ফারাকগিবা খাৎথা 12:12 - Garo New Testament

¹² “উনি গিম্মিন ও সালগি, হান·সেংবো; না·সং জেরাং উনো দংআ, হান·সেংবো। ইন্দিবা হা·গিলসাক আরো সাগাল, হং·সিখানা না·সংনা! মুয়ানা শয়তান না·সংনি সাক্কাও হং·খাতে রি·বাজক। শয়তান খা·আওনাংজক, মুয়ানা বিয়া হা·আইয়া বিনি সময় বাং·এ দংজাজক।”

ফারাকগিবা খাৎথা 12:12 Iomraidhean Croise

লূকনি চকগিবা নাম্মা খাৎথা 15:10

আংআ না·সংনা আগানিংআ, উগিত্তান সাকসা পাপী মান্দি পাপওনি গিসিক ফিল·জোকনো ইসলনি সা·গ্রেরাংনি হান·সেংআনি হং·আ।”

লূকনি চকগিবা নাম্মা খাৎথা 2:14

“সালগিও ইসলনি রাসং হং·খানা, হা·গিলসাকও জেরাংখো বিয়া নামনিকবিয়া বিসংনি থম·থম হং·খানা।”

ইব্রীয়রাংনা 10:37

মুয়ানা ইসলনি খাৎথা গিত্তা, “জেনি রি·বানি খাৎথা দংআ বিয়া বাং·গিজা সালনি গিসেপোন রি·বানুয়া, হারিমজানুয়া।

২ পিতর 3:8

ইন্দিবা খা·সাগিবা জংআদারাং, ইয়া খাৎথাখোদে দা·আ গুয়ালাবো, গিত্তেলচা সালসাদে বিলসি হাজালসা গিত্তা হং·আ আরো বিলসি হাজালসাদে সালসা গিত্তা হং·আ।

ফারাকগিবা খাৎথা 10:6

জেআন ফাংনাজলনা থাংএ দংআ আরো সিলগা, হা·গিলসাক, সাগাল আরো উরাংও দংগিবা গিম্মিকখো থারিজক, বিনি বিমুংও মিকচেতি উয়া সা·গ্রে আগানজক, “আরবা হারিমজানাজক।

ফারাকগিবা খাৎথা 11:10

বিসং বিসংনি বে·এনরাংখো গোপনা হন·জানুয়া। বিসং সিজক ইন্নে জেরাং ইয়া হা·গিলসাকনি হং·আ বিসং খুসি হং·নুয়া আরো হান·সেংনুয়া। মান্দিরাং সাকসা সাকগিপ্পিননা বকসিস ওয়াত্তেতনুয়া, মুয়ানা জেরাং ইয়া হা·গিলসাকনি বিসং ইয়া সাকগ্মি আগানসোগিবারাংনি হা·সেল দুক মা·ন্নামিং।

ফারাকগিবা খাৎথা 11:14

ইন্দাকে গ্মিগিবা হং·সিয়া বন·জক। নিবো, থেংরিন গিত্থামগিবা হং·সিয়া রি·বাংজক।

ফারাকগিবা খাৎথা 12:9

উনো উয়া দাল·বিয়া চিপ্পু স্খাল আরো বিমুং বিনি সা·গ্রেরাংখো হা·গিলসাকোনা গাল্লেতজক। ইয়া দাল·বিয়া চিপ্পু স্খাল হং·জক উয়া গিৎচাম চিপ্পু জেখো দিয়াবল বা শয়তান মিংআ। বিয়া হা·গিলসাকনি গিম্মিক মান্দিরাংখো ব্রাংগিবা রামাচা রা·আংআ।

ফারাকগিবা খাৎথা 13:6

উনো উয়া মাৎবুরুং ইসলনি সাক্কাও, বিনি বিমিংনি আরো বিনি দংরামানি সাক্কাও আরো সালগিও জেরাং দংআ বিসংনি সাক্কাও নাম্মেন চন্নিকানি খাৎথাখো আগান্না হা·বাচেংজক।

ফারাকগিবা খাৎথা 18:20

উনো উয়া সা·গ্রে আগানজক, “ও সালগি, উয়া সংজিলমানি বন·নানা হান·সেংবো। ইসলনি মান্দিরাং, ওয়াত্তেতারাং আরো আগানসোগিবারাং হান·সেংবো। না·সংনি সাক্কাও বিয়া জেখো দাক্কামিং উনি গিম্মিন ইসল বিনি বিচালখো দাকজক।”

ফারাকগিবা খাৎথা 8:13

জা·মানো আংআ দো·রেং মাংসাখো সিলগাও নাম্মেন সাক্কাচা বিল্লাখো নিকজক, আরো উয়া দো·রেংখো রাক্কে আগানাখো খিন্নাজক, “গিপ্পিন সা·গ্রে সিংগাখো সিকনা হা·ম্মিংজক, বিসংনি সিংগা সিকজোকনো জেরাং ইয়া হা·গিলসাকনি হং·আ বিসংনি হং·সিয়া, হং·সিয়া, হং·সিয়া হং·নুয়া।”

ফারাকগিবা খাৎথা 9:12

স্খাংগিবা হং·সিয়া বন·জক। নিবো, ইনি জা·মানো আরোবা মিংগ্মি হং·সিয়া রি·বাংজক।