ফারাকগিবা খাৎথা 1:1 - Garo New Testament

¹ ইয়া খি·তাপও জেরাংখো চক্কা হং·জক উরাংখো যীশু খ্রীষ্টআন ফারাকজক। ইয়া বিদিংরাংখো ইসল খ্রীষ্টচা ফারাকামিং, জেদাক্কে বাং·গিজা সালরাংনি গিসেপোন জেরাং হং·না রি·য়াংইংজক উখো বিয়া বিনি নকখলরাংনা আগানা। খ্রীষ্ট বিনি সা·গ্রেখো ওয়াত্তেতি বিনি নকখল যোহননা ইয়া বিদিংরাংখো আগানামিং।

ফারাকগিবা খাৎথা 1:1 Iomraidhean Croise

যোহননা 12:49

মুয়ানা আংআদে আন·থাংওনি মামুংখো আগানজা, ইন্দিবা আংখো ওয়াত্তেতগিবা উয়া আপফান আংখো মুয়াখো আগান্না নাংনুয়া উখো গি·য়েৎজক।

যোহননা 15:15

আংআ না·সংখো নকখল ইনজানাজক, মুয়ানা নকগিবানি দাক্কাখো নকখল হা·আইজা; ইন্দিবা আংআ না·সংখো রিপ্পেংরাং ইনজক, মুয়ানা আংআ আপফাচাখো খিন্নাগিবারাংখো না·সংনা হা·আইএতজক।

যোহননা 17:8

মুয়ানা, নাং·নি ইনখানা আগানগিবাখো আংআ বিসংনা আগানজক। বিসং উখো রা·চাকে বিবিন হা·আইনা মান·জক, আংআ নাং·ওনি রি·বাজক, আরো না·আন আংখো ওয়াত্তেতজক ইন্নে বিবিবারা·জক।

যোহননা 3:32

বিয়া জেখো নিকজক আরো খিন্নাজক উখোন সাক্ষি হ·ন্না, ইন্দিবা দারাংবা বিনি সাক্ষিখো রা·চাকজা।

যোহননা 8:26

না·সংনি গিম্মিন আগান্না আরো বিচাল দাক্কে নিনা গিত্তা আংও বাং·এন দংআ। ইন্দিবা আংখো ওয়াত্তেতগিবাও বু·আনি দংজা; আংআ বিচানিখো জেখো খিন্নাংআ উখোন মান্দিনা আগানা।”

রোমানরাংনা 16:25

যীশু খ্রীষ্টনি গিম্মিন জে নাম্মা খাৎথাখো আংআ আগানফ্রাকা না·সংখো উয়া নাম্মা খাৎথাও খেম·খেম দন্নানি বিল ইসলনি দংআ। বাং·আ চাসংনা দিপ্পাৎ ইসল বিনি সিউল দনগিবা মিকসংআনিখো দারাংনাবা আগানখুজা,

গালাতীয়রাংনা 1:12

আংআ মান্দিচাখো উখো মান·জা বা দারাংবা আংনা উখো স্খিজা, বাত্তেসা যীশু খ্রীষ্ট আন·থাংআন আংনা উখো ফারাকামিং।

ইফিষীয়রাংনা 3:3

বিনি নিং·থুয়া মিকসংআখো বিয়া মংসংগিবা ফারাকাচা আংনা আগানজক, আরো ইনি গিম্মিনো আংআ না·সংচা অকখিসা খু·সুকচা চকজক।

তীতনা 1:1

আংআ পৌল ইসলনি নকখল আরো যীশু খ্রীষ্টনি সাকসা ওয়াত্তেতা হং·জক, জেদাক্কে আংআ ইসলনি বাচ্ছিয়ে রা·গিবা মান্দিরাংখো বিবিরা·আনি রামাচানা রিমবানা মা·ন্না, আরো ইসলনা বাম্মামুং জে বিবি দংফা উয়া বিবিখো হা·আইখানা বিসংনা দাকচাকনা মা·ন্না।

ফারাকগিবা খাৎথা 1:19

ইনি গিম্মিন না·আ জেখো নিকজক, দা·আও জেরাং হং·ইংজক আরো ইরাংনি জা·মানো জেরাং হং·নুয়া উরাংখো চক্কে দনবো।

ফারাকগিবা খাৎথা 1:9

আংআ না·সংনি জংআদা যোহন; যীশুমুং নাংরিমে আংআ না·সংমুং আপসান দুকখো, আপসান সংনকখো আরো আপসান চাকচিকানি বাকখো মান·ফাগিবা হং·জক। ইসলনি খাৎথা আরো যীশুনি সাক্ষিনি বিদিংও আগানফ্রাকামিং ইন্নে আংখো পাট্‌ম চিচাংচা রা·আংএ দন্নামিং।

ফারাকগিবা খাৎথা 17:1

জে সাকস্নি সা·গ্রেনি জাক্কো গি·স্নি দনচাক্রা দংআমিং বিসংওনি সাকসা রি·বাএ আংনা আগানজক, “চিনি সাক্কাও জে দাল·গিবা দারি আসংএ দংআ, রি·বা, বিনি শাসিখো আংআ নাং·না ফিন্নিকনা।

ফারাকগিবা খাৎথা 19:10

উনো আংআ উয়া সা·গ্রেনি জা·চকও থুচিকোপে বিখো ইসল চাচাএ মান্দিরা·এ অলাখিজক। ইন্দিবা বিয়া আংনা আগানজক, “ইয়া মুয়াখো দাক্কিংআ? আংআ নাং·নি গিত্তা নকখল হং·ফা। ইসলখোন অলাখিবো। নাং·নি বিবিরা·গিবা জংআদারাং, জেরাং যীশুনি স্খিয়াখো রিম·মে রা·রিকা/মানিয়া, আংআ বিসংনিন সাকসা হং·আ। যীশুনি স্খিয়ান আগানসোগিবারাংনি স্খিয়ানি চং·মত হং·আ।”

ফারাকগিবা খাৎথা 19:9

জা·মানো উয়া সা·গ্রে আংনা আগানজক, “ইয়া খাৎথাখো লিক্ষিবো, ‘মেষ-বি·সানি বিয়ানি চা·আও জেরাংনা আগানা বিসং ফাত্তিয়াখো মান·গিবা হং·আ।’ ” বিয়া ইয়া খাৎথাখোবা আগানজক, “ইরাং ইসলনিন খাৎথা আরো ইয়া বিবি হং·আ।”

ফারাকগিবা খাৎথা 21:2

জা·মানো আংআ উয়া রংথালগিবা সংজিলমাখো, আগানস্খাওদে গিত্তাল যিরূশালেমখো সিলগাওনি আরো ইসলওনি হং·খাতে রি·বাখো নিকজক। মিচিকখো জেগিত্তা বিনি চাওয়ারিনা থারিয়ে দন্না, ইয়া সংজিলমাখোবা উগিত্তান থারিয়ামিং।

ফারাকগিবা খাৎথা 21:9

জে সাকস্নি সা·গ্রেনি জাক্কো বন·চতগিবা সাবিসি গাপ্পা গি·স্নি দনচাক্রা দংআমিং বিসংওনি সাকসা আংচা রি·বাএ আগানজক, “রি·বা, আংআ নাং·না মিচিক, আগানস্খাওদে মেষ-বি·সানি জিকগিবাখো ফিন্নিকনা।”

ফারাকগিবা খাৎথা 22:1

জা·মানো উয়া সা·গ্রে জাংগিনি চিনি চিবিমাখো আংনা ফিন্নিকজক। উয়া ক্রিস্টাল গিত্তা গ্রিকামিং আরো ইসলনি আরো মেষ-বি·সানি সিংহাসনওনি হং·খাতে সংজিলমানি রামা জাংচিও চিবিমা দংআমিং। উয়া চিবিমানি সামগ্মি রিক্কামওন বলজাংগি দংআমিং। উয়ো চি·গ্মি বিথি নাংআ। জা রিক্ষিতান উয়ো বিথি নাংআ আরো উনি বিজাকচা গিম্মিক জাতনি মান্দি নাম্মিংআ। সাও আরবা দংজানুয়া।

ফারাকগিবা খাৎথা 22:16

“আংআ যীশু আংনি সা·গ্রেখো ওয়াত্তেতজক জেদাক্কে বিয়া না·সংচা মন্ডলীরাংনা ইরাংনি বিদিংও সাক্ষি হন·না মান·না। আংআ দায়দনি জা·দিল আরো মা·চং, ফ্রিংনি চিং·গিবা আস্কি হং·আ।”

ফারাকগিবা খাৎথা 22:6

জা·মানো উয়া সা·গ্রে আংনা আগানজক, “ইয়া খাৎথারাং বিবিরা·না খ্রাগিবা আরো বিবি হং·আ। গিত্তেল ইসল, জেআন আগানসোগিবারাংনি গিসেপো খাৎথা আগানামিং বিয়া বিনি সা·গ্রেখো ওয়াত্তেতজক, জেদাক্কে মিত্তাম সালনি গিসেপো জেরাং হং·না রি·য়াংইংজক উখো উয়া সা·গ্রে বিনি নকখলরাংনা ফিন্নিকনা মান·না।”

ফারাকগিবা খাৎথা 22:8

আংআ যোহন ইরাংখো খিন্নাজক আরো নিকজক। গিম্মিকখো খিন্নানি আরো নিক্কানি জা·মানো, জে সা·গ্রে আংনা ইরাংখো ফিন্নিকজক আংআ বিখো সালাম দাকনা বিনি জা·চকও থুচিকপজক।

ফারাকগিবা খাৎথা 22:9

ইন্দিবা বিয়া আংনা আগানজক, “দনবো, আংআ নাং·নি আরো নাং·নি বিবিরা·গিবা জংআদারাংনি, আগানস্খাওদে আগানসোগিবারাংনি আরো জেরাং ইয়া খি·তাপনি গিম্মিক খাৎথাখো মানিয়া বিসংমিং নকখল হং·ফা। ইসলখোন অলাখিবো।”

ফারাকগিবা খাৎথা 4:1

উনি জা·মানো আংআ সালগিনি দ·গা গি·সা এংআখো নিকনা মান·জক। সিংগা গা·ম্মা গিত্তা জেনি গিত্তকনি খু·রাংখো আংআ স্খাংও খিন্নামিং বিয়া আংনা আগানজক, “না·আ চাখাতে ইয়োনা রি·বাবো। ইরাংনি জা·মানো জেরাং হং·না হাম·বিবিংজক উখো আংআ নাং·না ফিন্নিকনুয়া।”

ফারাকগিবা খাৎথা 5:7

জা·মানো উয়া মেষ বি·সা রি·বাএ সিংহাসনও আসংএ দংগিবানি জাক্রা জাকনিখো খি·তাপখো রা·জক।