13:4 - Garo New Testament

⁴ চিপ্পু উয়া মাৎবুরুংনা বিলখো হন·নামিং ইন্নে মান্দিরাং উয়া চিপ্পুখো ইসল চাচা মান্দিরা·এ সেলামজক, আরো মাৎবুরুংখোবা উয়ানদাক্কে সেলামে আগানজক, “ইয়া মাৎবুরুং গিত্তা হং·আ সা দংআ? আরো সাবা বিমিং দাকগ্রিকনা মান·না?”

ফারাকগিবা খাৎথা 13:4 Iomraidhean Croise

2য় করিন্থীয়রাংনা 4:4

বিবিরা·গিজাগিবা মান্দিরাংনি গিসিকখো ইয়া চাসংনি মিত্তে মিকগ্রি দাক্কে দনজক জেদাক্কে বিসং নাম্মা খাৎথানি সেং·আখো নিকনা মান·জা। ইয়া নাম্মা খাৎথাও খ্রীষ্টনি রাসং ফারাকজক, আরো ইয়া খ্রীষ্টন ইসল চাচা দাক্কা।

2 থিষলনীকীয়রাংনা 2:4

ইসল ইন্নে জেরাং দংআ উরাংনি সাক্কাও আরো অলাখিনা দংগিবা গিম্মিকনি সাক্কাও চাদেংএ বিয়া আন·থাংখো দা·ল্লে ফিন্নিকনুয়া; আরোবা, ইসলখো অলাখিগিবা নক্কো আসংএ বিয়া আন·থাংখো ইসল ইন্নে দাবি দাকনুয়া।

ফারাকগিবা খাৎথা 12:3

জা·মানো সালগিও দা·আও মিংসা চিনখো নিকনা মান·জক- ওয়া·আল গিত্তা গিচ্চাকা মাংসা দাল·বিয়া চিপ্পু স্খাল। উনি দৎস্নি স্খু আরো চিখুং গ্রং, আরো স্খুরাংও গি·স্নি মুকুট দংআমিং।

ফারাকগিবা খাৎথা 12:4

বিনি খি·মিচা বিয়া সিলগানি বাক গিত্থামওনি বাকসা আস্কিখো সাল্লে রা·বাএ হা·গিলসাকচানা গোএতজক। জে মিচিকনি বি·সা হং·না হা·ম্মিংআমিং উয়া দাল·বিয়া চিপ্পু স্খাল বিনি মিকখাংও চাদেংআমিং জেদাক্কে বি·সা আৎচিয়ানি জা·মানোন বিয়া মিন্নকে গালনা মা·ন্না।

ফারাকগিবা খাৎথা 13:11

উনি জা·মানো আংআ হা·আওনি দা·আও মাংসা মাৎবুরুংখো হং·খাতে রি·বাখো নিকজক। মেষ গিত্তা উনি গ্রং গি·গ্মি দংআমিং, ইন্দিবা উয়া চিপ্পু গিত্তা বিয়া খাৎথা আগান্নুয়ামিং।

ফারাকগিবা খাৎথা 13:15

উয়া বিমাংনা জাংগি হন·নানি বিলবা বিনা হন·জক, জেদাক্কে উয়া বিমাং খু·সুক আগান্না মান·না আরো জেরাং উয়া বিমাংখো ইসল চাচা মান্দিরা·এ সেলাম দাকজানুয়া বিসংখো দক্কে গালনা মান·না।

ফারাকগিবা খাৎথা 13:2

উয়া মাৎবুরুং নিনা মাৎচা গিত্তা দাক্কামিং, আরো উনি জা·চকরাং মাকবিলনি জা·চক গিত্তা দাক্কামিং আরো মিকখাং সিংহনি মিকখাং গিত্তা দাক্কামিং। উয়া চিপ্পু বিনি বিলখো, সিংহাসনখো আরো দাল·বাতা বিলখো উয়া মাৎবুরুংনা হন·জক।

ফারাকগিবা খাৎথা 17:14

ইরাং মেষ-বি·সানি সাক্কাও দাকগ্রিকনুয়া আরো মেষ-বি·সা বিসংখো হাম্মেতজানুয়া, মুয়ানা বিয়া গিত্তেলরাংনি গিত্তেল আরো রাজারাংনি রাজা হং·আ। জেরাংখো রিক্কামজক আরো বাচ্চিয়ে রা·জক আরো জেরাং বিবিগিবা হং·আ বিসংআন বিমিং দংনুয়া।”

ফারাকগিবা খাৎথা 18:18

বিখো সো·মিত্তিংও ওয়াল·খু নিক্কে বিসং চ্রিকে আগান্নুয়া, “আর বাগিবা সংজিলমা ইয়া সংজিলমা গিত্তা দাক্কা?”

ফারাকগিবা খাৎথা 9:20

ইন্দিবা ইন্দাকা শাস্তিরাংনি জা·মানোবা জে মান্দিরাং থাংএ দংজক বিসং আন·থাংথাংনি জাকচা থারিগিবা মিত্তে বিমাংওনি গিসিক ফিল·জাজক। বিসং গিসিক নামগিজাগিবারাংখো আরো জেরাং নিকনা, খিন্নানা বা রামা রি·না মান·জা ইন্দাকগিবা সোনা, রূপা, পিতল, রং·থি আরো বলচা থারিগিবা মিত্তে বিমাংখো হামুয়ারিন দংজক।