ফারাকগিবা খাৎথা 13:3 - Garo New Testament

³ মাৎবুরুংনি গি·সা স্খুও ইন্দাকা মাত্তা দংআমিং জেনি হা·সেলো বিয়া সিনা গিত্তা দাকজকমিং, ইন্দিবা উয়া মাত্তা নামজকমিং। উনি গিম্মিনো হা·গিলসাকনি গিম্মিক মান্দিরাং আইয়াও ইনমানে উয়া মাৎবুরুংখো জা·রিকজক।

ফারাকগিবা খাৎথা 13:3 Iomraidhean Croise

লূকনি চকগিবা নাম্মা খাৎথা 2:1

উয়া সময়ও সম্রাট আগস্ত কৈসর আন·থাংনি সং-নকনি দিমদাক মান্দিরাংখো বিমুং চকনা গি·য়েৎজক।

যোহননা 12:19

ইখো নিক্কে ফরীশীরাং সাকসা সাকগিপ্পিননা আগানজক, “আনচিং মামুং দাক্কেবা মান·জাজক। নিবো, হা·গিলসাক গিম্মিক বিনি দলচা রি·য়াংজক।”

ওয়াত্তেতারাংনা 8:13

উয়া শিমোনবা বিবিরা·এ রিপ্পলজক, আরো বিয়া ফিলিপখো জা·রিকে হা·দাম গিম্মিকচা রি·য়াংজক আরো চিননি কাম আরো দাল·দালবাতা আইয়াও ইনমানানি কামরাংখো নিক্কে আইয়াও ইনমানজক।

ফারাকগিবা খাৎথা 13:12

ইয়া মাৎবুরুং স্খাংগিবা মাৎবুরুংনি হং·এ বিনি গিম্মিক বিলখো জাকখালনা হা·বাচেংজক; আরো জেরাং ইয়া হা·গিলসাকনি হং·আ বিসংখো বিয়া উয়া স্খাংগিবা মাৎবুরুংখো, আগানস্খাওদে জেনি বিল্লংএ মাতগিবা নামজকমিং বিখো ইসল ইন্নে সেলামেতজক।

ফারাকগিবা খাৎথা 13:14

উয়া স্খাংগিবা মাৎবুরুংনি হং·এ জে আইয়াও ইনমানগিবা কামরাংখো দাকনা বিনা বিলখো হন·নামিং বিয়া উরাংখো দাক্কে মান্দিরাংখো ব্রাংগিবা রামাচানা রা·আংনা হা·বাচেংজক। স্খাংগিবা মাৎবুরুং জেআন মিল্লামচা মাত্তাখো মান·নেবা থাংএ দংআমিং, গ্মিগিবা মাৎবুরুং মান্দিরাংনা আগানজক জেদাক্কে বিসং বিনি গি·সা বিমাংখো থারিয়া।

ফারাকগিবা খাৎথা 17:10

উয়া রাজারাংওনি সাকবংআ স্খাংআন বন·জক, সাকসা দা·আওবা দংখুংআ আরো সাকগিপ্পিনদে দা·আওবা রি·বাখুজা। উয়া রাজা রি·বানি জা·মানো বিখো মিত্তাম সময়না দংনান নাংনুয়া।

ফারাকগিবা খাৎথা 17:11

জে মাৎবুরুং স্খাংও দংআমিং ইন্দিবা দা·আওদে দংজা বিয়া উয়া দৎস্নিওনি সাকসা হং·ওবা বিয়া চেৎগিবা রাজা; বিয়া জ্রিংজ্রৎনা দিপ্পাৎ শাসিখো মান·নুয়া।

ফারাকগিবা খাৎথা 17:13

ইয়া রাজারাংনি মিকসংআ আপসান হং·আ, আরো বিসং গিম্মিকান বিসংনি বিলখো আরো মান·রিকানি বিলখো উয়া মাৎবুরুংনা হন·নুয়া।

ফারাকগিবা খাৎথা 17:17

মুয়ানা ইসল বিসংনি খা·থংও ইন্দাকগিবা হা·সিকাখো হন·জক জেদাক্কে বিনি খাৎথা চু·সকা। উনি হা·সেলও বিসং গিসিকচা আপসান হং·এ উয়া মাৎবুরুংচা বিসংনি গিম্মিক বিলখো হন·চাকনুয়া, জেদাক্কে ইসলনি খাৎথা চু·সকগিজা দিপ্পাৎ বিয়া শাসন দাকনা মান·না।

ফারাকগিবা খাৎথা 17:6

আংআ নিকজক, উয়া মিচিক ইসলনি মান্দিরাংনি হান·চিখো আরো জেরাং যীশুনি গিম্মিনো সাক্ষি হন·জক বিসংনি হান·চিখো রিংএ চুফেকগিবা হং·এ দংআ।

ফারাকগিবা খাৎথা 17:8

জে মাৎবুরুংখো না·আ নিক্কামিং উয়া চেংও দংআমিং ইন্দিবা দা·আও দংজা। জা·মানো বিয়া উয়া থিং·নাপগিবা হা·খলওনি চাখাতে রি·বাএ জ্রিংজ্রৎনা দিপ্পাৎ শাসিখো মান·নুয়া। উনো জেরাং ইয়া হা·গিলসাকনি হং·আ, আগানস্খাওদে হা·গিলসাক হং·চেংআনি সালওনি জেরাংনি বিমিং জাংগিনি খি·তাপও লিক্ষিয়া দংজা বিসং উয়া মাৎবুরুংখো নিক্কে আইয়াও ইনমান্নুয়া; মুয়ানা উয়া মাৎবুরুং স্খাংও দংআমিং, ইন্দিবা দা·আও দংজা, ইন্দাকোবা দা·আবা নিকনুয়া।