ফিলিপীয়রাংনা 4:18 - Garo New Testament

¹⁸ আংনি মা·ন্নাগিবা গিম্মিকখোন আংআ মান·জক। আংনি নাংআনি বাত্তেবা আংনি বাং·এন দংআ। ইপাফ্রদীতনি জাক্কো না·সংনি ওয়াত্তেতগিবা বকসিসখো মা·ন্নে দা·আও আংনি চু·ওংজক। ইয়া বকসিসরাং সিম্মিলা আরো রা·চাকনা খ্রাগিবা বলি হং·আ,

ফিলিপীয়রাংনা 4:18 Iomraidhean Croise

ওয়াত্তেতারাংনা 10:4

কর্ণীলিয় খেন্নে উয়া সা·গ্রেচাখো নিএ আগানজক, “আগানবো, গিত্তেল।” সা·গ্রে আগানজক, “নাং·নি বি·আ আরো দিল্লা-চন্নারাংনা নাং·নি হন·চাকারাংনি খাৎথা সালগিওনা সকবাজক আরো ইসল উখো গিসিকো রা·রিকজক।

রোমানরাংনা 12:1

ইন্দাকোদে জংআদারাং, ইসলনি ইন্দাকে খা·সারাংনান আংআ না·সংচা মংসংবাত্তে মল·মলিংআ, না·সং না·সংনি বে·এনখো থাংগিবা, রংথালগিবা আরো ইসলনি রা·চাকনা খ্রাগিবা বলি গিত্তা ইসলনি জাক্কো হন·বো। উয়ান না·সংনি খ্রাগিবা দাকচাকে হ·ন্না হং·নুয়া।

2য় করিন্থীয়রাংনা 11:8

না·সংনা দাকচাকে হ·ন্না আংআ গিপ্পিন মন্ডলীরাংচাখো থাংখা রা·জক, আগান্না রি·য়াংওদে বিসংচাখো রা·সেকজক।

2য় করিন্থীয়রাংনা 9:12

না·সংনি ইয়া কামনি হা·সেল ইসলনি মান্দিরাংনি দিল্লা দংজানুয়া ইন্দাকেসান হং·জা; ইসলনি গিম্মিন বাং·আ মান্দিরাংনি মিৎথেলাবা গাপসুয়াকনুয়া।

ইফিষীয়রাংনা 5:2

খ্রীষ্ট জেদাক্কে আনচিংখো খা·সামিং আরো আনচিংনি গিম্মিন ইসলনা মিকসংএ সিম্মিলগিবা বলি গিত্তা আন·থাংখো হন·চাকামিং, উয়ানদাক্কেন না·সংবা খা·সানি রামাও রি·বো।

ফিলিপীয়রাংনা 4:12

চু·ওংগিজাও আরো বাং·এ দংমিত্তিংও আংআ নাম্মে দংনা হা·আইয়া। বিকমা গাপ্পাও হং·খানা বা মামুং দংগিজাও হং·খানা, বাং·এ দংআও হং·খানা বা চু·ওংগিজাও হং·খানা- গিম্মিক অবস্থাওন বাদিকে দাক্কে নাম্মে দংনা মা·ন্না উখো আংআ স্খিজক।

2 থিষলনীকীয়রাংনা 1:3

জংআদারাং, না·সংনা সালাজ্রিংআন ইসলখো চিংনি মিৎথেলনা নাংআ। না·সংনি বিবিরা·আ নাম্মেন বাং·ইংজক আরো না·সং সাকসা সাকগিপ্পিননি সাক্কাও খা·সাআ গাপসুয়াকিংজক ইন্নেন চিংনি উয়া মিৎথেলাখো হ·ন্না খ্রাআ।

ইব্রীয়রাংনা 13:16

নাম্মা কামখো দাকনা আরো গিপ্পিননি দংগিজাও দাকচাকনা দা·আ গুয়ালা, মুয়ানা ইসল ইন্দাকা হন·নানিও খুসি হং·আ।