ফারাকগিবা খাৎথা 13:14 - Garo New Testament

¹⁴ উয়া স্খাংগিবা মাৎবুরুংনি হং·এ জে আইয়াও ইনমানগিবা কামরাংখো দাকনা বিনা বিলখো হন·নামিং বিয়া উরাংখো দাক্কে মান্দিরাংখো ব্রাংগিবা রামাচানা রা·আংনা হা·বাচেংজক। স্খাংগিবা মাৎবুরুং জেআন মিল্লামচা মাত্তাখো মান·নেবা থাংএ দংআমিং, গ্মিগিবা মাৎবুরুং মান্দিরাংনা আগানজক জেদাক্কে বিসং বিনি গি·সা বিমাংখো থারিয়া।

ফারাকগিবা খাৎথা 13:14 Iomraidhean Croise

2 থিষলনীকীয়রাংনা 2:4

ইসল ইন্নে জেরাং দংআ উরাংনি সাক্কাও আরো অলাখিনা দংগিবা গিম্মিকনি সাক্কাও চাদেংএ বিয়া আন·থাংখো দা·ল্লে ফিন্নিকনুয়া; আরোবা, ইসলখো অলাখিগিবা নক্কো আসংএ বিয়া আন·থাংখো ইসল ইন্নে দাবি দাকনুয়া।

ফারাকগিবা খাৎথা 12:9

উনো উয়া দাল·বিয়া চিপ্পু স্খাল আরো বিমুং বিনি সা·গ্রেরাংখো হা·গিলসাকোনা গাল্লেতজক। ইয়া দাল·বিয়া চিপ্পু স্খাল হং·জক উয়া গিৎচাম চিপ্পু জেখো দিয়াবল বা শয়তান মিংআ। বিয়া হা·গিলসাকনি গিম্মিক মান্দিরাংখো ব্রাংগিবা রামাচা রা·আংআ।

ফারাকগিবা খাৎথা 13:1

উনি জা·মানো আংআ মাংসা মাৎবুরুংখো সাগালচানি হং·খাতে রি·বাখো নিকজক। উয়া মাৎবুরুংনি গ্রং চিকখুং আরো দৎস্নি স্খু দংআমিং। উয়া গ্রংরাংনি সাক্কাও চিকখুং মুকুট দংআমিং আরো স্খুরাংনি সাক্কাও ইসলখো চন্নিকনা ইন্নে দিংথাং দিংথাং বিমুংরাং লিক্ষিয়া দংআমিং।

ফারাকগিবা খাৎথা 13:15

উয়া বিমাংনা জাংগি হন·নানি বিলবা বিনা হন·জক, জেদাক্কে উয়া বিমাং খু·সুক আগান্না মান·না আরো জেরাং উয়া বিমাংখো ইসল চাচা মান্দিরা·এ সেলাম দাকজানুয়া বিসংখো দক্কে গালনা মান·না।

ফারাকগিবা খাৎথা 13:8

জেরাং ইয়া হা·গিলসাকনি, আগানস্খাওদে জেরাংনি বিমিং মেষ বি·সানি জাংগিনি খি·তাপও লিক্ষিয়া দংজা বিসং গিম্মিকান উয়া মাৎবুরুংখো ইসল চাচা মান্দিরা·এ সেলাম দাকনুয়া। ইয়া মেষ বি·সাখো হা·গিলসাক হং·না স্খাংআন স·ওতে গালনা থিক দাক্কামিং।

ফারাকগিবা খাৎথা 14:11

জে ওয়া·আল ইয়া মান্দিরাংখো সা·খাম্মেতনুয়া উয়া ওয়া·আলনি ওয়াল·খু জ্রিংজ্রৎনা হং·খাতারি দংনুয়া। জে মান্দি উয়া মাৎবুরুং আরো বিনি বিমাংখো অলাখিনুয়া আরো বিনি বিমুংনি চিনখো রা·নুয়া বিয়া সালো বা ওয়ালো মামিংসালোবা নেং·থাকাখো মান·জানুয়া।”

ফারাকগিবা খাৎথা 14:9

উনি জা·মানো গিত্থামগিবা দা·আও সাকসা সা·গ্রে বিসংনি জা·মান জা·মান রি·বাএ রাক্কে আগানজক, “সাওবা উয়া মাৎবুরুং আরো বিনি বিমাংখো অলাখিওদে আরো বিনি চিনখো কপালও বা জাক্কো রা·আওদে,

ফারাকগিবা খাৎথা 15:2

জা·মানো আংআ ওয়া·আলমিং ব্রিনগিবা জানিরানি গি·সা সাগাল গিত্তা দাক্কাখো নিকজক, আরো জেরাং উয়া মাৎবুরুং আরো বিনি বিমাং আরো বিনি বিমুংনি নম্বলনি সাক্কাও হামজক বিসংখোবা নিকজক। ইসলনি হন·গিবা বীণাখো জাক্কো রা·এ বিসং উয়া জানিরানি সাগালনি রিক্কামচা চাদেংএ দংআমিং।

ফারাকগিবা খাৎথা 16:13

উনো আংআ দিপ্‌লক গিত্তা সাকগিত্থাম গিসিকখো নিকনা মান·জক। উরাং উয়া চিপ্পু, উয়া মাৎবুরুং আরো উয়া দাকমিকগিবা আগানসোগিবানি খু·সুকওনি হং·খাতে রি·বাংআমিং।

ফারাকগিবা খাৎথা 16:2

উনো স্খাংগিপ্পা সা·গ্রে রি·য়াংএ আন·থাংনি দনচাক্রাখো হা·গিলসাকনি সাক্কাও ফাক্কেতজক। উনি গিম্মিন জেরাংনি সাক্কাও উয়া মাৎবুরুংনি চিন দংআমিং আরো জেরাং বিনি বিমাংখো অলাখিনুয়ামিং বিসংনি বে·এনো নাম্মেন নামগিজা আরো বিষগ্মাং ফোড়া হং·খাতজক।

ফারাকগিবা খাৎথা 18:23

চাক্কিনি সেং·আ আর মামিং সালোবা নাং·ও থেং·সুজানুয়া। চাওয়ারি-নামচিকনি গিত্তকনি খু·রাংখোবা নাং·ও মামিংসালোবা খিন্নাজানুয়া। নাং·নি বাদিংগিবারাং হা·গিলসাকো মংসংগিবা হং·আমিং, আর গিম্মিক জাতআন নাং·নি মনতলনা ব্রাংনুয়ামিং।

ফারাকগিবা খাৎথা 19:20

উয়া মাৎবুরুংখো রিম·জক আরো জে দাকমিকগিবা আগানসোগিবা বিনি হং·এ আইয়াও ইনমানগিবা কামখো দাকনুয়ামিং বিখোবা রিম·জক। জেরাং উয়া মাৎবুরুংনি চিনখো রা·আমিং আরো বিনি বিমাংখো অলাখিয়ামিং উয়া দাকমিকগিবা আগানসোগিবা উয়া আইয়াও ইনমানানি কামরাংচা বিসংখো ব্রাংএতে দন্নামিং। চিং·গিবা গন্ধকনি ওয়া·আলনি চিও থাংআ অবস্থাও ইয়া সাকগ্মিখো গাল্লেতজক।

ফারাকগিবা খাৎথা 2:10

না·আ জে দুকরাংখো চাকনা রি·য়াংইংজক উনা মামুং দাক্কেবা দা·আ খেন্নাবো। খিন্নাবো, শয়তান না·সংওনিখো মিত্তামখো রুরাএ নিনা জেলো দন্নুয়া, আরো সালচিখুংনা দিপ্পাৎ না·সং দুক চাকনুয়া। না·আ সিয়াওনা দিপ্পাৎ বিবিগিবা হং·এ দংবো, ইন্দাকোদে হাম্মানি মালা গিত্তা আংআ নাং·না জাংগিখো হ·ন্নুয়া।

ফারাকগিবা খাৎথা 20:10

জেআন বিসংখো ব্রাংআ রামাচানা রাআংআমিং উয়া শয়তানখো চিং·গিবা গন্ধকনি চিরিংও গাল্লেতা হং·জক। উয়া চিপ্পু আরো দাকমিকা আগানসোগিবাখো স্খাংআন উচা গাল্লেতা হং·জক। উচা বিসং জ্রিংজ্রৎনা সালওয়াল সা·দিকাখো চাকনুয়া।

ফারাকগিবা খাৎথা 3:10

চাকচিকানি জে গি·য়েতাখো আংআ হ·ন্নামিং উখো না·আ মানিজক; উনি গিম্মিন ইয়া হা·গিলসাকনি সাক্কাও জে দুকনি সাল রি·বাংজক উয়া সালওনি আংআ নাং·খো রাক্ষিনুয়া। জেরাং ইয়া হা·গিলসাকনি বিসংখো রুরাএ নিনা ইয়া দুকনি সাল রি·বানুয়া।