ফিলিপীয়রাংনা 2:11 - Garo New Testament

¹¹ আরো ফাগিবা ইসলনি রাসংনা যীশু খ্রীষ্টআন গিত্তেল ইন্নে খু·রাচাক্কা।

ফিলিপীয়রাংনা 2:11 Iomraidhean Croise

মথিনি চকগিবা নাম্মা খাৎথা 10:32

“মান্দিরাংনি মিকখাংও আংখো খু·রাচাকগিবাখো আংআবা সালগিও দংগিবা আংনি ফানি মিকখাংও খু·রাচাকনুয়া।

লূকনি চকগিবা নাম্মা খাৎথা 2:11

দা·আল দায়ূদনি সংও না·সংখো জক্কেৎগিবা আৎচিজক। বিয়ান খ্রীষ্ট, বিয়ান গিত্তেল।

যোহননা 12:42

ইন্দাকোবা দাল·গিবারাংওনি বাং·এন বিখো বিবিরা·জক, ইন্দিবা ফরীশীরাং বিসংখো হা·ফাল গাল্লেতনা খেন্নে বিসং উখো জিচাকজক।

যোহননা 13:13

না·সং আংখো স্খিগিবা আরো গিত্তেল ইন্না, আরো খাকখেৎখোন আগানা মুয়ানা আংআ ইন্দাকেন হং·আ।

যোহননা 13:14

ইন্দিবা আংআ গিত্তেল আরো স্খিগিবা হং·এবা না·সংনি জা·চকখো জা·সুয়েতোদে না·সংবা সাকসা সাকগিপ্পিননি জা·চকখো জা·সুয়েতনা নাংআ।

যোহননা 14:13

না·সং আংনি বিমুংচা জেখো হাম·নুয়া উখো আংআ দাকনুয়া, জেদাক্কে দেফান্থিচা আপফানি রাসং ফারাকানি হং·আ।

যোহননা 14:23

যীশু বিনা আগানচাকজক, “সাবা আংনা খা·সাওদে বিয়া আংনি খাৎথাখো মানিনুয়া। আপফা বিনা খা·সানুয়া আরো চিংআ বিচা রি·বানুয়া আরো বিমুং দংনুয়া।

যোহননা 17:1

ইয়া খাৎথারাংখো আগানানি জা·মানো যীশু সালগিচাখো নিগোদোএ আগানজক, “আপফা, সাল সকজক। নাং·নি দেফান্থিখো রাসং চাএতবো জেদাক্কে দেফান্থিবা নাং·খো রাসং চাএতনা মা·ন্না।

যোহননা 20:28

উনোন থোমা আগানজক, “গিত্তেল আংনি, ইসল আংনি।”

যোহননা 5:23

ফাগিবাখো জেদাক্কে দিমদাকান মান্দিরা·আ উয়ানদাক্কে দেফান্থিখোবা মান্দিরা·আ। দেফান্থিখো জে মান্দিরা·জা, বিখো ওয়াত্তেতগিবা উয়া ফাগিবাখোবা বিয়া মান্দিরা·জা।

যোহননা 9:22

বিনি মা·আ ফাআ যিহূদীরাংনি দাল·বাৎগিবারাংনা খেন্নানি গিম্মিন ইয়া খাৎথারাংখো আগানজক, মুয়ানা সাবা যীশুখো খ্রীষ্ট ইন্নে খু·রাচাক্কোদে বিখো হা·ফাল গাল্লেতনুয়া ইন্নে যিহূদীরাংনি দাল·বাৎগিবারাং থারিয়ে দংসোআমিং।

ওয়াত্তেতারাংনা 10:36

ইসল ইস্রায়েলরাংনা ইয়া নাম্মা খাৎথাখো ওয়াত্তেতামিং, যীশু খ্রীষ্ট, জেআন গিম্মিকনি গিত্তেল, বিচান থম·থমাখো মা·ন্না।

ওয়াত্তেতারাংনা 2:36

“ইনি গিম্মিন গিম্মিক ইস্রায়েল জাতরাং ইয়া খাৎথাখো খাকখেৎ দাক্কে হা·আইবো, জেখো না·সং চিসলো দাৎখাপামিং ইসল উয়া যীশুখোন গিত্তেল আরো খ্রীষ্ট দাক্কে থারিজক।”

রোমানরাংনা 14:11

রংথালগিবা শাস্ত্রও চক্কা দংআ, “গিত্তেল আগানা, ‘আংআ আন·থাংনি বিমুংচা আগানিংজক, আংনি মিকখাংও গিম্মিকান জা·স্খু দেম·নুয়া আরো আংখো ইসল ইন্নে খু·রাচাকনুয়া।’ ”

রোমানরাংনা 14:9

খ্রীষ্ট সিয়ামিং আরো দা·আবা থাংচামিং জেদাক্কে বিয়া থাংআনি আরো সিয়ানি ইয়া মিংগ্মিনিন গিত্তেল হং·না মা·ন্না।

1ম করিন্থীয়রাংনা 12:3

আংআ না·সংনা আগানিংআ, ইসলনি গিসিকচা খু·সুক আগানজোকনো দারাংবা ইন্দাকে আগানজা, “যীশুনি সাক্কাও শাপ গা·আকখানা।” দা·আবা গিসিক রংথালগিবাচা হং·জাওদে দারাংবা ইন্দাকে আগান্না মান·জা, “যীশুন গিত্তেল হং·আ।”

1ম করিন্থীয়রাংনা 15:47

ইন্দিবা গ্মিগিবা মান্দি সালগিওনি রি·বামিং।

1ম করিন্থীয়রাংনা 8:6

ইন্দাকোবা আনচিংনাদে ইসল সাকসাসান দংআ। বিয়ান ফাগিবা; বিচানিন গিম্মিক রি·বাআ আরো বিনি গিম্মিনান আনচিং থাংএ দংআ। আরো গিত্তেলবা আনচিংনি সাকসাসান দংআ, বিয়ান যীশু খ্রীষ্ট। বিচান গিম্মিক রি·বাআ আরো বিচান আনচিং থাংএ দংআ।

পিতর 1:21

ইসল বিখো সিয়াওনি থাংচাএতি রাসংখো রন·জক আরো বিওন না·সং ইসলখো বিবিরা·জক; আরো উনি গিম্মিনান না·সংনি বিবিরা·আ আরো খা·দংআ ইসলনি সাক্কাওন দংআ।

1 যোহন 4:15

যীশু ইসলনি দেফান্থি ইন্নে সাকফ্রাকান খু·রাচাক্কা, ইসল বিও দংআ আরো বিয়াবা ইসলও দংআ।

1 যোহন 4:2

ইসলনি গিসিকখো না·সং ইন্দাকে হা·আইনা মা·ন্নুয়া- জে গিসিক খু·রাচাক্কা যীশু খ্রীষ্ট মান্দি হং·এ রি·বামিং উয়া গিসিকান ইসলওনি রি·বাআ;

2 যোহন 1:7

হা·গিলসাকো ইন্দাকা বাং·আ মান্দি হং·খাতজক জেরাং দাক্কামব্রুএ রওমিংআ। যীশু খ্রীষ্ট মান্দি হং·এ রি·বামিং বিসং উখো খু·রাচাকজা। ইন্দাকা মান্দিরাংআন দাক্কামব্রুগিবা আরো খ্রীষ্টনি বোবিল হং·আ।

ফারাকগিবা খাৎথা 3:5

জেআন হামনুয়া বিয়া ইন্দাকা গিব্বক বা·রাখো গান্নুয়া। জাংগিনি-খি·তাপওনি বিনি বিমুংখো আংআ মামুং সালোবা রিপ্পাকে গালজানুয়া, বাত্তেসা আংনি ফাগিবানি আরো বিনি সা·গ্রেরাংনি মিকখাংও আংআ বিখো খু·রাচাকনুয়া।