ফারাকগিবা খাৎথা 1:16 - Garo New Testament

¹⁶ বিয়া বিনি জাক্রানি জাক্কো রংস্নি আস্কিখো রি·ম্মে রা·রিকামিং আরো বিনি খু·সুকোনি গি·সা মি·ল্লাম হং·খাতে রি·বাংআমিং জেনি সামগ্মিওন মাত্তা দংআমিং। বিনি মিকখাং-বিমাং সাল গিত্তান দাক্কামিং।

ফারাকগিবা খাৎথা 1:16 Iomraidhean Croise

মথিনি চকগিবা নাম্মা খাৎথা 17:2

বিসংনি মিকখাংও যীশুনি মিকখাং বিমাং দিংথাং হং·জক। বিনি মিকখাং সাল গিত্তা থেং·সুজক আরো

ওয়াত্তেতারাংনা 26:13

ও দাল·বাৎগিবা রাজা, উনো সালজাচ্চি হং·না হা·ম্মিংজকমিং। রামা রি·মিত্তিংও সালনা বাত্তে চিং·গিবা সেং·আ সালগিওনি আংনি আরো আংনি রিপ্পেংরাংনি সামব্রিও চিং·চিপজক।

ইফিষীয়রাংনা 6:17

স্খুখো রাক্ষিনা ইন্নে ইসলনি রন·গিবা জক্কেতাখো স্খুও র·ন্নে গিসিক রংথালগিবানি মি·ল্লামখো, আগানস্খাওদে ইসলনি খাৎথাখো রা·চাকবো।

ইব্রীয়রাংনা 4:12

ইসলনি খাৎথা থাংগিবা আরো কাম হং·এতগিবা আরো সামগ্মি গিত্তান মাৎগিবা মি·ল্লামনা বাত্তেবা মাত্তা। ইয়া খাৎথা মান্দিনি গিসিক-খা·থং আরো গ্রেংজলজলও থিং·নাপে মাত্তা-বুআ আরো মান্দিনি খা·থংনি গিম্মিক হা·সিকা আরো চানচিয়াখো পরীক্ষা দাক্কে নিআ।

ফারাকগিবা খাৎথা 1:20

জে বলস্নি সোনানি গাসাখো আরো আংনি জাক্রা জাক্কো জে রংস্নি আস্কিখো না·আ নিকজক উনি নিং·থুয়া অর্থ ইয়ান- উয়া রংস্নি আস্কি হং·জক গি·স্নি মন্ডলীনি সাকস্নি সা·গ্রে আরো বলস্নি গাসা হং·জক উয়া গি·স্নি মন্ডলী।

ফারাকগিবা খাৎথা 10:1

উনি জা·মানো আংআ দা·আও সাকসা বিল্লাকগিবা সা·গ্রেখো সালগিওনি হং·ওনবাআখো নিকজক। বিনি গানদিং-চিনদিং গাদিলা, আরো বিনি স্খু সাক্কাও সুনদারে দংআমিং। বিনি মিকখাং সাল গিত্তা আরো বিনি জা·চক ওয়া·আলনি খ্রং গিত্তা দাক্কামিং।

ফারাকগিবা খাৎথা 12:1

জা·মানো সালগিও মিংসা দাল·গিবা চিনখো নিকনা মান·জক- সাকসা মিচিক, জেনি গানদিংচিনদিং সালমিং আরো জা·চক কক্ষুমাও জাজং দংআমিং। রংচিগ্মি আস্কিচা থারিয়া গি·সা মুকুট বিনি স্খুও দংআমিং।

ফারাকগিবা খাৎথা 19:15

বিয়া জেদাক্কে গিম্মিক জাতরাংখো দকনা মান·না উনি গিম্মিনো বিনি খু·সুকওনি গি·সা মাতগিবা মিল্লাম হং·খাতবাংআমিং। বিয়া সিলনি গল·দিকচা গিম্মিক জাতখো শাসন দাকনুয়া আরো আংগুর মাড়াই দাক্কানি হা·খলও বিয়া জা·চকচা আংগুরখো গা·বেকবেকনুয়া। ইয়া আংগুর মাড়াই দাক্কানি হা·খল হং·জক বিল্লাকস্রাংগিবা ইসলনি খা·আও নাংআ।

ফারাকগিবা খাৎথা 19:21

জেআন উয়া গিব্বক ঘোড়ানি সাক্কাও আসংএ দংআমিং বিনি খু·সুকওনি জে মিল্লাম হং·খাতবামিং উচা বিসংনি গিপ্পিন রিপ্পেংরাংখো স·ওতে গাল্লা হং·জক। উনি গিম্মিন দো·ওরাং বিকমা গাপ্পে বিসংনি বে·এনখো চা·জক।

ফারাকগিবা খাৎথা 2:1

“ইফিষ সংজিলমানি মন্ডলীনি সা·গ্রেচা ইয়া খাৎথাখো চকবো- জেআন বিনি জাক্রা জাক্কো রংস্নি আস্কিখো রি·ম্মে সোনানি বলস্নি গাসানি জাংচিও রি·রোরোআ বিয়া ইয়া খাৎথাখো আগানিংজক:

ফারাকগিবা খাৎথা 2:12

“পর্গাম সংজিলমানি মন্ডলীনি সা·গ্রেচা ইয়া খাৎথাখো চকবো- জে মি·ল্লাম সামগ্মিচা মাত্তা উনি নকগিবা ইয়া খাৎথাখো আগানিংজক:

ফারাকগিবা খাৎথা 2:16

ইনি গিম্মিন ইন্দাকা অবস্থাওনি গিসিক ফিল·বো। গিসিক ফিল·জাওদে আংআ থেংরিন নাং·চা রি·বানুয়া আরো আংনি খু·সুকনি মি·ল্লামচা বিসংমুং দাকগ্রিকনুয়া।

ফারাকগিবা খাৎথা 3:1

“সার্দি সংজিলমানি মন্ডলীনি সা·গ্রেচা ইয়া খাৎথাখো চকবো- ইসলনি সাকস্নি গিসিকখো আরো আস্কি রংস্নিখো জেআন রি·ম্মে দংআ বিয়া ইয়া খাৎথাখো আগানিংজক: আংআ নাং·নি কামনি খাৎথাখো হা·আইয়া। থাংএ দংআ ইন্নে নাং·খো হা·আইয়া, ইন্দিবা আদতে না·আ সিজক।