ফিলিপীয়রাংনা 2:1 - Garo New Testament

¹ ইন্দাকোদে খ্রীষ্টমুং নাংরিমানি গিম্মিন খা·দংএতাখো মা·ন্নোদে, খ্রীষ্টনি খা·সানি গিম্মিন খা·নাম্মেতাখো মা·ন্নোদে, গিসিক রংথালগিবা আরো না·সংনি গিসেপো নাংরিমা দংওদে, না·সংনি খা·থংও খা·সাচাক্কা দংওদে,

ফিলিপীয়রাংনা 2:1 Iomraidhean Croise

লূকনি চকগিবা নাম্মা খাৎথা 2:25

উনসালো যিরূশালেমো শিমিয়োন মিংগিবা সাকসা থরমি আরো ইসলখো অলাখিগিবা মান্দি দংআমিং। ইসল বাসোকো ইস্রায়েলরাংনি দুকখো হা·রিকনুয়া উনি গিম্মিন বিয়া নিচাকসোংআমিং। গিসিক রংথালগিবা বিনি সাক্কাও দংআমিং আরো সিনা স্খাং বিয়া গিত্তেলনি উয়া খ্রীষ্টখো নিকনা মা·ন্নুয়া ইন্নে বিনা ফারাকামিং।

যোহননা 14:18

“আংআ না·সংখো ফাগ্রি-মাগ্রি দাক্কে দন্নাংজানুয়া; আংআ না·সংচা রি·বানুয়া।

যোহননা 14:27

“আংআ না·সংনা থম·থমাখো দন্নাংইংজক, আংনি থম·থমাখোন আংআ না·সংনা হ·ন্নিংজক; হা·গিলসাকনি হ·ন্না গিত্তা আংআ হন·জা। জেদাক্কে না·সংনি খা·থং জাজ্রেংজা আরো গিসিকো খেনজা।

যোহননা 17:13

“দা·আও আংআ নাং·চা রি·বাংজক, আরো জেদাক্কে আংনি খুসি হং·আও বিসংনি খা·থং গাপ্পা উনি গিম্মিন হা·গিলসাকো দংমিত্তিংওন ইয়া খাৎথারাংখো আগানিংআ।

ওয়াত্তেতারাংনা 2:46

বিসং ফাংনাজ্রিং থরম নক্কো খ্রিমখ্রো থম·দাকনুয়ামিং, আরো গিপ্পিন গিপ্পিন নকরাংও হান·সেংএ আরো সনথল গিসিকো আপসান চা·রিমনুয়ামিং।

ওয়াত্তেতারাংনা 4:32

খ্রীষ্টও বিবিরা·গিবারাং গিম্মিকান গিসিক আরো খা·থংচা আপসান হং·আমিং। মামুংখোন বিসং আন·থাংনি ইন্নে ইনজানুয়ামিং ইন্দিবা গিম্মিকখোন আন·থাংথাংনি নাংআ গিত্তা জাকখালনুয়ামিং।

রোমানরাংনা 5:5

ইয়া খা·দংআ আনচিংখো খ্রাচা·এতজা, মুয়ানা ইসল বিনি হন·গিবা গিসিক রংথালগিবাচা আনচিংনি খা·থংখো বিনি খা·সাচাক্কাচা গাপ্পেতজক।

রোমানরাংনা 8:26

ইনা আগ্রেবা আনচিংনি বিলগ্রিও গিসিক রংথালগিবা আনচিংনা দাকচাকা। মুয়াখো আগানে বি·নুয়া আনচিং উখো হা·আইজা, ইন্দিবা খু·সুকচা জেখো আগান্না মান·জা গিসিক রংথালগিবা আন·থাংআন আনচিংনি হং·এ মল·মলা।

1ম করিন্থীয়রাংনা 12:13

আনচিং যিহূদী বা যিহূদী হং·গিজাগিবা, নকখল বা জাকগিত্তেল হং·গিবা, দিমদাকান আপসান গিসিক রংথালগিবাচা আপসান বে·এনো রিপ্পলজক। আনচিং গিম্মিকান উয়া আপসান গিসিক রংথালগিবাখো মান·জক।

1ম করিন্থীয়রাংনা 15:31

জংআদারাং, আনচিংনি গিত্তেল খ্রীষ্ট যীশুনি কামও না·সংখো রা·এ আংনি জে রাসং, উয়া রাসংচা আংআ ইখো বিবিন আগানিংজক, সালাজ্রিংআন আংআ সিয়ানি মিকখাংগ্রিক হং·ইংজক।

1ম করিন্থীয়রাংনা 3:16

না·সং হা·আইজামা, না·সং ইসলনি দংআনি নক হং·আ আরো ইসলনি গিসিক না·সংও দংখামা?

2য় করিন্থীয়রাংনা 13:14

আনচিংনি গিত্তেল যীশু খ্রীষ্টনি খা·সাচাক্কা, ইসলনি খা·সা আরো গিসিক রংথালগিবানি নাংরিমা না·সং গিম্মিকমিং দংখানা।

2য় করিন্থীয়রাংনা 2:14

ইসলখো মিৎথেলা, আনচিং খ্রীষ্টমুং নাংরিমজক ইন্নে ইসল বিনি হাম্মে-রি·য়াও ফাংনান আনচিংখো রি·দিলা। খ্রীষ্টখো হা·আইয়া সিম্মিলগিবা বিবা গিত্তা হং·আ। ইসল বিনি হাম্মে-রি·য়াও উয়া সিম্মিলগিবা বিবাখো চিং গিত্তা হা·দাম গিম্মিকো গিপ্পাংএতা।

গালাতীয়রাংনা 4:6

না·সং দেদ্রাং ইন্নেন ইসল বিনি দেফান্থিনি গিসিকখো না·সংনি খা·থংও দংনা ওয়াত্তেতজক। উয়া গিসিক ইসলখো আব্বা আব্বা, আগানস্খাওদে আপফা ইন্নে রিক্কামা।

গালাতীয়রাংনা 5:22

ইন্দিবা গিসিক রংথালগিবানি বিথি হং·জক- খা·সা, খুসি হং·আ, থম·থমা, চাকচিকানি গুণ, খা·সাচাক্কানি গিসিক, নামগিবা গিসিক, বিবিগিবা,

ইফিষীয়রাংনা 4:4

ইসল না·সংখো রিক্কামজক ইন্নে না·সংনি গিসেপো মিংসাসান খা·দংআ দংআ, গি·সাসান বে·এন দংআ, সাকসাসান গিসিক রংথালগিবা দংআ,

ফিলিপীয়রাংনা 1:8

খ্রীষ্ট যীশুনি খা·সাখো খা·থংও দন্নে আংআ না·সংখো বাসিক খা·সাআ উনি সাক্ষি ইসল হং·আ।

ফিলিপীয়রাংনা 3:3

আনচিংআন চং·মত বিগিল রাতগিবা মান্দি, মুয়ানা আনচিং ইসলনি গিসিকচা বিখো অলাখিয়া আরো খ্র্রীষ্ট যীশুখো রা·এ রাসং দাক্কা আরো দাকবেওয়ালরাংনি সাক্কাও ফাংচাকজা।

কলসীয়রাংনা 2:2

আংআ হা·ম্মা জেদাক্কে বিসং খা·থংও খা·দংএতাখো মা·ন্না আরো খা·সাও আপসান হং·আ, আরো খ্রীষ্টখো হা·আইয়ানি গিম্মিন জেখো মা·ন্না উখো বাং·এ মান·দাপা। উনি গিম্মিন ইসলনি নিং·থুয়া খাৎথাখো, আগানস্খাওদে খ্রীষ্টখো বিসং হা·আইনা মা·ন্নুয়া।

কলসীয়রাংনা 3:12

ইনি গিম্মিন ইসল জেরাংখো বাচ্ছিয়ে আন·থাংনা দিংথাং দাক্কে দনজক বিনি উয়া খা·সাগিবা মান্দি হং·এ না·সং নামনিকাচা, খা·সাচাক্কাচা, রিন্নকাচা, রিন্নকগিবা গিসিকচা আরো চাকচিকাচা আন·থাংথাংখো থারিবো।

ইব্রীয়রাংনা 6:18

ইসলনি খু·রাচাক্কা আরো মিকচেতা মামুং সালোবা দিংথাং হং·জা। ইসল, জেআন বু·এ আগান্না মান·জা, বিয়ান ইখো খু·রাচাকজক আরো মিকচেতজক, জেদাক্কে আনচিংনি মিকখাংও জে খা·দংআ দংআ উখো রিম·না ইন্নে খাতনা রি·য়াংএ আনচিং নাম্মেন খা·দংএতাখো মা·ন্না।

পিতর 1:2

আপফা ইসল বিনি চানচিসোআ গিত্তা না·সংখো বাচ্ছিয়ে রা·জক, আরো বিনান মিকসংএ গিসিক রংথালগিবা না·সংখো দিংথাং দাক্কে দনজক। ইনি মিকসংআ হং·জক, জেদাক্কে না·সং যীশু খ্রীষ্টখো মানিয়া আরো বিনি হান·চিখো গোসাত্তাচা না·সংখো রংথালেতানি হং·আ। ইসল না·সংনা বাং·এ খা·সাচাক্কাখো আরো থম·থমাখো রন·খানা।

1 যোহন 3:24

বিনি গি·য়েতাখো জেআন মানিয়া বিয়া বিও দংআ আরো বিয়াবা বিমুং দংআ। জে গিসিক রংথালগিবাখো বিয়া আনচিংনা হন·জক উয়া গিসিক রংথালগিবাচা আনচিং হা·আইনা মা·ন্না, বিয়া আনচিংনি খা·থংও দংআ।

1 যোহন 4:12

দারাংবা মামুং সালোবা ইসলখো নিকখুজা। আনচিং সাকসা সাকগিপ্পিননা খা·সাওদে হা·আইনা মা·ন্নুয়া, ইসল আনচিংনি খা·থংও দংআ আরো বিনি খা·সা আনচিংনি খা·থংও চু·গিম্মিক দাক্কে কাম দাক্কিংজক।

1 যোহন 4:16

ইসল আনচিংনা খা·সা ইখো আনচিং হা·আইয়া, আরো বিনি খা·সানি সাক্কাও আনচিংনি বিবিরা·আ দংআ। ইসল আন·থাংআন খা·সা হং·আ। খা·সাও জেআন দংআ বিয়া ইসলওন দংআ আরো ইসল বিও দংআ।