ফারাকগিবা খাৎথা 11:8 - Garo New Testament

⁸ বিসংনি গিত্তেলখো জে সংজিলমাও চিসলও দাৎখাপামিং উয়া দাল·বাৎগিবা সংজিলমানি রামাও বিসংনি মাংগিসি গা·আকে দংনুয়া। উয়া সংজিলমানি বিমুং চং·মতদে সদোম আরো মিসর হং·জা, ইন্দাকোবা উগিত্তান দাক্কা ইন্নে উয়া সংজিলমাখো সদোম আরো মিসর ইন্না।

ফারাকগিবা খাৎথা 11:8 Iomraidhean Croise

মথিনি চকগিবা নাম্মা খাৎথা 10:15

আংআ না·সংনা বিবিন আগানিংআ, বিচালনি সালো উয়া সংনা বাত্তে সদোম আরো ঘমোরা সংজিলমান বাং·খালে চাকথআনি হং·নুয়া।

ওয়াত্তেতারাংনা 9:4

বিয়া হা·আও গা·আকজক আরো খিন্নাজক সাবা বিখো আগানিংআ, “শৌল, শৌল, মুয়ানা না·আ আংখো গিচ্চিয়েতিংজক?”

ইব্রীয়রাংনা 13:12

উয়ানদাক্কে যীশুবা যিরূশালেম সংজিলমানি হা·ফালচা দুক চাক্কে সিয়ামিং, জেদাক্কে বিনি আনথাংনি হান·চিচা মান্দিখো পাপওনি রংথালেতনা মান·না।

ইব্রীয়রাংনা 6:6

আরো উনি জা·মানো খ্রীষ্টওনি ফি·ল্লে রি·য়াংজক, বিসংখো দা·আবা গিত্তাল দাক্কে গিসিক ফি·ল্লানি রামাও রিমবানা মান·জা। ইয়াদে হং·না মান·জা, মুয়ানা বিসং আন·থাংআন ইসলনি দেফান্থিখো দা·আবা চিসলো দাৎখাপিংজক আরো গিম্মিকনি মিকখাংও বিখো মান্দিরা·জাংজক।

২ পিতর 2:6

সদোম আরো ঘমোরা সংজিলমাখো ওয়া·আলচা ব·ন্নেতি ইসল উয়া সংজিলমানি মান্দিরাংখো শাস্তি র·ন্নামিং, জেরাং ইসলখো অলাখিজা বিসংনি অবস্থা মুয়া হং·নুয়া;

যিহূদা 1:7

সদোম, ঘমোরা আরো উরাংনি সেফাংরাংনি গিম্মিক সংজিলমানি মান্দিরাংবা বিসং গিত্তান থি·ল্লেকা, আরোবা, হং·গিজা দাক্কে থি·ল্লেকামিং। জেরাং ফাংনাজলনি ওয়া·আলো খাম্মানি শাস্তিখো মা·ন্নুয়া বিসং বিসংনিন নমুনা হং·এ দংআ।

ফারাকগিবা খাৎথা 11:13

উয়া সময়ও বিল্লংএ বাংগুরিজক আরো উয়া সংজিলমানি বাক চিকখুংনি বাকসা বি·গ্রপাংজক। উয়া বাংগুরিয়াও হাজালস্নি মান্দি সিথকজক। উনি গিম্মিন উয়ো দংগিবা গিম্মিকান খেন্নে সালগিনি ইসলখো রাসং দাকনা হা·বাচেংজক।

ফারাকগিবা খাৎথা 11:9

উনো হা·সং গিম্মিক, মা·চং, খু·সুক আরো জাতওনি মান্দিরাং সাল গিত্থাম সাল ফাকসা দিপ্পাৎ উয়া মাংগিসিরাংখো নিনুয়া।

ফারাকগিবা খাৎথা 14:20

সংজিলমানি হা·ফালচা আংগুল মাড়াই দাক্কানি হা·খলও উয়া আংগুলরাংখো মাড়াই দাক্কানি জা·মানো উয়োনি হান·চি হং·খাতবাজক আরো ঘোরারাংনি খু·সুকনি লাগামওনা দিপ্পাৎ হং·জক। উনি গিম্মিন রিৎচা গিত্থাম কি:মি: দিপ্পাৎ গিম্মিক হা·দাম হান·চিও রিপজক।

ফারাকগিবা খাৎথা 14:8

জা·মানো গ্মিগিবা দা·আও সাকসা সা·গ্রে বিনি জা·মান জা·মান রি·বাএ আগানজক, “উয়া বাবিল সংজিলমা বন·নাংজক। জে সংজিলমা বিনি থিল·লেকানি চুখো গিম্মিক জাতনান রিংএতা উয়া সংজিলমা বন·নাংজক।”

ফারাকগিবা খাৎথা 16:19

বিমিং দংগিবা সংজিলমা বাক গিত্থাম হং·আংজক আরো দিংথাং দিংথাং জাতরাংনি সংজিলমা গা·আকাংজক। জা·মানো উয়া বাবিলখো ইসল গিসিক রা·জক, আরো বিয়া বিনি খা·আও নাংআনি চুখো রিংচাক্রাও গাপ্পে বাবিলনা রিংনা হন·জক।

ফারাকগিবা খাৎথা 17:1

জে সাকস্নি সা·গ্রেনি জাক্কো গি·স্নি দনচাক্রা দংআমিং বিসংওনি সাকসা রি·বাএ আংনা আগানজক, “চিনি সাক্কাও জে দাল·গিবা দারি আসংএ দংআ, রি·বা, বিনি শাসিখো আংআ নাং·না ফিন্নিকনা।

ফারাকগিবা খাৎথা 17:18

জে মিচিকখো না·আ নিক্কামিং উয়া হং·জক উয়া সংজিলমা, জেআন হা·গিলসাকনি গিম্মিক রাজারাংনি সাক্কাও শাসন দাক্কিংজক।”

ফারাকগিবা খাৎথা 17:5

বিনি কপালও ইন্দাকা বিমুং লিক্ষিয়া দংআমিং জেনি বিদিংও মিংসা নিং·থুয়া বিবি দংআমিং। উয়া বিমুং হং·জক, “বাবিল, দারি বিমারাংনি আরো হা·গিলসাকনি নামজাস্রাংরাংনি মা·গিবা।”

ফারাকগিবা খাৎথা 18:10

বিসং উনি গিচ্চিয়াখো নিক্কে খেন্নে চেল·লাও চাদেংএ আগান্নুয়া, “আইয়াও বাবিল, আইয়াও! উয়া সংজিলমা, বিলগ্মাং উয়া সংজিলমা! ইন্দাকে খনতাসাওন নাং·নি শাসি সকবাজক!”

ফারাকগিবা খাৎথা 18:18

বিখো সো·মিত্তিংও ওয়াল·খু নিক্কে বিসং চ্রিকে আগান্নুয়া, “আর বাগিবা সংজিলমা ইয়া সংজিলমা গিত্তা দাক্কা?”

ফারাকগিবা খাৎথা 18:2

বিয়া রাক্কে চ্রিকে আগানজক, “বন·জক, উয়া সংজিলমা বন·জক! উয়া দা·আওদে নামগিজাগিবা গিসিকরাংনি দংআনি হা·দাম হং·জক আরো সাকফ্রাকফ্রাক নামগিজাগিবা গিসিকরাংনি থম·দাকগিবা আরো মারাং নাংগিবা আরো সাক্কাও বিলগিবা দো·ওরাংনি বিচাপ হং·জক।

ফারাকগিবা খাৎথা 18:21

জা·মানো সাকসা বিল্লাকগিবা সা·গ্রে জাতা গিত্তা দাল·বিয়া গি·সা রং·থিখো রা·এ সাগালও গাল্লেতি আগানজক, “ইন্দাকেন উয়া বাবিল সংজিলমাখো গাল্লেতনুয়া। উখো আর মামিং সালোবা মান·জানাজক/মান·জানুয়া।

ফারাকগিবা খাৎথা 18:24

আগানসোগিবারাংখো, ইসলনি মান্দিরাংখো আরো জে মান্দিরাংখো ইয়া হা·গিলসাকো দক্কে গালজক বিসংনি হান·চিখো ইয়া বাবিলওন মান·জক।”