ফারাকগিবা খাৎথা 11:17 - Garo New Testament

¹⁷ “বিল্লাকস্রাংগিবা গিত্তেল ইসল, না·আ দংআ আরো না·আ দংআমিং। চিংআ নাং·খো মিৎথেলা, মুয়ানা না·আ নাং·নি দাল·গিবা বিলখো জাক্কো রা·এ শাসন দাকনা হা·বাচেংজক।

ফারাকগিবা খাৎথা 11:17 Iomraidhean Croise

মথিনি চকগিবা নাম্মা খাৎথা 11:25

জা·মানো যীশু আগানজক, ‘‘ও আপফা, না·আ সালগিসাক আরো হা·গিলসাকনি গিত্তেল। আংআ নাং·খো মিৎথেলা মুয়ানা না·আ হা·আইবাৎগিবা আরো বুদ্ধিগ্মাং মান্দিরাংওনি ইরাংখো থুম্মুয়ে দন্না, ইন্দিবা বি·সারাং গিত্তা মান্দিরাংচা ফারাকজক।

লূকনি চকগিবা নাম্মা খাৎথা 10:21

উনোন যীশু গিসিক রংথালগিবাও খা·স্রকে আগানজক, “ও আপফা, না·আ সালগিসাক আরো হা·গিলসাকনি গিত্তেল। আংআ নাং·খো মিৎথেলা, মুয়ানা না·আ ইরাংখো হা·আইগিবা আরো বুদ্ধি দংগিবারাংওনি থুম্মুয়ে দনজক ইন্দিবা বি·সা গিত্তা দাকগিবা মান্দিরাংনা ফারাকজক। হো·এ আপফা, নাং·নি নামনিকা গিত্তান ইরাং হং·জক।

যোহননা 11:41

উনোন মান্দিরাং রং·থিখো জিত্তেতজক। যীশু সাক্কাচাখো নিএ আগানজক, “আপফা, না·আ আংনি আগানাখো খিন্নাচাকজক ইন্নে আংআ নাং·খো মিৎথেলা।

2য় করিন্থীয়রাংনা 2:14

ইসলখো মিৎথেলা, আনচিং খ্রীষ্টমুং নাংরিমজক ইন্নে ইসল বিনি হাম্মে-রি·য়াও ফাংনান আনচিংখো রি·দিলা। খ্রীষ্টখো হা·আইয়া সিম্মিলগিবা বিবা গিত্তা হং·আ। ইসল বিনি হাম্মে-রি·য়াও উয়া সিম্মিলগিবা বিবাখো চিং গিত্তা হা·দাম গিম্মিকো গিপ্পাংএতা।

2য় করিন্থীয়রাংনা 9:15

জে হ·ন্নানি খাৎথাখো খু·সুকচা ফারাকনা মান·জা ইসলনি উয়া হ·ন্নানি গিম্মিন বিখো মিৎথেলা।

1 তীমথিয় 1:12

আনচিংনি গিত্তেল খ্রীষ্ট যীশু, জেআন আংনা বিলখো হন·জক, বিখো আংআ মিৎথেলা, মুয়ানা বিয়া আংখো বিবিগিবা দাক্কে চানচিয়ে বিনা দাকচাকে হ·ন্নানি কামও বাচ্ছিয়ে রা·জক।

ফারাকগিবা খাৎথা 1:4

আংআ যোহন এশিয়া হা·দকনি গি·স্নি মন্ডলীচা চক্কিংজক। জেআন দংআ, জেআন দংআমিং আরো জেআন রি·বাংজক বিয়া আরো বিনি সিংহাসননি মিকখাংও জে সাকস্নি গিসিক দংআ বিসং আরো যীশু খ্রীষ্ট না·সংনা খা·সাচাকখানা আরো থম·থমাখো হন·খানা। যীশুআন বিবিগিবা সাক্ষি আরো সিয়াওনি বিয়ান স্খাং থাংচামিং আরো বিয়ান হা·গিলসাকনি রাজারাংখো শাসন দাকগিবা হং·আ। বিয়া আনচিংনা খা·সা আরো আন·থাংনি হান·চিচা পাপওনি আনচিংখো জক্কেৎজক।

ফারাকগিবা খাৎথা 1:8

গিত্তেল ইসল আগানিংজক, “আংআন উয়া আল্‌ফা আরো ওমিগা জেআন দংআ, জেআন দংআমিং আরো জেআন রি·বাংজক। আংআন বিল্লাকস্রাংগিবা।”

ফারাকগিবা খাৎথা 11:15

জা·মানো স্নিগিবা সা·গ্রে বিনি সিংগাখো সিকজক। উনো সালগিচা রাক্কে রাক্কে আগানা হং·জক, “হা·গিলসাকনি সংনক দা·আও আনচিংনি গিত্তেল আরো বিনি খ্রীষ্টনি হং·জক।

ফারাকগিবা খাৎথা 15:3

বিসং ইসলনি নকখল মোশিনি আরো উয়া মেষ বি·সানি ইয়া গীতখো রিং·আমিং: “বিল্লাকস্রাংগিবা গিত্তেল ইসল, বাসিক দাল·লা আরো আইয়াও ইনমানা নাং·নি কাম! ও গিম্মিক জাতনি রাজা, নাং·নি রামা বাসিক খাকখেৎ আরো বিবি হং·আ!

ফারাকগিবা খাৎথা 16:14

উয়া নামগিজাগিবা গিসিকরাং আইয়াও ইনমানগিবা কামরাংখো দাক্কিংআমিং। বিল্লাকস্রাংগিবা ইসলনি উয়া দাল·বিয়া সালো দাকগ্রিকনা ইন্নে বিসং হা·গিলসাক গিম্মিকনি রাজারাংখো আপসান চিম্মংজক।

ফারাকগিবা খাৎথা 16:5

চিনি সাক্কাও জে সা·গ্রেনি বিল দংআমিং আংআ বিখো ইয়া খাৎথাখো আগানাখো খিন্নাজক: “ও রংথালগিবা, না·আ দংআ আরো না·আ দংআমিং। না·আ খাকখেৎগিবা, মুয়ানা না·আ ইয়া শাসিখো হন·জক।

ফারাকগিবা খাৎথা 16:7

আংআ গানচিওনি সাকসাখো ইন্দাকে আগানাখো খিন্নাজক: “বিল্লাকস্রাংগিবা গিত্তেল ইসল, নাং·নি গিম্মিক বিচাল বিবি আরো খাকখেৎ হং·আ।”

ফারাকগিবা খাৎথা 18:8

উনি গিম্মিন সালসাওন গিম্মিক সাবিসি উনি সাক্কাও গা·আকনুয়া; উরাং হং·জক সিয়া, দুক আরো আকাল। ওয়া·আলচা উখো সো·এ গালনুয়া, মুয়ানা জেআন উখো বিচাল দাকনুয়া উয়া গিত্তেল ইসল বিল্লাকস্রাংগিবা হং·আ।”

ফারাকগিবা খাৎথা 19:11

জা·মানো আংআ নিকজক সালগি এংআন দংআ, আরো উয়ো মাংসা গিব্বক ঘোড়া দংআ। জেআন উয়া ঘোড়ানি সাক্কাও আসংএ দংআ বিনি বিমিং হং·আ বিবিরা·না খ্রাগিবা আরো বিবি। বিয়া খাকখেৎ বিচালখো দাক্কা আরো দাকগ্রিকা।

ফারাকগিবা খাৎথা 19:6

জা·মানো আংআ মান্দি জিলমানি মিক্কুয়া, রাক্কে চিনি মিক্কুয়া আরো রাক্কে মিকখা খিমপ্রেতানি খু·রাং গিত্তা দাক্কে আগানা ইয়া খাৎথাখো খিন্নাজক, “হাল্লেলূয়া! আনচিংনি বিল্লাকস্রাংগিবা গিত্তেল ইসল সংনকখো শাসন দাকনা হা·বাচেংজক।