ফারাকগিবা খাৎথা 12:7 - Garo New Testament

⁷ জা·মানো সালগিও দাকগ্রিকা হং·জক। মীখায়েল আরো বিনি নিং·আও দংগিবা সা·গ্রেরাং উয়া দাল·বিয়া চিপ্পু স্খাল আরো উনি সা·গ্রেরাংমুং দাকগ্রিকজক।

ফারাকগিবা খাৎথা 12:7 Iomraidhean Croise

মথিনি চকগিবা নাম্মা খাৎথা 13:41

গিপ্পিনরাংখো পাপ দাক্কেতগিবারাংখো আরো আন·থাংথাং পাপ দাকগিবা গিম্মিকখোন উয়া সা·গ্রেরাং মান্দিনি দেফান্থিনি সংনকনিখো চিম্মংনুয়া আরো ওয়া·আলনি হা·খলো গালনুয়া।

মথিনি চকগিবা নাম্মা খাৎথা 16:27

মান্দিনি দেফান্থি আন·থাংনি সা·গ্রেরাংমুং বিনি ফাআনি রাসংও রি·বাংজক। উনসালো বিয়া মান্দি গিম্মিকনান আন·থাংথাংনি কামনি বিথিখো হ·ন্নুয়া।

মথিনি চকগিবা নাম্মা খাৎথা 24:31

সিংগা গামবিনুয়া আরো উনোন মান্দিনি দেফান্থি আন·থাংনি সা·গ্রেরাংখো ওয়াত্তেতনুয়া। উয়া সা·গ্রেরাং হা·গিলসাকনি খি·থিকোনা রি·য়াংএ হা·গিম্মিকচানিখো ইসলনি বাচ্ছিয়ে রা·গিবা মান্দিরাংখো চিম্মংনুয়া।

মথিনি চকগিবা নাম্মা খাৎথা 25:41

“জা·মানো বিয়া জাক্কাসিচা দংগিবা মান্দিরাংনা আগান্নুয়া, ‘ও শাপ মান·গিবা মান্দিরাং, আংচানি না·সং রি·য়াংবো। শয়তান আরো উনি সা·গ্রেরাংনা দাকসোআ ফাংনাজলনি ওয়া·আলোনা রি·য়াংবো।

মথিনি চকগিবা নাম্মা খাৎথা 26:53

আংআ আংনি ফাখো রিক্কামজোকনো বিয়া দা·আওন আংনা হাজাল হাজাল সা·গ্রেরাংখো ওয়াত্তেতজানুয়া ইন্নে না·আ চানচিয়ামা? ইন্দিবা ইন্দাকোদে রংথালগিবা শাস্ত্রনি খাৎথা বাদিকে দাক্কে চু·সকনুয়া?

2য় করিন্থীয়রাংনা 12:7

আংনা বাং·আখোন ফারাকজক ইন্নে জেদাক্কে আংআ গাং·বিংগিবা হং·জা, ইখো মিকসংএ আংখো দুক হ·ন্না আংনি বে·এনো বুসু গি·সাখো, আগানস্খাওদে শয়তাননি সা·গ্রেখো হ·ন্নামিং।

ইফিষীয়রাংনা 6:12

আনচিংনি ইয়া দাকগ্রিকা মান্দিনি সাক্কাওদে হং·জা, বাত্তেসা উয়া আন্দালানি সংনকখো শাসন দাকগিবা আরো বিলখো মান·রিকগিবারাংনি সাক্কাও, আন্দালা হা·গিলসাকনি বিল্লাকগিবা গিসিকরাংনি সাক্কাও, আরো সিলগানি গিম্মিক গিসিক নামগিজাগিবারাংনি সাক্কাও।

2 থিষলনীকীয়রাংনা 1:7

আরো না·সং জেরাং দুক মা·ন্নিংজক বিয়া চিংমুং না·সংখোবা দুকওনি জক্কেৎনুয়া। জেনসালো গিত্তেল যীশু বিনি বিল্লাকগিবা সা·গ্রেরাংখো রা·এ চিং·গিবা ওয়া·আলনি গিসেপো সালগিওনি ফারাকনুয়া উনোন ইরাং হং·নুয়া। জেরাং ইসলখো হা·আইজা আরো জেরাং গিত্তেল যীশুনি গিম্মিন নাম্মা খাৎথাখো মানিয়ে রি·জা বিসংনা উনো বিয়া শাস্তি হ·ন্নুয়া।

ইব্রীয়রাংনা 2:10

গিম্মিক ইসলনি গিম্মিনান আরো গিম্মিক বিচান হং·আ। উনি গিম্মিন বাং·আ দেদ্রাং বিনি রাসংনি বাকখো মান·রিকফাখানা ইখো মিকসংএ জক্কানি ফাংচাকগিবা যীশুখো দুক চাক্কাচা চু·সকেতা ইসলনা থিক কামআন হং·আ।

২ পিতর 2:4

সা·গ্রেরাং জেনসালো পাপ দাক্কামিং উনো ইসল বিসংখো ওয়াতজাজক বাত্তেসা নরকনি আন্দালগিবা হা·খলো গাল্লে বিচালনা দনজক।

যিহূদা 1:9

দাল·গিবা সা·গ্রে মীখায়েল জে সময়ও মোশিনি বে·এনখো রা·এ শয়তানমুং জিগ্রিকিংআমিং উনো মীখায়েল বিখো চন্নিকে খাৎথা আগানে বিখো দোস হ·ন্না ফা·জামিং। বাত্তেসা বিয়া আগানামিং, “গিত্তেল নাং·খো চাংফেংখানা।”

ফারাকগিবা খাৎথা 12:8

উয়া দাল·বিয়া চিপ্পু স্খাল হামজাজক আরো সালগিও বিসংখো দংনাবা হন·জাজক।

ফারাকগিবা খাৎথা 12:9

উনো উয়া দাল·বিয়া চিপ্পু স্খাল আরো বিমুং বিনি সা·গ্রেরাংখো হা·গিলসাকোনা গাল্লেতজক। ইয়া দাল·বিয়া চিপ্পু স্খাল হং·জক উয়া গিৎচাম চিপ্পু জেখো দিয়াবল বা শয়তান মিংআ। বিয়া হা·গিলসাকনি গিম্মিক মান্দিরাংখো ব্রাংগিবা রামাচা রা·আংআ।

ফারাকগিবা খাৎথা 13:7

ইসলনি মান্দিরাংমিং দাকগ্রিকে বিসংখো হাম্মে রা·আনি বিলখো বিনা হন·জক আরো গিম্মিক মা·চং, হা·সং, খু·সুক আরো জাতনি মান্দিরাংনি সাক্কাও বিনা মান·রিকানি বিলখো হন·জক।

ফারাকগিবা খাৎথা 20:2

বিয়া উয়া চিপ্পুখো, আগানস্খাওদে উয়া গিৎচাম চিপ্পু জেখো দিয়াবল বা শয়তান মিংআ বিখো রিম·মে বিলসি হাজালসানা খাজক আরো উয়া থিং·নাপগিবা হা·খলচা গাল্লেতজক। জা·মানো বিয়া উয়ো তালা হন·নে উনি সাক্কাও মোহর সু·জক, জেদাক্কে ইয়া বিলসি হাজালসা বন·জা দিপ্পাৎ ইয়া হা·গিলসাকনি জাতরাংখো আর ব্রাংআনি রামাচানা রা·আংনা মান·জা; উনি জা·মানো বিখো বাং·গিজা সালনা ওয়াত্তেতনুয়া।