ফারাকগিবা খাৎথা 1:4 - Garo New Testament

^4-5 আংআ যোহন এশিয়া হা·দকনি গি·স্নি মন্ডলীচা চক্কিংজক। জেআন দংআ, জেআন দংআমিং আরো জেআন রি·বাংজক বিয়া আরো বিনি সিংহাসননি মিকখাংও জে সাকস্নি গিসিক দংআ বিসং আরো যীশু খ্রীষ্ট না·সংনা খা·সাচাকখানা আরো থম·থমাখো হন·খানা। যীশুআন বিবিগিবা সাক্ষি আরো সিয়াওনি বিয়ান স্খাং থাংচামিং আরো বিয়ান হা·গিলসাকনি রাজারাংখো শাসন দাকগিবা হং·আ। বিয়া আনচিংনা খা·সা আরো আন·থাংনি হান·চিচা পাপওনি আনচিংখো জক্কেৎজক।

ফারাকগিবা খাৎথা 1:4 Iomraidhean Croise

যোহননা 1:1

চেংওন খাৎথা দংআমিং, খাৎথা ইসলমুং দংআমিং আরো খাৎথা আন·থাংআন ইসলমিং।

ওয়াত্তেতারাংনা 19:10

বিলসিগ্মি ইন্দাকেন হং·জক। উনি গিম্মিন এশিয়া হা·দকো দংগিবা যিহূদী আরো গ্রীকরাং গিম্মিকান গিত্তেলনি খাৎথাখো খিন্নানা মান·জক।

ওয়াত্তেতারাংনা 2:9

পার্থীয়, মাদীয়, এলমীয় মান্দি আরো মেসোপতেমিয়াও সংদংগিবা মান্দিরাং, যিহূদিয়া আরো কাপ্পাদকিয়া, পন্ত আরো এশিয়া হা·দক,

রোমানরাংনা 1:7

রোম সংজিলমাও জে মান্দিরাংখো ইসল খা·সাজক আরো বিনি আন·থাংনি মান্দি হং·না রিক্কামজক বিসং গিম্মিকচান, আগানস্খাওদে না·সংচান আংআ ইয়া চিঠিখো চক্কিংজক। আনচিংনি ফা ইসল আরো গিত্তেল যীশু খ্রীষ্ট না·সংনা খা·সাচাকখানা আরো থম·থমাখো হন·খানা।

1ম করিন্থীয়রাংনা 1:3

আনচিংনি আপফা ইসল আরো গিত্তেল যীশু খ্রীষ্ট না·সংনা খা·সাচাকখানা আরো থম·থমাখো হন·খানা।

2য় করিন্থীয়রাংনা 1:2

আনচিংনি ফাগিবা ইসল আরো আনচিংনি গিত্তেল যীশু খ্রীষ্ট না·সংনা খা·সাচাকখানা আরো থম·থমাখো হন·খানা।

ইব্রীয়রাংনা 13:8

যীশু খ্রীষ্ট রি·য়াংগিবা সালো জেগিত্তা দংআমিং, দা·আলবা উগিত্তান দংআ আরো জ্রিংজ্রৎনা উগিত্তান দংনুয়া।

যাকোব 1:17

জাংগিনি দিমদাক নিথোগিবা আরো নামবাৎগিবা র·ন্নানিরাং সালগিচানি রি·বাআ; আরো উয়া ইসলচানি রি·বাআ, বিয়ান গিম্মিক থেং·সুয়ানি ফাগিবা হং·আ। বিয়া থম·থমগিজাগিবা জাগ্রিং গিত্তা দাকফিল্লে রি·য়াংজা।

ফারাকগিবা খাৎথা 1:1

ইয়া খি·তাপও জেরাংখো চক্কা হং·জক উরাংখো যীশু খ্রীষ্টআন ফারাকজক। ইয়া বিদিংরাংখো ইসল খ্রীষ্টচা ফারাকামিং, জেদাক্কে বাং·গিজা সালরাংনি গিসেপোন জেরাং হং·না রি·য়াংইংজক উখো বিয়া বিনি নকখলরাংনা আগানা। খ্রীষ্ট বিনি সা·গ্রেখো ওয়াত্তেতি বিনি নকখল যোহননা ইয়া বিদিংরাংখো আগানামিং।

ফারাকগিবা খাৎথা 1:11

বিয়া আংনা আগানজক, “জেখো নিকনুয়া উখো গি·সা খি·তাপও চকবো, আরো উখো ইফিষ, স্মূর্ণা, পর্গাম, থুয়াতীরা, সার্দ্দি, ফিলাদিল্‌ফিয়া আরো লায়দিকেয়া- ইয়া দামস্নি সংজিলমানি গি·স্নি মন্ডলীরাংচা ওয়াত্তেতবো।”

ফারাকগিবা খাৎথা 1:17

বিখো নিক্কে আংআ সিয়া গিত্তা বিনি জা·চকনি কেচ্চিও গা·আকাংআরিজক। উনো বিয়া বিনি জাক্রা জাকখো আংনি সাক্কাও দন্নে আগানজক, “দা·আ খেন্নাবো। আংআন স্খাংগিবা আরো বন·চতগিবা,

ফারাকগিবা খাৎথা 1:20

জে বলস্নি সোনানি গাসাখো আরো আংনি জাক্রা জাক্কো জে রংস্নি আস্কিখো না·আ নিকজক উনি নিং·থুয়া অর্থ ইয়ান- উয়া রংস্নি আস্কি হং·জক গি·স্নি মন্ডলীনি সাকস্নি সা·গ্রে আরো বলস্নি গাসা হং·জক উয়া গি·স্নি মন্ডলী।

ফারাকগিবা খাৎথা 1:8

গিত্তেল ইসল আগানিংজক, “আংআন উয়া আল্‌ফা আরো ওমিগা জেআন দংআ, জেআন দংআমিং আরো জেআন রি·বাংজক। আংআন বিল্লাকস্রাংগিবা।”

ফারাকগিবা খাৎথা 1:9

আংআ না·সংনি জংআদা যোহন; যীশুমুং নাংরিমে আংআ না·সংমুং আপসান দুকখো, আপসান সংনকখো আরো আপসান চাকচিকানি বাকখো মান·ফাগিবা হং·জক। ইসলনি খাৎথা আরো যীশুনি সাক্ষিনি বিদিংও আগানফ্রাকামিং ইন্নে আংখো পাট্‌ম চিচাংচা রা·আংএ দন্নামিং।

ফারাকগিবা খাৎথা 16:5

চিনি সাক্কাও জে সা·গ্রেনি বিল দংআমিং আংআ বিখো ইয়া খাৎথাখো আগানাখো খিন্নাজক: “ও রংথালগিবা, না·আ দংআ আরো না·আ দংআমিং। না·আ খাকখেৎগিবা, মুয়ানা না·আ ইয়া শাসিখো হন·জক।

ফারাকগিবা খাৎথা 2:12

“পর্গাম সংজিলমানি মন্ডলীনি সা·গ্রেচা ইয়া খাৎথাখো চকবো- জে মি·ল্লাম সামগ্মিচা মাত্তা উনি নকগিবা ইয়া খাৎথাখো আগানিংজক:

ফারাকগিবা খাৎথা 2:18

“থুয়াতীরা সংজিলমানি মন্ডলীনি সা·গ্রেচা ইয়া খাৎথাখো চকবো- ইসলনি দেফান্থি, জেনি মিক্রোন ওয়াল·স্রি গিত্তা আরো জা·চক নাম্মেন চিং·ব্রাপা পিতল গিত্তা দাক্কা বিয়া ইয়া খাৎথাখো আগানিংজক:

ফারাকগিবা খাৎথা 2:8

“স্মূর্ণা সংজিলমানি মন্ডলীনি সা·গ্রেচা ইয়া খাৎথাখো চকবো- জেআন স্খাংগিবা আরো বন·চতগিবা, জেআন সিয়ামিং আরো থাংচাজক, বিয়া ইয়া খাৎথাখো আগানিংজক:

ফারাকগিবা খাৎথা 22:16

“আংআ যীশু আংনি সা·গ্রেখো ওয়াত্তেতজক জেদাক্কে বিয়া না·সংচা মন্ডলীরাংনা ইরাংনি বিদিংও সাক্ষি হন·না মান·না। আংআ দায়দনি জা·দিল আরো মা·চং, ফ্রিংনি চিং·গিবা আস্কি হং·আ।”

ফারাকগিবা খাৎথা 22:8

আংআ যোহন ইরাংখো খিন্নাজক আরো নিকজক। গিম্মিকখো খিন্নানি আরো নিক্কানি জা·মানো, জে সা·গ্রে আংনা ইরাংখো ফিন্নিকজক আংআ বিখো সালাম দাকনা বিনি জা·চকও থুচিকপজক।

ফারাকগিবা খাৎথা 3:1

“সার্দি সংজিলমানি মন্ডলীনি সা·গ্রেচা ইয়া খাৎথাখো চকবো- ইসলনি সাকস্নি গিসিকখো আরো আস্কি রংস্নিখো জেআন রি·ম্মে দংআ বিয়া ইয়া খাৎথাখো আগানিংজক: আংআ নাং·নি কামনি খাৎথাখো হা·আইয়া। থাংএ দংআ ইন্নে নাং·খো হা·আইয়া, ইন্দিবা আদতে না·আ সিজক।

ফারাকগিবা খাৎথা 3:14

“লায়দিকেয়া সংজিলমানি মন্ডলীনি সা·গ্রেচা ইয়া খাৎথাখো চকবো- জেআন আমেন, জেআন বিবিরা·না খ্রাগিবা আরো বিবিগিবা সাক্ষি, জেআন ইসলনি থারিয়ানি জা·ফাং, বিয়া ইয়া খাৎথাখো আগানিংআ: আংআ নাং·নি কামনি খাৎথাখো হা·আইয়া।

ফারাকগিবা খাৎথা 3:7

“ফিলাদিল্‌ফিয়া সংজিলমানি মন্ডলীনি সা·গ্রেচা ইয়া খাৎথাখো চকবো- জেআন রংথালগিবা আরো বিবিগিবা, জেচা দায়ূদনি চাবি দংআ, জেনি এংজোকনো দারাংবা চিপনা মান·জা আরো চিপজোকনো দারাংবা এংনা মান·জা,

ফারাকগিবা খাৎথা 4:5

উয়া সিংহাসনওনি মিকখা রিপরাপা, খু·রাং আরো মিকখা খিম্‌প্রেতানি গা·ম্মা হং·খাতিংআমিং। সিংহাসননি মিকখাংও গি·স্নি চাক্কি চিং·ইংআমিং। উয়া চাক্কিরাং হং·জক ইসলনি সাকস্নি গিসিক।

ফারাকগিবা খাৎথা 4:8

ইয়া সাকব্রি জাংগিগ্মাংগিবানি দিমদাকনি গি·দক দাক্কে গ্রাং দংআমিং আরো উনি বে·এন দিমদাকও মিক্রোন গাপ্পামিং। উরাং সালওয়াল ইন্দাকে খাৎথা আগানিংআমিং, “বিল্লাকস্রাংগিবা গিত্তেল ইসল, জেআন দংআমিং, জেআন দংআ আরো জেআন রি·বাংজক, বিয়া রংথালা, রংথালা, রংথালা।”

ফারাকগিবা খাৎথা 5:6

সাকব্রি জাংগিগ্মাংগিবা আরো মি·আফারাংনি জাংচিও দংগিবা সিংহাসননি সাক্কাও সাকসা মেষ বি·সাখো আংআ চাদেংএ দংআখো নিকজক। উয়া মেষ বি·সাখো স·ওতে গালজকমিংখোন ইন্নে আংআ চানচিংআমিং। উয়া মেষ বি·সানি গ্রং গং·স্নি আরো মিক্রোন রং·স্নি দংআমিং। ইসলনি জে সাকস্নি গিসিকখো হা·গিলসাকনি হা·দাম দিমদাকচা ওয়াত্তেতিংআ ইয়া মিক্রোনরাং হং·জক উয়া সাকস্নি গিসিক।

ফারাকগিবা খাৎথা 8:2

জে সাকস্নি সা·গ্রে ইসলনি মিকখাংও চাদেংএ দংআ আংআ বিসংখো নিকনা মান·জক। বিসংনি জাক্কো গি·স্নি সিংগা হন·জক।