ফারাকগিবা খাৎথা 11:13 - Garo New Testament

¹³ উয়া সময়ও বিল্লংএ বাংগুরিজক আরো উয়া সংজিলমানি বাক চিকখুংনি বাকসা বি·গ্রপাংজক। উয়া বাংগুরিয়াও হাজালস্নি মান্দি সিথকজক। উনি গিম্মিন উয়ো দংগিবা গিম্মিকান খেন্নে সালগিনি ইসলখো রাসং দাকনা হা·বাচেংজক।

ফারাকগিবা খাৎথা 11:13 Iomraidhean Croise

যোহননা 9:24

জে মান্দি মিকগ্রিমিং দাল·গিবারাং বিখো চাংগ্নিগিবাও রিক্কামে আগানজক, “না·আ বিবিখো আগানে ইসলখো রাসং দাকবো। চিংআদে হা·আইয়া উয়া মান্দি পাপী হং·আ।”

ওয়াত্তেতারাংনা 1:15

উয়া সময়ও পিতর সালসাও খ্রীষ্টখো বিবিরা·গিবা সাক রিৎচাসা খলগ্রিকমাং মান্দিরাংনি গিসেপো চাদেংএ আগানজক,

ফারাকগিবা খাৎথা 11:11

ইন্দিবা ইয়া সালগিত্থাম সালফাকসানি জা·মানো ইসলনি হন·গিবা বালজাংগি বিসংনি নিং·আও নাপজক। উনি হা·সেল বিসং জা·চকচা গা·চাক্কে চাদেংজক। উনো জেরাং বিসংখো নিকজক বিসং নাম্মেন খেনজক।

ফারাকগিবা খাৎথা 11:19

জা·মানো সালগিনি থরম নকখো এংআ হং·জক আরো উনো ইসলনি নিয়াম সিন্দুকখো নিকজক। উনো মিকখা রিপরাপা আরো গাম·ফ্রেতা খু·রাং আরো মিকখা খিমফ্রেতা আরো বাংগুরিয়া আরো নাম্মেন স্থিল গা·আকনা হা·বাচেংজক।

ফারাকগিবা খাৎথা 14:7

বিয়া রাক্কে রাক্কে ইয়া খাৎথাখো আগানিংআমিং, “ইসলনা খেনবো আরো বিখো রাসং দাকবো, মুয়ানা বিচাল দাক্কানি সাল সকবাজক। জেআন সিলগা, হা·গিলসাক, সাগাল আরো চিমিকখো থারিজক বিখো অলাখিবো।”

ফারাকগিবা খাৎথা 15:4

গিত্তেল, সা নাং·না খেনজানুয়া? সা নাং·নি বিমুংখো রাসং চাএতজানুয়া? না·আসান রংথালা। গিম্মিক জাত নাং·চা রি·বানুয়া, গিম্মিকান নাং·খো অলাখিনুয়া; মুয়ানা নাং·নি খাকখেৎ বিচাল ফারাকজক।”

ফারাকগিবা খাৎথা 19:7

রি·বাবো, আনচিং গিসিকো খুসি হং·এ নাম্মেন হান·সেংনা আরো বিখো রাসং দাকনা, মুয়ানা মেষ বি·সানি বিয়ানি সাল সকজক আরো বিনি নামচিক আন·থাংখো থারিজক।

ফারাকগিবা খাৎথা 3:4

ইন্দিবা সার্দিও নাং·নি ইন্দাকগিবা মিত্তাম মান্দিরাং দংআ জেরাং বিসংনি বা·রা-চলা, আগানস্খাওদে রি·য়া-দোআরাংখো নামগিজা দাকজা। বিসং খ্রাগিবা মান্দি ইন্নেন গিব্বক বা·রাখো গান্নে আংমুং রি·নুয়া।

ফারাকগিবা খাৎথা 6:12

জা·মানো আংআ নিকজক, বিয়া জে সময়ও দকগিবা সীলমোহরখো ফি·জক উনো বিল্লংএ বাংগুরিজক। সাল নাম্মেন গিসিমজক আরো জাজং হান·চি গিত্তা গিচ্চাকজক।

ফারাকগিবা খাৎথা 8:5

উনো উয়া সা·গ্রে গানচিওনি ওয়াল·খু রা·এ উয়া চা·চেৎ দনগিবা দনচাক্রাখো গাপ্পেতজক আরো হা·গিলসাকচানা গাল্লেতজক। উনি গিম্মিন মিকখা খিমফ্রেতানি গা·ম্মারাং আরো নাংআ-নাংসি গাম·ফ্রেতারাং, আরো মিকখা রিপরাপা আরো বাংগুরিয়া হং·জক।