ফারাকগিবা খাৎথা 1:7 - Garo New Testament

⁷ নিবো, বিয়া গাদিলাও দাক্কে রি·বাংজক। গিম্মিক মিক্রোন বিখো নিকনুয়া; জেরাং বিখো সু·আমিং বিসংবা নিকনুয়া আরো হা·গিলসাকনি গিম্মিক জাত বিনা রাক্কে রাক্কে গ্রাপনুয়া। ইন্দাকেন হং·খানা, আমেন।

ফারাকগিবা খাৎথা 1:7 Iomraidhean Croise

মথিনি চকগিবা নাম্মা খাৎথা 16:27

মান্দিনি দেফান্থি আন·থাংনি সা·গ্রেরাংমুং বিনি ফাআনি রাসংও রি·বাংজক। উনসালো বিয়া মান্দি গিম্মিকনান আন·থাংথাংনি কামনি বিথিখো হ·ন্নুয়া।

মথিনি চকগিবা নাম্মা খাৎথা 16:28

আংআ না·সংনা বিবিন আগানিংআ, মান্দিনি দেফান্থিনি রাজা হং·এ রি·বাখো নিকখুজানা দিপ্পাৎ ইনো দংগিবারাংওনি মিত্তামরাং সিখুজানুয়া।”

মথিনি চকগিবা নাম্মা খাৎথা 24:30

উনোন সিলগাও মান্দিনি দেফান্থিনি চিনখো নিকনা মা·ন্নুয়া। উনো হা·গিলসাকনি গিম্মিক মান্দি দুক হং·এ খা·আখো দকনুয়া। বিসং মান্দিনি দেফান্থিখো বিল আরো রাসংখো রা·এ গাদিলাও দাক্কে রি·বাখো নিকনুয়া।

মথিনি চকগিবা নাম্মা খাৎথা 25:31

“জেনসালো মান্দিনি দেফান্থি গিম্মিক সা·গ্রেরাংখো রা·এ আন·থাংনি রাসংও রি·বানুয়া উনসালো রাজা হং·এ আন·থাংনি রাসংনি সিংহাসনও আসংনুয়া।

মথিনি চকগিবা নাম্মা খাৎথা 26:64

উনো যীশু বিনা আগানজক, “হো·এ, না·আ খাকখেৎখোন আগানজক। ইন্দাকোবা আংআ না·সংনা ইখোবা আগানিংআ, ইনি জা·মানো না·সং মান্দিনি দেফান্থিখো বিল্লাকবাৎগিবা ইসলনি জাক্রাচা আসংআখো নিকনা মা·ন্নুয়া আরো গাদিলাও দাক্কে রি·বাখো নিকনুয়া।”

মার্ক 13:26

উনোন মান্দিরাং মান্দিনি দেফান্থিখো বাং·আ বিল আরো রাসংখো রা·এ গাদিলাও দাক্কে হা·গিলসাকোনা রি·বাখো নিকনা মা·ন্নুয়া।

মার্ক 14:62

যীশু আগানজক, ‘‘আংআন উয়া। না·সং বিল্লাকবাৎগিবা ইসলনি জাক্রাচা মান্দিনি দেফান্থিখো আসংএ দংআখো নিকনুয়া আরো সিলগানি গাদিলাও দাক্কে রি·বাখো নিকনা মা·ন্নুয়া।’’

লূকনি চকগিবা নাম্মা খাৎথা 21:27

উয়া সময়ও মান্দিনি দেফান্থিখো বাং·আ বিল আরো রাসংখো রা·এ গাদিলাও দাক্কে রি·বাখো নিকনুয়া।

যোহননা 19:34

ইন্দিবা সিপাই সাকসা বিনি অকসামবেংখো সু·জক, আরো উনোন উয়োনি হান·চি আরো চি হং·খাতবাজক।

যোহননা 19:37

দা·আবা শাস্ত্রনি দা·আও মিংসা খাৎথা ইয়ান- “জেখো বিসং সু·জক বিচাখো বিসং নিএতনুয়া।”

1 থিষলনীকী 1:10

আরো সালগিওনি বিনি দেফান্থিনি রি·বানি গিম্মিন সেংসোনা মা·ন্না। উয়া দেফান্থিন হং·জক যীশু, জেখো বিয়া সিয়াওনি থাংচাএতামিং। ইসলনি জে শাস্তি রি·বাংজক উয়া শাস্তিওনি ইয়া যীশুন আনচিংখো জক্কেৎনুয়া।

1 থিষলনীকী 4:17

উনি জা·মানো আনচিং জেরাং থাংএ দংখুনুয়া, আনচিংখোবা সিলগাচা গিত্তেলমুং আপসান হং·না ইন্নে বিসংমুং গাদিলাও দাক্কে দি·দোএ রা·আংনুয়া। আরো ইন্দাকে ফাংনাজলনা আনচিং গিত্তেলমুং দংনুয়া।

ইব্রীয়রাংনা 10:29

ইন্দাকোদে ইসলনি দেফান্থিখো জেআন মিৎচিজক, জে হান·চিচা বিয়া রংথালজক ইসলনি উয়া খু·রাচাক্কানি হান·চিখো জেআন মারাং নাংআ চানচিজক আরো জেআন খা·সাচাক্কা উয়া গিসিক রংথালগিবাখো জেআন চন্নিকজক, চানচিয়ে নিবো, বিয়া আরোবা বাসিক শাস্তিখো মা·ন্না খ্রাগিবা হং·আ!

ইব্রীয়রাংনা 6:6

আরো উনি জা·মানো খ্রীষ্টওনি ফি·ল্লে রি·য়াংজক, বিসংখো দা·আবা গিত্তাল দাক্কে গিসিক ফি·ল্লানি রামাও রিমবানা মান·জা। ইয়াদে হং·না মান·জা, মুয়ানা বিসং আন·থাংআন ইসলনি দেফান্থিখো দা·আবা চিসলো দাৎখাপিংজক আরো গিম্মিকনি মিকখাংও বিখো মান্দিরা·জাংজক।

1 যোহন 3:2

খা·সাগিবা বি·সারাং, দা·আও আনচিং ইসলনি দেদ্রাং হং·আ, ইন্দিবা জা·মানো মুয়া হং·নুয়া উখো দা·আওবা ফারাকখুজা। ইন্দিদে আনচিং হা·আইয়া, খ্রীষ্ট জেনসালো ফারাকনুয়া উনো আনচিং বিগিত্তান হং·নুয়া, মুয়ানা বিয়া আদতে জেগিত্তা হং·আ, উয়া বিমাংওন আনচিং বিখো নিকনা মা·ন্নুয়া।

যিহূদা 1:14

আদমনি চাসং স্নিগিবা মি·আসা হনোক ইয়া মান্দিরাংনি বিদিংও স্খাংআন আগানামিং, “নিবো, গিত্তেল বিনি হাজাল হাজাল রংথালগিবা সা·গ্রেরাংখো রা·এ দিমদাকখো বিচাল দাকনা রি·বাংজক, আরো খা·ফাকাগ্রি মান্দিরাং খা·ফাকগিজা দাক্কে জে নামগিজা কামরাংখো দাকজক আরো উয়া খা·ফাকাগ্রি পাপীরাং গিত্তেলনি সাক্কাও জে রাক্কা খাৎথারাংখো আগানজক উনি গিম্মিন বিয়া বিসংখো দোস হ·ন্না রি·বাংজক।”

ফারাকগিবা খাৎথা 22:20

জেআন ইরাংনি বিদিংও সাক্ষি হ·ন্নিংজক বিয়া আগানিংজক, “বিবিন আংআ থেংরিন রি·বাংজক।” আমেন। গিত্তেল যীশু, রি·বাবো।

ফারাকগিবা খাৎথা 22:4

বিসং বিনি মিকখাংখো নিকনা মান·নুয়া আরো বিনি বিমিং বিনি কপালও লিক্ষিয়া দংনুয়া।