ফারাকগিবা খাৎথা 1:9 - Garo New Testament

⁹ আংআ না·সংনি জংআদা যোহন; যীশুমুং নাংরিমে আংআ না·সংমুং আপসান দুকখো, আপসান সংনকখো আরো আপসান চাকচিকানি বাকখো মান·ফাগিবা হং·জক। ইসলনি খাৎথা আরো যীশুনি সাক্ষিনি বিদিংও আগানফ্রাকামিং ইন্নে আংখো পাট্‌ম চিচাংচা রা·আংএ দন্নামিং।

ফারাকগিবা খাৎথা 1:9 Iomraidhean Croise

মথিনি চকগিবা নাম্মা খাৎথা 20:23

উনো যীশু বিসংনা আগানজক, “বিবিন না·সং আংনি রিংচাক্রাও রিংনা মা·ন্না, ইন্দিবা আংনি জাক্রাচা বা জাক্কাসিচা আসংনা হ·ন্না বিল আংনি দংজা। আপফা জেরাংনা উখো থারিসোয়া বিসংসান উখো মা·ন্নুয়া।”

মার্ক 10:39

বিসং আগানজক, “হো·এ, মা·ন্না।’’ উনো যীশু বিসংনা আগানজক, ‘‘জে দুকনি রিংচাকানিও আংআ রিংনুয়া উনোন না·সং রিংনুয়া, আরো আংআ জে রিপ্পলাখো রা·নুয়া উখো না·সংবা রা·নুয়া,

যোহননা 16:33

আংআ না·সংনা ইরাংখো আগানজক জেদাক্কে না·সং আংমুং দংখামানি গিম্মিন গিসিকো থম·থমাখো মা·ন্না। ইয়া হা·গিলসাকো না·সং দুক আরো সিনজেতাখো মান·বিএ দংআ, ইন্দিবা খা·দংবো; আংআন হা·গিলসাকখো হামজক।”

ওয়াত্তেতারাংনা 1:15

উয়া সময়ও পিতর সালসাও খ্রীষ্টখো বিবিরা·গিবা সাক রিৎচাসা খলগ্রিকমাং মান্দিরাংনি গিসেপো চাদেংএ আগানজক,

রোমানরাংনা 8:17

আনচিং দেদ্রাং হং·এ দংওদে ইসল বিনি দেদ্রাংনা জেখো হ·ন্না খু·রাচাকজক আনচিং উখো মা·ন্নুয়া। খ্রীষ্টন ইসলচাখো উখো মা·ন্নুয়া আরো আনচিংবা বিমুং উখো মা·ন্নুয়া, মুয়ানা আনচিং খ্রীষ্টমুং দুক চাক্কোদে বিমুং রাসংখোবা মা·ন্নুয়া।

রোমানরাংনা 8:25

ইন্দিবা মান·গিজাগিবানা আনচিংনি খা·দংআ দংওদে উনা আনচিং চাকচিকে সেং·এ দংআ।

2য় করিন্থীয়রাংনা 1:7

না·সংনি গিম্মিন চিংনি বিবিরা·আ খেম·খেম দংআ, মুয়ানা না·সং জেদাক্কে চিংনি দুকরাংখো মান·ফাগিবা হং·আ উয়ানদাক্কে চিংনি খা·নাম্মেতাখোবা মান·ফাগিবা হং·আ।

ফিলিপীয়রাংনা 1:7

না·সং দিমদাকনা আংনি চানচিয়া ইন্দাকে হং·আন খ্রাআ, মুয়ানা না·সং আংনি খা·সাগিবা হং·আ। আংআ জেলো দংনা বা নাম্মা খাৎথানা চাক্কে চাদেংএ উনি বিবিখো ফিন্নিকনা, উনি হা·সেল না·সং দিমদাকান আংমুং ইসলনি খা·সাচাক্কাখো মান·রিকফাগিবা হং·আ।

ফিলিপীয়রাংনা 4:14

ইন্দাকোবা না·সং আংনি দুকখো মান·ফাগিবা হং·এ নাম্মাখোন দাকজক।

2 থিষলনীকীয়রাংনা 3:5

গিত্তেল জেদাক্কে না·সংনি খা·থংখো ইসলনি খা·সানি রামাও আরো খ্রীষ্টনি চাকচিকানি রামাও রা·আংআ।

2 তীমথিয় 1:8

উনি গিম্মিন আনচিংনি গিত্তেলনি গিম্মিনো সাক্ষি হ·ন্না দা·আ খ্রাচা·আবো, আরো বিনি গিম্মিন বন্দি হং·গিবা আংআ, আংখো রা·এবা দা·আ খ্রাচা·আবো। উনা বাত্তে ইসল নাং·না জে বিলখো হন·জক উগিত্তা বিনি নাম্মা খাৎথাখো আগানফ্রাকনা আংমুং দুক চাকবো।

ইব্রীয়রাংনা 10:36

না·সংনি খেম·খেম দংনা নাংআ, জেদাক্কে ইসলনি হা·সিকা গিত্তা কাম দাক্কানি জা·মানো ইসল জেখো হ·ন্না খু·রাচাক্কা উখো না·সং মা·ন্না;

পিতর 5:1

আংআ খ্রীষ্টনি দুক চাক্কানি সাক্ষি আরো খ্রীষ্টনি জে রাসং ফারাকনুয়া উখো মান·ফাগিবা হং·আ। উনি গিম্মিন না·সংনি গিসেপো জেরাং মন্ডলীনি দা·ল্লা-রাক্কা হং·আ বিসংনা আংআ দা·আও সাকসা দাল·গিবা গিত্তা ইখো স্খিয়েতিংজক-

ফারাকগিবা খাৎথা 1:1

ইয়া খি·তাপও জেরাংখো চক্কা হং·জক উরাংখো যীশু খ্রীষ্টআন ফারাকজক। ইয়া বিদিংরাংখো ইসল খ্রীষ্টচা ফারাকামিং, জেদাক্কে বাং·গিজা সালরাংনি গিসেপোন জেরাং হং·না রি·য়াংইংজক উখো বিয়া বিনি নকখলরাংনা আগানা। খ্রীষ্ট বিনি সা·গ্রেখো ওয়াত্তেতি বিনি নকখল যোহননা ইয়া বিদিংরাংখো আগানামিং।

ফারাকগিবা খাৎথা 1:2

ইসলনি খাৎথা আরো যীশু খ্রীষ্টনি সাক্ষিনি গিম্মিনো যোহন জেখো নিক্কামিং, উনি বিদিংওন বিয়া ইনো সাক্ষি হন·জক।

ফারাকগিবা খাৎথা 1:4

আংআ যোহন এশিয়া হা·দকনি গি·স্নি মন্ডলীচা চক্কিংজক। জেআন দংআ, জেআন দংআমিং আরো জেআন রি·বাংজক বিয়া আরো বিনি সিংহাসননি মিকখাংও জে সাকস্নি গিসিক দংআ বিসং আরো যীশু খ্রীষ্ট না·সংনা খা·সাচাকখানা আরো থম·থমাখো হন·খানা। যীশুআন বিবিগিবা সাক্ষি আরো সিয়াওনি বিয়ান স্খাং থাংচামিং আরো বিয়ান হা·গিলসাকনি রাজারাংখো শাসন দাকগিবা হং·আ। বিয়া আনচিংনা খা·সা আরো আন·থাংনি হান·চিচা পাপওনি আনচিংখো জক্কেৎজক।

ফারাকগিবা খাৎথা 1:6

বিয়া আনচিংখো রা·এ গি·সা সংনক থারিজক আরো বিনি ফাগিবা আরো ইসলনা দাকচাকে হ·ন্না খামাল দাকজক। ফাংনাজলনা যীশু খ্রীষ্টনি রাসং হং·খানা আরো ফাংনাজলনা বিনি বিল দংখানা। আমেন।

ফারাকগিবা খাৎথা 11:7

বিসংনি সাক্ষি হ·ন্না ব·ন্নানি জামানো উয়া থিং·নাপগিবা হা·খলওনি মাংসা মাৎবুরুং হং·খাতে রি·বাএ বিসংমুং দাকগ্রিকনুয়া আরো বিসংখো হাম্মে দকথাত্তে গালনুয়া।

ফারাকগিবা খাৎথা 12:11

মেষ বি·সানি হান·চি আরো আন·থাংথাংনি সাক্ষিচা বিসং বিখো হাম্মেতজাজক। বিসং আন·থাংথাংনা বাং·এ খা·সাজানি হা·সেলান বিসংনি জাংগিখো হ·ন্না বিসং গং·আমিং।

ফারাকগিবা খাৎথা 12:17

উনো উয়া চিপ্পু মিচিকখো নাম্মেন খা·আওনাংজক; আরো উয়া মিচিকনি দংখুগিবা মান্দিরাং, আগানস্খাওদে জেরাং ইসলনি গি·য়েতাখো মানিয়া আরো যীশুনি স্খিয়াখো রি·ম্মে রা·রিকা বিসংনি সাক্কাও বিয়া দাকগ্রিকনা রি·য়াংজক আরো সাগালনি রিক্কামো চাদেংএ দংজক।

ফারাকগিবা খাৎথা 13:10

জেখো চিপচাংএ দন্নানি খাৎথা দংআ বিখো চিপচাংএ দন্নুয়া। জেখো মিল্লামচা স·ওতনা খাৎথা দংআ বিয়া স·ওতাখো মান·নুয়া। ইনি গিম্মিন ইসলনি মান্দিরাংনি চাকচিকা আরো বিবিরা·আ দংনা নাংনুয়া।

ফারাকগিবা খাৎথা 14:12

জেরাং ইসলনি গি·য়েতাখো মানিয়া আরো যীশুও বিবিরা·গিবা হং·এ দংআ ইসলনি উয়া মান্দিরাংনি ইন্দাকা অবস্থাও চাকচিকা দংনা নাংআ।

ফারাকগিবা খাৎথা 19:10

উনো আংআ উয়া সা·গ্রেনি জা·চকও থুচিকোপে বিখো ইসল চাচাএ মান্দিরা·এ অলাখিজক। ইন্দিবা বিয়া আংনা আগানজক, “ইয়া মুয়াখো দাক্কিংআ? আংআ নাং·নি গিত্তা নকখল হং·ফা। ইসলখোন অলাখিবো। নাং·নি বিবিরা·গিবা জংআদারাং, জেরাং যীশুনি স্খিয়াখো রিম·মে রা·রিকা/মানিয়া, আংআ বিসংনিন সাকসা হং·আ। যীশুনি স্খিয়ান আগানসোগিবারাংনি স্খিয়ানি চং·মত হং·আ।”

ফারাকগিবা খাৎথা 20:4

জা·মানো আংআ সিংহাসন মিত্তামখো নিকজক, আরো জেরাং উনি সাক্কাও আসংএ দংআমিং বিসংনি জাক্কো বিচাল দাক্কানি বিলখো হন·নামিং। ইসলনি খাৎথা আরো যীশুনি স্খিয়া গিত্তা রি·না ইন্নে জেরাংনি স্খু দেনথংএ গাল্লামিং, আংআ বিসংনি গিসিকরাংখো নিকনা মান·জক। বিসং উয়া মাৎবুরুংখো বা উনি বিমাংখো অলাখিজা আরো কপালও বা জাক্কো উনি চিনখোবা রা·জা। বিসং থাংচাজক আরো হাজালসা দিপ্পাৎ খ্রীষ্টমিং শাসন দাকজক।

ফারাকগিবা খাৎথা 3:10

চাকচিকানি জে গি·য়েতাখো আংআ হ·ন্নামিং উখো না·আ মানিজক; উনি গিম্মিন ইয়া হা·গিলসাকনি সাক্কাও জে দুকনি সাল রি·বাংজক উয়া সালওনি আংআ নাং·খো রাক্ষিনুয়া। জেরাং ইয়া হা·গিলসাকনি বিসংখো রুরাএ নিনা ইয়া দুকনি সাল রি·বানুয়া।

ফারাকগিবা খাৎথা 6:9

জে সময়ও বিয়া বংআগিবা সীলমোহরখো ফি·জক উনো আংআ গি·সা গানচিনি খা·মাও ইন্দাকগিবা মান্দিরাংনি গিসিকখো নিকনা মান·জক জেরাংখো ইসলনি খাৎথানি গিম্মিন আরো সাক্ষি হ·ন্নানি গিম্মিন স·ওতে গালজকমিং।

ফারাকগিবা খাৎথা 7:14

আংআ বিনা আগানজক, “নিবো, উখো না·আন হা·আইয়া।” বিয়া আংনা আগানজক, “উয়া বিল্লংআ দুকওনি জেরাং রি·বাজক ইরাং বিসংআন। ইরাং আন·থাংনি চলাখো মেষ বি·সানি হান·চিও সু·গালে গিব্বকেতজক।