ফারাকগিবা খাৎথা 1:3 - Garo New Testament

³ ইসলনি খাৎথা জেখো ইনো চক্কা হং·জক, জেআন উখো পড়িয়া বিয়া ফাত্তিয়া মান·গিবা হং·আ আরো জেরাং উখো খিন্নাআ আরো মানিয়া বিসংবা ফাত্তিয়া মান·গিবা হং·আ, মুয়ানা সাল সেফাংজক।

ফারাকগিবা খাৎথা 1:3 Iomraidhean Croise

মথিনি চকগিবা নাম্মা খাৎথা 24:15

“আগানসোগিবা দানিয়েল জে মিৎচিগিবা বস্তুরাংনি খাৎথাখো আগানসোআমিং উখো রংথালগিবা হা·দামও দন্নাখো নিকনা মা·ন্নুয়া। (পড়িগিবা হা·আইখানা।)

লূকনি চকগিবা নাম্মা খাৎথা 11:28

ইন্দিবা যীশু আগানজক, “ইনাবাত্তে ইসলনি খাৎথাখো খিন্নাগিবা আরো উগিত্তা কাম দাকগিবারাংআন ফাত্তিয়াখো মান·গিবা হং·আ।”

রোমানরাংনা 13:11

দা·আনোনি জেখো আগানজক, দা·আওনি সালখো হা·আইএ উগিত্তান রি·বো। থুয়াওনি চাখাতানি সময় হং·জক, মুয়ানা জেনসালো আনচিং বিবিরা·আমিং উয়া সালনা বাত্তে দা·আওন জক্কানি সাল সেফাংও সকবাজক।

রোমানরাংনা 13:12

ওয়াল ব·ন্না হা·ম্মিংজক, সেং·না হাম·বাংজক; ইনি গান্দা হাই, আনচিং আন্দালানি কামখো গাল্লে সেং·আনি জাকরিমরারাংখো রা·না।

পিতর 4:7

দা·আও গিম্মিকনি বন·খামগিবা সাল সেফাংজক। উনি গিম্মিন না·সংনি গিসিকখো খেম·খেম দনবো আরো আন·থাংথাংখো বাম্মেতে দনবো জেদাক্কে বি·না মা·ন্না।

২ পিতর 3:8

ইন্দিবা খা·সাগিবা জংআদারাং, ইয়া খাৎথাখোদে দা·আ গুয়ালাবো, গিত্তেলচা সালসাদে বিলসি হাজালসা গিত্তা হং·আ আরো বিলসি হাজালসাদে সালসা গিত্তা হং·আ।

ফারাকগিবা খাৎথা 22:10

জা·মানো বিয়া আংনা আগানজক, “ইয়া খি·তাপনি গিম্মিক খাৎথা, আগানস্খাওদে ইসলনি খাৎথাখো না·আ দা·আ থুম্মুয়ে দন্নাবো, মুয়ানা সাল সকবাজক। অন্যায় দাকগিবা, ইনি জা·মানোবা বিয়া অন্যায় দাকখানা;

ফারাকগিবা খাৎথা 22:12

যীশু আগানিংজক, “নিবো, আংআ থেংরিন রি·বাংজক আরো গিম্মিকনা বিনি কামনি খ্রি হন·নানি বকসিস আংচান দংআ।

ফারাকগিবা খাৎথা 22:20

জেআন ইরাংনি বিদিংও সাক্ষি হ·ন্নিংজক বিয়া আগানিংজক, “বিবিন আংআ থেংরিন রি·বাংজক।” আমেন। গিত্তেল যীশু, রি·বাবো।

ফারাকগিবা খাৎথা 3:11

আংআ থেং·রিন রি·বাংজক। নাং·নি দংগিবাখো রাক্কে রি·ম্মে দনবো, জেদাক্কে নাং·নি হাম্মানি বকসিসখো দারাংবা রা·সেকে রা·জা।