ফিলিপীয়রাংনা 2:3 - Garo New Testament

³ আন·থাংনাসান মান·দাপনা খা·দংএ বা গাং·বিংএ মামুংখো দা·আ দাক্কাবো, বাত্তেসা রিন্নকে গিপ্পিনখো আন·থাংনা বাত্তে দাল·নিকবো।

ফিলিপীয়রাংনা 2:3 Iomraidhean Croise

লূকনি চকগিবা নাম্মা খাৎথা 18:14

“আংআ না·সংনা আগানিংআ, উয়া খাজিনা গিলগিবাখো ইসল গ্রো নাংগিজা ইন্নে রা·চাকজক আরো বিয়া নকচানা রি·য়াংফিলজক। ইন্দিবা উয়া ফরীশীখো বিয়া গ্রো নাংগিজা ইন্নে রা·চাকজাজক। আন·থাংখো চুয়াকেতগিবাখো অন্নেতনুয়া আরো আন·থাংখো অন্নেতগিবাখো চুয়াকেতনুয়া।”

রোমানরাংনা 12:10

সাকসা সাকগিপ্পিননা জংআদা গিত্তা নাম্মেন খা·সাগ্রিকবো। আন·থাংনা বাত্তে সাকগিপ্পিনখো বাং·এ মান্দিরা·বো।

রোমানরাংনা 13:13

চ্রকে-মেসায়ে চু রিংএ আরো চু ফেক্কে হং·জা, থি·ল্লেকে আরো বিংবাং হা·সিকা গিত্তা হং·জা, নিরিয়া-গিসিয়া আরো মিকনেংআও হং·জা, ইন্দিবা জেরাং সেং·আও রি·য়া, হাই, আনচিং বিসং গিত্তা খ্রাএ রি·না।

রোমানরাংনা 2:8

ইন্দিবা জেরাং আন·থাংনি হা·সিকা গিত্তা রি·য়া আরো বিবিখো মানিগিজা খ্রাগিজাখো মানিয়া ইসল বিসংনা বিল্লংএন শাস্তি হ·ন্নুয়া।

1ম করিন্থীয়রাংনা 15:9

আংআন ওয়াত্তেতারাংনি গিসেপো চনবাৎগিবা, আরোবা, ওয়াত্তেতা ইন্নে সানিবা রিক্কামাখো মা·ন্নাবা আংআ খ্রাজা, মুয়ানা ইসলনি মন্ডলীখো আংআ গিচ্চিয়েৎনুয়ামিং।

1ম করিন্থীয়রাংনা 3:3

মুয়ানা দা·আওবা না·সং পাপ-বেওয়ালনি নিং·আও দংআ। না·সংও মিকনেংআ আরো নিরিয়া-গিসিয়া হং·আরি দংওদে না·সং পাপ-বেওয়ালনি নিং·আও দংজামা? আরো না·সংনি রি·য়ারাংবা ইন্দাকারি মান্দিরাং গিত্তান দাকজামা?

2য় করিন্থীয়রাংনা 12:20

আংআ খেনচাকিংআ, জেনসালো আংআ না·সংচা রি·বানুয়া উনো আংআ না·সংখো জেগিত্তা নিকনা হা·ম্মা উগিত্তা নিকজানাবা দংআ, আরো না·সংবা আংখো জেগিত্তা নিকনা হা·ম্মা উগিত্তা নিকজানুয়া। আংআ খেনচাকিংআ, না·সংনি গিসেপো নিরিয়া-গিসিয়া, মিকনেংআ, খা·আওনাংআখো ফিন্নিকা, মা·আৎগ্রিকা, ইন্না-জিআ, গিপ্পিননি খু·সুকরাংখো রা·এ আগানা, গাং·বিংআ আরো গোলমালরাং দংনুয়া।

গালাতীয়রাংনা 5:15

ইন্দিবা না·সং সাকসা সাকগিপ্পিনমুং নিরিয়ো-গিসিয়োদে আরো মিকনেংগ্রিকওদে ইন্দাকোদে সিমসাকবো! ইন্দাকে দাক্কোদে না·সং সাকসা সাকগিপ্পিনখো ব·ন্নেতনুয়া।

গালাতীয়রাংনা 5:26

জেদাক্কে আনচিং বু·এ দাল·নিকজা আরো সাকসা সাকগিপ্পিনখো মাংমেংএতজা আরো মিকনেংজা।

ইফিষীয়রাংনা 4:2

না·সংনি গিসিক-বেওয়াল জেদাক্কে চু·গিম্মিক রিন্নকা আরো সনথল হং·আ। চাকচিকবো আরো খা·সানি গিসিকখো রা·এ সাকসা সাকগিপ্পিনখো চাকবো।

ইফিষীয়রাংনা 5:21

খ্রীষ্টখো অলাখিয়ানি গিম্মিন না·সং সাকসা সাকগিপ্পিননা বামবো।

ফিলিপীয়রাংনা 2:14

না·সং জিচাকগিজা আরো জিগ্রিকগিজা গিম্মিকখো দাকবো, জেদাক্কে না·সং দোসগ্রি আরো খাকখেৎ হং·না মা·ন্না আরো ইয়া চাসংনি গিসিকগ্রি আরো নামগিজা বেওয়ালনি মান্দিরাংনি জাংচিও ইসলনি খ্রাগিবা বি·সা হং·না মা·ন্না। উয়া মান্দিরাংনি মিকখাংও না·সংদে জাংগি হন·চাকগিবা খাৎথাখো ফারাকে ইয়া হা·গিলসাকো আস্কি গিত্তা থেং·সুএ দংআ। ইন্দাকোদে জেনসালো খ্রীষ্ট রি·বানুয়া উনিসালো আংআ ইখো রা·এ রাসং দাকনা মা·ন্নুয়া, আংনি খ্রেংআ আরো বিমচিপা নাসি-নাদা হং·জাজক।

কলসীয়রাংনা 3:12

ইনি গিম্মিন ইসল জেরাংখো বাচ্ছিয়ে আন·থাংনা দিংথাং দাক্কে দনজক বিনি উয়া খা·সাগিবা মান্দি হং·এ না·সং নামনিকাচা, খা·সাচাক্কাচা, রিন্নকাচা, রিন্নকগিবা গিসিকচা আরো চাকচিকাচা আন·থাংথাংখো থারিবো।

কলসীয়রাংনা 3:8

ইন্দিবা দা·আওদে খা·আওনাংআখো, মিকনেংআখো, খা·চাআ-সাউইয়াখো আরো নামগিজা খু·সুকরাংখো না·সংচানিখো চে·ল্লেতবো।

1 তীমথিয় 6:4

বিয়া মামুংখোন হা·আইজা; নিরিয়া আরো জিগ্রিকা জেদাক্কে বিনি গি·সা সাআ গিত্তা হং·আ। ইরাংনি বিথি হং·জক- মিকনেংআ, নিরিয়া, জিআ, ফত্তা,

পিতর 3:8

বন·চতাও আগান্না, না·সংনি গিম্মিকনি গিসিক আপসান হং·খানা। না·সং সাকসা সাকগিপ্পিননি দুকও দুক মান·ফাবো, জংআদা গিত্তা খা·সানি গিসিকখো রা·রিকবো আরো খা·সাচাকবো আরো সনথল হং·বো।

পিতর 5:5

উয়ানদাক্কে ফান্থিরাং, না·সং দাল·গিবারাংনি নিং·আও দংবো। না·সং গিম্মিকান রিন্নকে সাকসা সাকগিপ্পিননা দাকচাকে রন·বো, মুয়ানা রংথালগিবা শাস্ত্রনি খাৎথা গিত্তা, “ইসল গাং·বিংগিবারাংনি সাক্কাও চাদেংআ, ইন্দিবা রিন্নকগিবারাংনা খা·সাচাক্কা।”