ফিলিপীয়রাংনা 1:6 - Garo New Testament

⁶ আংনি ইন্দাকা বিবিরা·আ দংআ, না·সংনি খা·থংও জেআন নাম্মা কামখো দাকনা হা·বাচেংজক বিয়া খ্রীষ্ট যীশুনি রি·বানি সালোনা দিপ্পাৎ উখো দাক্কে ব·ন্নেতনুয়া।

ফিলিপীয়রাংনা 1:6 Iomraidhean Croise

যোহননা 6:29

যীশু বিসংনা আগানজক, “ইসল জেখো ওয়াত্তেতজক বিখো বিবিরা·আন ইসলনি কাম হং·আ।”

ওয়াত্তেতারাংনা 11:18

ইয়া খাৎথাখো খিন্নাএ যিহূদিয়ানি বিবিরা·গিবারাং জিচাকগিজা ইসলখো রাসং চাএতে আগানজক, “ইন্দাকোদে ইসল গিপ্পিন জাতরাংখোবা জাংগি মান·খানা পাপওনি গিসিক ফিল·না চল হন·জক।”

ওয়াত্তেতারাংনা 16:14

খিন্নাগিবারাংনি গিসেপো থুয়াতীরা সংজিলমানি লুদিয়া মিংগিবা মিচিক সাকসা দংআমিং। বিয়া বা·রা গিচ্চাকম্রাংখো ফালনুয়ামিং। যিহূদী হং·জাওবা বিয়া ইসলখো অলাখিনুয়ামিং। গিত্তেল লুদিয়ানি খা·থংখো ইন্দাকে এংফ্রাকেতজক জেদাক্কে বিয়া পৌলনি খাৎথাখো গিসিক নাংএ খিন্নাএ বিবিরা·আ।

1ম করিন্থীয়রাংনা 1:8

আনচিংনি গিত্তেল যীশু খ্রীষ্টআন বন·খামওনা দিপ্পাৎ না·সংখো খেম·খেম দন্নুয়া, জেনি হা·সেল বিনি রি·বানি সালো না·সং দোসগ্রি দাক্কে দংনুয়া।

2য় করিন্থীয়রাংনা 1:15

ইয়া খাৎথাখো বিবি হা·আইএ আংআ না·সংচা স্খাংআন রি·য়াংনুয়া ইন্নে থিক দাক্কামিং, জেদাক্কে না·সং রাং·গ্মি ফাত্তিয়াখো মা·ন্না।

2য় করিন্থীয়রাংনা 2:3

জেনসালো আংআ রি·য়াংনুয়া উনো জেরাংচানিখো আংআ হান·সেংএতাখো মা·ন্না খাৎথা দংআ বিসংচাখো জেদাক্কে দুক মান·জা উনি গিম্মিনান আংআ ইয়া খাৎথাখো চক্কামিং। না·সংনি সাক্কাও আংনি ইন্দাকা বিবিরা·আ দংআ, আংনি খুসি হং·আও না·সংবা খুসি হং·আ।

2য় করিন্থীয়রাংনা 7:16

আংআ খুসি হং·জক, মুয়ানা গিম্মিকোন আংআ না·সংনি সাক্কাও ফাংচাকনা মা·ন্না।

2য় করিন্থীয়রাংনা 9:4

ইন্দাকজাওদে ম্যাসিডোনিয়ানি মান্দিরাং আংমুং রি·য়াংফাএ না·সংনি থারিসোগিজাখো নিক্কোদে ইন্দিদে না·সংনি সাক্কাও চিংনি ইন্দাকফিল্লে বিবিরা·আনি গিম্মিন চিংআ খ্রাচা·নুয়া; আরো না·সংবা খ্রাচা·নুয়া।

গালাতীয়রাংনা 5:10

না·সংনি গিম্মিনো গিত্তেলনি সাক্কাও আংআ ইন্দাকে বিবিরা·আ, না·সং আরবা দিংথাং চানচিয়াখো রা·চাকজানুয়া। ইন্দিবা জেআন না·সংখো খেম·খেম দংনা রন·জাংআ, বিয়া জেআন হং·খানাবো, বিয়া বিনি শাস্তি মা·ন্নানিখো মা·ন্নুয়া।

ইফিষীয়রাংনা 4:12

বিয়া ইরাংখো বাচ্ছিয়ে রা·জক জেদাক্কে ইসলনি মান্দি গিম্মিক বিনান দাকচাকে র·ন্না থারিসোআ আরো ইন্দাকে খ্রীষ্টনি বে·এন রিক্কা হং·আ।

ফিলিপীয়রাংনা 1:10

ইন্দাকোদে নামবিবিয়াখো না·সং হা·আইচাকে বাচ্ছিয়ে রা·না মা·ন্নুয়া। উনোদে না·সং যীশু খ্রীষ্টও খাকখেৎ জাংগিনি বিথিচা চু·সকে খ্রীষ্টনি রি·বানি সালোনা দিপ্পাৎ খাকখেৎ আরো দোসগ্রি দংনা মা·ন্নুয়া, আরো ইনি হা·সেল ইসলনি রাসং আরো মিৎথেলা হং·নুয়া।

ফিলিপীয়রাংনা 1:29

না·সংনা খা·সাচাকজক জেদাক্কে খ্রীষ্টখোসান না·সং বিবিরা·আ ইন্দাকে হং·জা, উনি গিম্মিন দুকখোবা চাকনা মা·ন্না।

ফিলিপীয়রাংনা 2:12

আংনি খা·সাগিবা জংআদারাং, না·সংদে ফাংনান বাম্মে দংআ। উয়ানদাক্কে আংনি দংওসান হং·জা, ইন্দিবা মংসং দাক্কে দা·আও আংনি দংজামিত্তিংওবা না·সং অলাখিয়ে আরো খেনচাকে না·সংনি কামও ফিন্নিকবো, না·সং পাপওনি জক্কাখো মান·জক।

ফিলিপীয়রাংনা 2:13

ইসল না·সংনি খা·থংও ইন্দাকে কাম দাক্কিংজক জেনি হা·সেল বিয়া জে কামও খুসি হং·আ উয়া কামখো দাকনা হা·সিকা আরো বিল না·সংনি হং·আ।

কলসীয়রাংনা 2:12

রিপ্পলাচা খ্রীষ্টমুং না·সং গোপ্পাখো মান·জক; ইন্দাকেসান হং·জা, জেআন সিয়াওনি খ্রীষ্টখো থাংচাএতজক উয়া ইসলনি বিলখো বিবিরা·আচা না·সংখো খ্রীষ্টমুং থাংচাএতাবা হং·জক।

1 থিষলনীকী 1:3

বিবিরা·আনি গিম্মিন না·সং জে কামখো দাক্কিংজক, খা·সানি গিম্মিন জেদাক্কে গাম্মিংজক আরো আনচিংনি গিত্তেল যীশু খ্রীষ্টনি সাক্কাও খা·দংআনি গিম্মিন জেদাক্কে চাকচিকিংজক, উখো চিংআ ফাংনান আনচিংনি ফাগিবা আরো ইসলনি মিকখাংও বি·আও গিসিক রা·আ।

2 থিষলনীকীয়রাংনা 1:11

উনি গিম্মিন চিংআ ফাংনান না·সংনা বি·আ জেদাক্কে আনচিংনি ইসল না·সংখো বিনি রিক্কামনা খ্রাগিবা দাক্কে চানচিয়া, আরো জেদাক্কে বিনি বিলচা না·সংনি নাম্মা কামখো দাক্কানি হা·সিকাখো বিয়া চু·সকেতা আরো বিবিরা·আনি গিম্মিন না·সং জে কামরাংখো দাক্কিংআ উয়ো জেদাক্কে বিয়া চু·গিম্মিকেতা।

2 থিষলনীকীয়রাংনা 3:4

গিত্তেলমুং নাংরিমা ইন্নে না·সংনি গিম্মিন চিংনি ইন্দাকা বিবিরা·আ দংআ, চিংআ না·সংনা জেগিত্তা গি·য়েৎজক উগিত্তান না·সং কাম দাক্কিংআ আরো দাকনুয়া।

ফিলীমনা 1:21

না·আ আংনি খাৎথাখো মানিয়ে রা·নুয়া ইখো হা·আইএন আংআ নাং·না ইয়া চিঠিখো চক্কিংআ। আংআ হা·আইয়া, আংআ জেখো আগানা না·আ উনাবাত্তেবা বাং·এ দাকনুয়া।

ইব্রীয়রাংনা 10:35

উনি গিম্মিন না·সং দা·আ খা·সকগিজা হং·আবো, মুয়ানা ইনি বকসিস নাম্মেন দাল·বাতা।

ইব্রীয়রাংনা 12:2

আরো হাই, আনচিংনি মিক্রোনখো যীশুনি সাক্কাও খেম·খেম দন্না জেআন বিবিরা·আনি ফাংচাকা আরো চু·সকা হং·আ। বিনি মিকখাংও জে হান·সেংআখো দন্নামিং উনি গিম্মিনান বিয়া মান্দিরা·গিজাখো নিগিজা চিসলো সিয়াখো চাকজক আরো দা·আও ইসলনি সিংহাসননি জাক্রাচা আসংএ দংআ।

পিতর 5:10

জেআন গিম্মিক গিত্তা খা·সাচাক্কানি ইসল বিয়া বিনি ফাংনাজলনি রাসংখো মান·ফানা না·সংখো রিক্কামজক, মুয়ানা খ্রীষ্টমুং না·সং নাংরিমজক। না·সং বাং·গিজা সালনা দুকখো চাক্কানি জা·মানো ইসল আন·থাংআন না·সংখো চু·সকেতনুয়া আরো খেম·খেম দন্নুয়া, বিলখো র·ন্নুয়া আরো রাকগিবা ফাংচাকানি সাক্কাও না·সংখো চাদেংএতনুয়া।

২ পিতর 3:10

ইন্দিবা গিত্তেলনি সাল চা·খক গিত্তা সকবানুয়া। উনি সালো সালগিসাক ব·ন্নাংনুয়া আরো জাজং-সাল-আস্কি গিম্মিকান খাম্মে ব·ন্নাংনুয়া। হা·গিলসাক আরো উনি গিসেপো জেরাং দংআ উয়া গিম্মিকান খাম্মাংনুয়া।