ফিলিপীয়রাংনা 2:9 - Garo New Testament

⁹ ইসল ইনি গিম্মিনান বিখো গিম্মিকনা বাত্তে চু·য়াকাও দি·দোএতজক আরো ইন্দাকা মিংসা বিমুং রন·জক জেআন গিম্মিক বিমুংনা বাত্তে দাল·বাতা,

ফিলিপীয়রাংনা 2:9 Iomraidhean Croise

মথিনি চকগিবা নাম্মা খাৎথা 11:27

‘‘দিমদাকখোন আংনি আপফা আংনি জাক্কো হন·জক। ফাগিবানা আগ্রে দেফান্থিখো দারাংবা হা·আইজা আরো দেফান্থিনা আগ্রে ফাগিবাখো সাকসাবা হা·আইজা, আরো দেফান্থি জেচা ফাগিবাখো ফারাকেতনা হা·ম্মা উয়ান বিখো হা·আইনা মা·ন্না।

মথিনি চকগিবা নাম্মা খাৎথা 28:18

উনোন যীশু সেফাংও রি·বাএ বিসংনা ইয়া খাৎথাখো আগানজক, “সালগিনি আরো হা·গিলসাকনি গিম্মিক বিলখো আংনা হন·মানজক।

লূকনি চকগিবা নাম্মা খাৎথা 10:22

“আপফা আংনি জাক্কো গিম্মিকখোন হন·জক। ফানা আগ্রে দারাংবা হা·আইজা দেফান্থি সা, দা·আবা দেফান্থিনা আগ্রে দারাংবা হা·আইজা ফা সা। ইনাআগ্রে দেফান্থি জেচা ফাখো ফারাকনা হা·সিকা বিয়াসান হা·আইয়া।

যোহননা 13:3

যীশু হা·আইয়ামিং, ফাগিবা ইসল বিনি জাক্কো গিম্মিকখোন হন·জক। বিয়া আরোবা হা·আইয়ামিং, বিয়া বিচানিন রি·বাআ আরো বিচান ফি·ল্লাংইংজক।

যোহননা 17:11

আংআদে ইয়া হা·গিলসাকো দংজাজক, ইন্দিবা বিসংদে ইয়া হা·গিলসাকোন দংআ; আরো আংআ নাং·চানা রি·বাংজক। রংথালগিবা আপফা, জে বিমুংখো না·আ আংনা হন·জক উয়া বিমুংও বিসংখো রাক্ষিবো, জেদাক্কে আনচিংনি আপসান হং·আ গিত্তা বিসংবা আপসান হং·না মা·ন্না।

যোহননা 17:12

আংআ জেওনা দিপ্পাৎ বিসংমুং দংআমিং উয়োনা দিপ্পাৎ নাং·নি হন·গিবা বিমুংও আংআ বিসংখো রাক্ষিয়ে রি·বাজক। আংআ বিসংখো নিরক্ষিজক, বিসংওনি সাকসাবা নাসিজা। ইন্দাকোবা নাসিনাগিবাসান নাসিজক, জেদাক্কোদে রংথালগিবা শাস্ত্রনি খাৎথা চু·সকা।

যোহননা 17:5

আপফা, হা·গিলসাক হং·বানা স্খাং নাং·মুং আংআ জে রাসংও দংআমিং উয়া রাসংখো না·আ দা·আবা আংনা হন·বো।

ওয়াত্তেতারাংনা 5:31

ইসল বিখোন রাজা আরো জক্কেৎগিবা দাক্কে আন·থাংনি জাক্রাচা আসংআনি রাসংখো হন·জক, জেদাক্কে বিয়া ইস্রায়েলনি মান্দিরাংনা পাপওনি গিসিক ফিল·না চলখো হ·ন্নে পাপনিখো ক্ষেমা দাকনা মা·ন্না।

ইফিষীয়রাংনা 1:10

বিয়া থারিয়ে দনসোআমিং, সাল চু·সকানি জা·মানো উয়া মিকসংআ গিত্তা কাম দাকনা ইন্নে বিয়া সালগিনি আরো হা·গিলসাকনি গিম্মিকখো আপসান দাক্কেতি খ্রীষ্টনি শাসননি নিং·আও রা·বানুয়া।

কলসীয়রাংনা 1:18

ইনাআগ্রে বিয়ান বিনি বে·এননি, আগানস্খাওদে মন্ডলীনি স্খুথং হং·আ। বিয়ান স্খাংগিবা আরো বিয়ান সিয়াওনি স্খাং থাংচামিং, জেদাক্কে গিম্মিকো বিয়ান দাল·বাৎনা মা·ন্না।

2 থিষলনীকীয়রাংনা 1:12

ইন্দাকোদে আনচিংনি ইসল আরো গিত্তেল যীশু খ্রীষ্টনি খা·সাচাক্কানি গিম্মিন আনচিংনি গিত্তেল যীশুনি রাসং না·সংও ফারাকনুয়া, আরো না·সংবা বিও রাসং মা·ন্নুয়া।

ইব্রীয়রাংনা 1:4

বিনি ফাগিবাচাখো বিয়া জে বিমুংখো মান·জক উয়া জেদাক্কে সা·গ্রেরাংনা বাত্তে দাল·বাতা, উয়ানদাক্কে বিয়া আন·থাংবা সা·গ্রেরাংনা বাত্তে দাল·বাতা।

ইব্রীয়রাংনা 1:9

না·আ খাকখেৎখো নামনিকা আরো অন্যায়খো মিৎচিয়া; উনি গিম্মিন ইসল, নাং·নি ইসল, নাং·নি রিপ্পেংরাংনা বাত্তে বাং·এ হান·সেংআনিখো তেল গিত্তা দাক্কে নাং·নি সাক্কাও রুদাপজক।”

ইব্রীয়রাংনা 12:2

আরো হাই, আনচিংনি মিক্রোনখো যীশুনি সাক্কাও খেম·খেম দন্না জেআন বিবিরা·আনি ফাংচাকা আরো চু·সকা হং·আ। বিনি মিকখাংও জে হান·সেংআখো দন্নামিং উনি গিম্মিনান বিয়া মান্দিরা·গিজাখো নিগিজা চিসলো সিয়াখো চাকজক আরো দা·আও ইসলনি সিংহাসননি জাক্রাচা আসংএ দংআ।

ইব্রীয়রাংনা 2:9

ইন্দিবা যীশুখোদে আনচিং নিকনা মা·ন্নিংআ। বিখো সা·গ্রেরাংনা বাত্তে অকখিসা চন্নিকেতামিং, জেদাক্কে ইসলনি খা·সাচাক্কাও গিম্মিক মান্দিনি হং·এ বিয়া আন·থাংআন সিচাকনা মা·ন্না। বিয়া দুকখো চাক্কে সিয়ামিং ইন্নে হাম্মানি মালা গিত্তা রাসং আরো মান্দিরা·আখো বিনা হন·জক।

পিতর 3:22

যীশু সালগিচা রি·য়াংজক আরো দা·আও ইসলনি জাক্রাচা আসংএ দংআ, আরো সালগিসাকনি সা·গ্রেরাং, বিলখো মান·রিকগিবারাং আরো শাসন দাকগিবারাং বিনি নিং·আও দংআ।

২ পিতর 1:17

“ইয়ান আংনি খা·সাগিবা দেফান্থি, বিনি সাক্কাও আংআ খুসি হং·বিয়া,” সালগিওনি আগানা ইয়া খাৎথাচা খ্রীষ্ট ফাগিবা ইসলচাখো মান্দিরা·আ আরো রাসংখো মা·ন্নামিং।

3 যোহন 1:7

বিসং খ্রীষ্টনি গিম্মিনান হং·খাতজক আরো বিবিরা·গিজাগিবারাংচাখো মামুংখোন রা·চাকজা।

ফারাকগিবা খাৎথা 11:15

জা·মানো স্নিগিবা সা·গ্রে বিনি সিংগাখো সিকজক। উনো সালগিচা রাক্কে রাক্কে আগানা হং·জক, “হা·গিলসাকনি সংনক দা·আও আনচিংনি গিত্তেল আরো বিনি খ্রীষ্টনি হং·জক।

ফারাকগিবা খাৎথা 19:16

বিনি বা·রাও আরো জা·ফিংও ইয়া বিমিং লিক্ষিয়া দংআ, “রাজারাংনি রাজা, গিত্তেলরাংনি গিত্তেল।”

ফারাকগিবা খাৎথা 3:21

“আংআ হাম্মে জেগিত্তা আংনি ফাগিবামুং বিনি সিংহাসনও আসংজক, উয়ানদাক্কে জেআন হামনুয়া বিখো আংআ আংমুং আংনি সিংহাসনও আসংনা বিল হ·ন্নুয়া।

ফারাকগিবা খাৎথা 5:12

বিসং রাক্কে রাক্কে ইয়া খাৎথাখো আগানিংআমিং: “জে মেষ বি·সাখো স·ওতে গাল্লা হং·জকমিং, বিয়ান বিলখো, গামখো, হা·আইয়াখো, বিল্লাকাখো, মান্দিরা·আখো, রাসংখো আরো মিৎথেলাখো মা·ন্না খ্রাগিবা।”