ফারাকগিবা খাৎথা 13:2 - Garo New Testament

² উয়া মাৎবুরুং নিনা মাৎচা গিত্তা দাক্কামিং, আরো উনি জা·চকরাং মাকবিলনি জা·চক গিত্তা দাক্কামিং আরো মিকখাং সিংহনি মিকখাং গিত্তা দাক্কামিং। উয়া চিপ্পু বিনি বিলখো, সিংহাসনখো আরো দাল·বাতা বিলখো উয়া মাৎবুরুংনা হন·জক।

ফারাকগিবা খাৎথা 13:2 Iomraidhean Croise

2 তীমথিয় 4:17

ইন্দিবা গিত্তেল আংমুং দংআমিং আরো আংনা বিলখো হ·ন্নামিং। উনি গিম্মিন আংআ চু·গিম্মিক দাক্কে নাম্মা খাৎথাখো আগানফ্রাকনা মা·ন্নামিং আরো গিপ্পিন জাতরাং গিম্মিকান উখো খিন্নামিং। ইসল আংখো সিংহনি খু·সুকওনিখো জক্কেতামিং।

পিতর 5:8

আন·থাংথাংখো বাম্মেতে দনবো আরো সিমসাকে দংবো, মুয়ানা না·সংনি বোবিল শয়তান গাম·গিবা সিংহ গিত্তা দাক্কে সাখো চা·এ গালনুয়া উখো সান্দিয়ে রমিংজক।

ফারাকগিবা খাৎথা 12:13

উয়া দাল·বিয়া চিপ্পু স্খাল জে সময়ও নিকজক, বিখো হা·গিলসাকচানা গাল্লেতজক উনো জে মিচিকনি বি·সা হং·আমিং উয়া চিপ্পু স্খাল বিমুং বোবিল দাকনা হা·বাচেংজক।

ফারাকগিবা খাৎথা 12:15

উনো উয়া দাল·বিয়া চিপ্পু স্খাল উয়া মিচিকনি জা·মানচা দংএ বিখো চিও সাল্লে রা·আংনা ইন্নে বিনি খু·সুকওনি চি রং·খাতে গি·সা চিবিমা থারিজক,

ফারাকগিবা খাৎথা 12:9

উনো উয়া দাল·বিয়া চিপ্পু স্খাল আরো বিমুং বিনি সা·গ্রেরাংখো হা·গিলসাকোনা গাল্লেতজক। ইয়া দাল·বিয়া চিপ্পু স্খাল হং·জক উয়া গিৎচাম চিপ্পু জেখো দিয়াবল বা শয়তান মিংআ। বিয়া হা·গিলসাকনি গিম্মিক মান্দিরাংখো ব্রাংগিবা রামাচা রা·আংআ।

ফারাকগিবা খাৎথা 13:12

ইয়া মাৎবুরুং স্খাংগিবা মাৎবুরুংনি হং·এ বিনি গিম্মিক বিলখো জাকখালনা হা·বাচেংজক; আরো জেরাং ইয়া হা·গিলসাকনি হং·আ বিসংখো বিয়া উয়া স্খাংগিবা মাৎবুরুংখো, আগানস্খাওদে জেনি বিল্লংএ মাতগিবা নামজকমিং বিখো ইসল ইন্নে সেলামেতজক।

ফারাকগিবা খাৎথা 13:4

চিপ্পু উয়া মাৎবুরুংনা বিলখো হন·নামিং ইন্নে মান্দিরাং উয়া চিপ্পুখো ইসল চাচা মান্দিরা·এ সেলামজক, আরো মাৎবুরুংখোবা উয়ানদাক্কে সেলামে আগানজক, “ইয়া মাৎবুরুং গিত্তা হং·আ সা দংআ? আরো সাবা বিমিং দাকগ্রিকনা মান·না?”

ফারাকগিবা খাৎথা 16:10

জা·মানো বংআগিবা সা·গ্রে উয়া মাৎবুরুংনি সিংহাসননি সাক্কাও বিনি দনচাক্রাখো ফাক্কেতজক। উনি গিম্মিন উয়া মাৎবুরুংনি সংনক আন্দালজক। সা·দিকানা মান্দিরাং বিসংনি স্রিবাকখো চিকনা হা·বাচেংজক আরো বিসংনি ইয়া সা·দিকা আরো ফোড়ানা বিসং সালগিনি ইসলখো চন্নিকনা হা·বাচেংজক, ইন্দিবা বিসং বিসংনি নামগিজা কামওনি গিসিক ফিল·লেতজাজক।

ফারাকগিবা খাৎথা 17:12

“জে গং·চিকখুং গ্রংখো না·আ নিকজক উরাং সাকচিকখুং রাজা হং·আ। বিসং দা·আওবা শাসন দাকচেংখুজা, ইন্দিবা বিসং উয়া মাৎবুরুংনা স্খাং মিত্তাম সময়না রাজা হং·এ শাসন দাক্কানি বিলখো মান·নুয়া।

ফারাকগিবা খাৎথা 19:20

উয়া মাৎবুরুংখো রিম·জক আরো জে দাকমিকগিবা আগানসোগিবা বিনি হং·এ আইয়াও ইনমানগিবা কামখো দাকনুয়ামিং বিখোবা রিম·জক। জেরাং উয়া মাৎবুরুংনি চিনখো রা·আমিং আরো বিনি বিমাংখো অলাখিয়ামিং উয়া দাকমিকগিবা আগানসোগিবা উয়া আইয়াও ইনমানানি কামরাংচা বিসংখো ব্রাংএতে দন্নামিং। চিং·গিবা গন্ধকনি ওয়া·আলনি চিও থাংআ অবস্থাও ইয়া সাকগ্মিখো গাল্লেতজক।

ফারাকগিবা খাৎথা 2:13

না·আ বাও সংদংইংআ উখো আংআ হা·আইয়া; উয়ো শয়তাননি সিংহাসন দংআ। ইন্দাকোবা না·আ আংনি গিম্মিনো বিবিগিবা হং·এ দংআ আরো আংনি সাক্কাও নাং·নি বিবিরা·আখো জিচাকজা। আরোবা, জেও শয়তান দংআ উয়ো জে সময়ও আংনি বিবিগিবা সাক্ষি আন্তিপাস্‌খো না·সংনি মিকখাংও স·ওতামিং উনোবা না·আ নাং·নি বিবিরা·খো জিচাকজাজক।

ফারাকগিবা খাৎথা 20:2

বিয়া উয়া চিপ্পুখো, আগানস্খাওদে উয়া গিৎচাম চিপ্পু জেখো দিয়াবল বা শয়তান মিংআ বিখো রিম·মে বিলসি হাজালসানা খাজক আরো উয়া থিং·নাপগিবা হা·খলচা গাল্লেতজক। জা·মানো বিয়া উয়ো তালা হন·নে উনি সাক্কাও মোহর সু·জক, জেদাক্কে ইয়া বিলসি হাজালসা বন·জা দিপ্পাৎ ইয়া হা·গিলসাকনি জাতরাংখো আর ব্রাংআনি রামাচানা রা·আংনা মান·জা; উনি জা·মানো বিখো বাং·গিজা সালনা ওয়াত্তেতনুয়া।