ফারাকগিবা খাৎথা 13:11 - Garo New Testament

¹¹ উনি জা·মানো আংআ হা·আওনি দা·আও মাংসা মাৎবুরুংখো হং·খাতে রি·বাখো নিকজক। মেষ গিত্তা উনি গ্রং গি·গ্মি দংআমিং, ইন্দিবা উয়া চিপ্পু গিত্তা বিয়া খাৎথা আগান্নুয়ামিং।

ফারাকগিবা খাৎথা 13:11 Iomraidhean Croise

মথিনি চকগিবা নাম্মা খাৎথা 7:15

“বু·এ চা·গিবা আগানসোগিবারাংনা সিমসাকবো। বিসং মেষনি বিমাংখো রা·এ না·সংচা রি·বাআ, ইন্দিবা নিং·আচাদে বিসং চা·মিন্নকগিবা মাৎচা গিত্তা দাক্কা।

রোমানরাংনা 16:18

মুয়ানা ইয়া মান্দিরাং আনচিংনি গিত্তেল খ্রীষ্টনা দাকচাকে হন·গিজা বাত্তেসা আন·থাংথাংনি বিকমানাসা দাকচাকে হ·ন্নিংআ। চি·আ আরো রাসং দাকব্রুআনি খাৎথাখো আগানে বিসং সনথলগিবা মান্দিরাংখো থকাইংজক।

2 থিষলনীকীয়রাংনা 2:4

ইসল ইন্নে জেরাং দংআ উরাংনি সাক্কাও আরো অলাখিনা দংগিবা গিম্মিকনি সাক্কাও চাদেংএ বিয়া আন·থাংখো দা·ল্লে ফিন্নিকনুয়া; আরোবা, ইসলখো অলাখিগিবা নক্কো আসংএ বিয়া আন·থাংখো ইসল ইন্নে দাবি দাকনুয়া।

ফারাকগিবা খাৎথা 11:7

বিসংনি সাক্ষি হ·ন্না ব·ন্নানি জামানো উয়া থিং·নাপগিবা হা·খলওনি মাংসা মাৎবুরুং হং·খাতে রি·বাএ বিসংমুং দাকগ্রিকনুয়া আরো বিসংখো হাম্মে দকথাত্তে গালনুয়া।

ফারাকগিবা খাৎথা 12:17

উনো উয়া চিপ্পু মিচিকখো নাম্মেন খা·আওনাংজক; আরো উয়া মিচিকনি দংখুগিবা মান্দিরাং, আগানস্খাওদে জেরাং ইসলনি গি·য়েতাখো মানিয়া আরো যীশুনি স্খিয়াখো রি·ম্মে রা·রিকা বিসংনি সাক্কাও বিয়া দাকগ্রিকনা রি·য়াংজক আরো সাগালনি রিক্কামো চাদেংএ দংজক।

ফারাকগিবা খাৎথা 13:1

উনি জা·মানো আংআ মাংসা মাৎবুরুংখো সাগালচানি হং·খাতে রি·বাখো নিকজক। উয়া মাৎবুরুংনি গ্রং চিকখুং আরো দৎস্নি স্খু দংআমিং। উয়া গ্রংরাংনি সাক্কাও চিকখুং মুকুট দংআমিং আরো স্খুরাংনি সাক্কাও ইসলখো চন্নিকনা ইন্নে দিংথাং দিংথাং বিমুংরাং লিক্ষিয়া দংআমিং।

ফারাকগিবা খাৎথা 13:17

ইনি গিম্মিনো উয়া চিননা আগ্রে সাওবা মামিংখো ব্রিনা বা ফালনা মান·জাজক। উয়া চিন হং·জক উয়া মাৎবুরুংনি বিমুং বা উনি বিমুংনি নম্বল।

ফারাকগিবা খাৎথা 13:4

চিপ্পু উয়া মাৎবুরুংনা বিলখো হন·নামিং ইন্নে মান্দিরাং উয়া চিপ্পুখো ইসল চাচা মান্দিরা·এ সেলামজক, আরো মাৎবুরুংখোবা উয়ানদাক্কে সেলামে আগানজক, “ইয়া মাৎবুরুং গিত্তা হং·আ সা দংআ? আরো সাবা বিমিং দাকগ্রিকনা মান·না?”

ফারাকগিবা খাৎথা 16:13

উনো আংআ দিপ্‌লক গিত্তা সাকগিত্থাম গিসিকখো নিকনা মান·জক। উরাং উয়া চিপ্পু, উয়া মাৎবুরুং আরো উয়া দাকমিকগিবা আগানসোগিবানি খু·সুকওনি হং·খাতে রি·বাংআমিং।

ফারাকগিবা খাৎথা 17:6

আংআ নিকজক, উয়া মিচিক ইসলনি মান্দিরাংনি হান·চিখো আরো জেরাং যীশুনি গিম্মিনো সাক্ষি হন·জক বিসংনি হান·চিখো রিংএ চুফেকগিবা হং·এ দংআ।

ফারাকগিবা খাৎথা 17:8

জে মাৎবুরুংখো না·আ নিক্কামিং উয়া চেংও দংআমিং ইন্দিবা দা·আও দংজা। জা·মানো বিয়া উয়া থিং·নাপগিবা হা·খলওনি চাখাতে রি·বাএ জ্রিংজ্রৎনা দিপ্পাৎ শাসিখো মান·নুয়া। উনো জেরাং ইয়া হা·গিলসাকনি হং·আ, আগানস্খাওদে হা·গিলসাক হং·চেংআনি সালওনি জেরাংনি বিমিং জাংগিনি খি·তাপও লিক্ষিয়া দংজা বিসং উয়া মাৎবুরুংখো নিক্কে আইয়াও ইনমান্নুয়া; মুয়ানা উয়া মাৎবুরুং স্খাংও দংআমিং, ইন্দিবা দা·আও দংজা, ইন্দাকোবা দা·আবা নিকনুয়া।